السلام عليكم
هــــذا واحـــــد تــــــوه مــعرس وخلصت الزفه والامور اللي باالقصر .....
اخونا في الله شغل
واخذ حرمته ..ودعس للقصيم
يعني اهل العروسه في الرياض وهو ساكن في القصيم.
والبنيه تستحي وساكته طوول الطريق ...والرجال ماغير يسولف والبنيه
ساكته...ماحولك احد
الرجال يأس من البنت انها تتكلم ..وشغل المسجل ومسك
الخط....
في الوقت نفسه البنت كانت حشراانه ومتوهقه انها تتكلم عشان تقوله
ابي الحماااام الله يكرمكم
عاد هي طمررت للمرتبه اللي وراء عشان تنسدح ويخف عليها الوجع
المهم الرجال ماوعى الا وهذيك محطه ويصفط عندها
وينزل للبقاله ياخذ له كم كيس فصفص وكم علبة بيبسي للطريق
البنت على نزلت زوجها الا وتقز هذيك الحمامات حقت الحريم
اللي عند المسجد اللي جنب البقاله
قالت لنفسها يابنت يمديني اطمر واخلص وارجع قبل لايرجع هو من البقاله
المهم المسكينه راحت واخذت وقتها
اخينا في هالوقت قد رجع للسياره وعلى باله مرته في المرتبه الخلفيه
وخبركم عبايه سوداء واخر الليل ماانتبه انها مهيب فيه السياره وشغل
ودعسس
البنيه المسكينه طلعت وهي مرتااااااحه
وتناظر يابنت وين السياره .......وتتلفت ماتشوف غير الهنود حقين المحطه
وابو يمن حق البقاله
عاااااد تخيلوا الصدمه يوم عررفت ان زوجها دق سلف ومشى. ..جالسه تتأمل
المسكينه في نفسها يمكن راح منا ولامنا وبيرجع
شوي ماوعت الا ذاك الجمس المقبل يوم وقفوا عندالبقاله اللي جنبها
وتقز الحريم اللي في الجمس .....قالت زيييين عائله وتروح وترمي نفسها على
الحرمه اللي قدام
ام العيال وتقولها خالتي اناداخله على الله ثم عليك..وهذي قصتي
والعجوز تمسك راسها وتقولها..يابنيتي انتي تعرفين سيارة زوجك
قالت : ايوه
ويعبون بنزين ويدعسون وراااااه
نعود الان لصاحب الفصفص
اخونا في الله مريح وماشي...بعد مالقوه على بعد نص ساعه
عاد تخيل عزيزي القارئ انك على طريق القصيم وفجأة وراك
جمس يكبس بالنوربشكل مخيف يبيك توقف وش ردة فعلك
اكييد الرجال دعس قال ذولا مهابيل بيضروني ومعي عروستي
.........ويافشيــــــله اذا انطقينا................
والجمس وراه داعس يحاول انه يوقفه المهم الذهين اللي يسوق الجمس عرف وش
يسوي ...فقام يولع نور الجمس اللي داخل عشان يشوف انها عائله
واخيرآآآآآآآآ ..انتبه ووقف يبي يشوف وش عنده
ونزل معصصصصصصصصصصب. .....
عاد من اللي متوهق في هالموقف....راعي الجمس
قال في نفسه وشلون اقوله ان مرته معنا
يبي يجبها بااسلووووب تدريجي عشان ماينصدم ..خبركم في مثل هالموقف
وش بيقولون اهل العروسه
اخذت بنتنا وضيعتها ..والله ان تلزق فيك السالفه طول عمرك
والعالم يتشمتون وماعندهم سالفه غيرك
المهم راعي الجمس سلم وقال يااخوي ماكأنك مضيع لك شي ......
قاله المعرس لاوالله ماضيعت شي
قال متأكد
قال المعرس...شلون
قال راعي الجمس رح طل في سيارتك شف فيه شي ناقص لك
العريس قام يوسوس حتى المشكله مرته ماجت على باله
المهم راح ودخل سيارته وقال يامره فيه شي طاح مني وحنا في المحطه
محد رد عليه
ويوم لون وجهه بدا يميل للكرت الاحمر ....وييييين راحت المره
ورجع لراعي الجمس وقال هات السالفه
قال ياولد مرتك لقيناها في المحطه انا واهلي وقالت لنا انها نزلت
للحمام وانت مشيت ولا دريت عنها
عااد العريس كل انواع النفضات نزلت عليه تلعثم ولاقدر يتكلم
المهم راعي الجمس راح وقال للعروسه طسي عند زوجك
المهم العروسه ركبت مع زوجها السياره وانطلق لسانها اللي كان مربوط
وقامت تتعذر له...
وتقول لاتزعل مني انا كنت مستحيه اقولك اني ابي الحمام..وانت ماشاء الله عليك
ركبت السياره وانطلقت .........
ههههههههههههههه<===ياشين التميلح..توها تتميلح..عادانقلب الوضع
صار العريس هو اللي مبرطم طول الطريق
والعروسه هي اللي تبربر
مابقى الاتسووووق عشاااان اخينا في الله مرتاح من اللي حصل
اش شعورك لوانت مكان العريس
رد مع اقتباس
قصة واحد ليلة عرسه
ضوابط المشاركة
مواقع النشر (المفضلة)