اه يالحظ وش اقول وش اخلي
وش رايكم واحد يضيف مادة بالصيفي تنحذف شعبته بلحاله
واحد يحل الاختبار مصمم يجيب عشرين طبعا ذاك اليوم هو الوحيد الي جاب لاب كوت معاه بتقول ليش بقولك عشان يحل كل شي وهو واثق ويقوم يسلم الورقة يوم جا يبي يطلع الا يتذكر الاب كوت وهو راجع الدكتور معطيه ظهره وورقته قدامه على الطاولة ويطلع القلم ويشطب على الاختيار الثالث في الفقرة 7 ويحطه الثاني ويوم جت الدرجات الا كل شي صح الا الي عدله ويبطي يجيب عشرين :p
ولا كل ماراح مكان يبي يدخل تحصل الشارع مافيه احد ابد ويوم ينزل لااااااازم يطلع له واحد من تحت الارض ويجي قبله سواء عند صرافة ولا مراجعة ولا محاسب ما تفرق....
واقوى شي يمشي بالاكورد 2008 حقته فرحان الا كابريس تسعاوي في الشارع الثاني في السيد الثالث تطير طاسته في الهوا وتعترض وتدخل مع الشبك الي تحت في الصدام وتعدم الراديتر وراديتر المكيف
ومرة اسمه موجود في كل الشعب في الكلية هو بس
ومرة ما انحذف الا اسمه بس وكل ما راجع يطلع الجهاز حقهم خربان
ومرة يوم جا يطلع بطاقة صراف الي قبله استلمها ويوم جا دوره خربت ولا طلعت الا بعد خمس أيام وهذا غيض من فيض مما حصل لــopen window وعذرا اني طلعت عن الموضوع لكن دامه في الاستراحة عادي :p
وشكرا يا فقير الحظ....