الموضوع: قال أيش قال عيد ,.,.,.

ههههه

اخوي اذا انت ما عندك مكان تروحه في العيد ففي غيرك عنده 1000 مكان يروحه

غريبة و الله شباب يقول العيد زهق

لو الوالد ما يرضى انك تطلع ؟؟

ما اقول الا الله يصبرك و يرحم جدك و جميع المؤمنين

انا مدري وش فيني مكتئب حتى صلاة العيد ما رحت لاني مواااااصل لي يومين الثوب معلق ما احد لمسه والشماغ مكانه
الشوشة قابعة العيون حمر اصوات طق طبول في البراحة الي جنب البيت كوب شاهي على الطاولة :(
مدري وش السالفة عسى الله يفرج الهم بس

المشاركة الأصلية كتبت بواسطة CR@SH

ههههه

اخوي اذا انت ما عندك مكان تروحه في العيد ففي غيرك عنده 1000 مكان يروحه

غريبة و الله شباب يقول العيد زهق

لو الوالد ما يرضى انك تطلع ؟؟

ما اقول الا الله يصبرك و يرحم جدك و جميع المؤمنين

هلا والله بحبيب قلبي كراش
إلـ ( غيري ) هذولي :d وش الأمــاكن إللي يروحون لهــا , ممكن تعد لي 13 مكــان (في الرياض) .؟
حبيبي والله العضيم ملينا من الطلعه
24 ساعة ونص وحنا ندور بهالشوارع
والله ملينا
حتى مـابو(هـ) مكــان مارحنالو(هـ) :d
وفديت قلبكـ على هالمرور الكويس

المشاركة الأصلية كتبت بواسطة open window

انا مدري وش فيني مكتئب حتى صلاة العيد ما رحت لاني مواااااصل لي يومين الثوب معلق ما احد لمسه والشماغ مكانه
الشوشة قابعة العيون حمر اصوات طق طبول في البراحة الي جنب البيت كوب شاهي على الطاولة :(
مدري وش السالفة عسى الله يفرج الهم بس

تجزم نهــاجر :d
الحين حنا عندنا عيدين وطفشنا , مانحس بطعمها , الحين الأمريكــان ذولا عندهم ألف وستمية طعش عيد , أعنبو دارهم ما طفشو
غش :(

المشاركة الأصلية كتبت بواسطة محمد بن عبد العزيز

يالبى الحواااااااااااااااوه :d والحلاااااااااااوه

>>يتلذذ باكل الجالكسي .. عالم ليست مجرد طعم

>>من الفصله ماعرف يجمع

>>المشكله قاعد اكتب الرد وانا مشخص

كيف الشعور بس
وبعد 3 ساعات يمكن تفصل على غسيل الموتر .. عاد مبسوط شاري العده وكل شي معي

>>حشيش بدون كتشب

اقول اها بس .. هذا عيد ولا زم تفرح
على الاقل فرح البزورات >>جمع بزارين

اما حكاية ان العيد غش .. هذا فصلة الفيراري على 170 كم
>بايخ .لالاتكفى لاتتكلم ..وخر هناك

المهم الحين تروح تدربي راسك ورافعن يديك تبي تعيد البزارين

تعال بعيدك اليوم ... الوعد هناك ياصقيقي

صدقني باعيدك ليز وزبادي .. وغير كذا ماتسمى عيديه >>يسمع بالعيديه :d

الوعــد هنـــاكـ ولا تسحب أنت ;)
أقول بنروح بسيارتي ولا بسيارتكـ :p

*^^^^^^^^^^^^^*
!

عجبني بيض الكوكو :d >> وش تحس فيه ؟

ومثل مآقآل كوكو كورد ؛ إنت اللي تحدد مسآر يومك <<

أمآ بالنسبة لأخوي صآحب الموضوع

يآ حبيبي الدنيآ والله مآتسوى ؛ فلهآ وربكـ يحلهآ

ومآدآم عندكـ أكورد .. ؛ وش رآيك تقلبهآ الليله هجوله ؟ << :d جرب شوف وش بيطلع معكـ ..


كل عآم وإنتم بخير

ومآبي أسمع جنس مخلوق يقول العيد ملل :p


الوناسه مطلوبه

المشاركة الأصلية كتبت بواسطة meshoo

هونوها وتهون ياشباب بيدكم تخلون العيد فله اطلعو وشوفو العالم

ولاتنظرو لنصف الكاسه الفارغه :p

اهااا
تراني قريت ردكـ وطلعت أفطر من محل الكبدهـ الي جنبنا :o
العالم اللي تقول عنهم :
1- عيونه ياله ياله مفتحه وثلاث أرباعها غمص .
2- مرسم ويناضر الناس بطرف خشمه .
3- فاتح شوي من دريشة سيارته ولابس قميص أسود مخطط بأزرق ومشغل مزعل فرحان و فاجر أم السماعات .
4- رجال ومعه بزرانه كلهم مشخصين وريحة العطر تشمها من بعد سيارتين لاكــن كلهم متضايقين مدري ليه .
5- ستميه وست وستين هندي قاعدين يتخمخمون .
وأنــا راجع للبيت متحمس ومرسم وتوني مفطر والسيارهـ تلمع ماأدري الا و :
6- خبف خبف خبف <<< بلونات فيها مويه على الزجاج الخلفي لسيارتي :( .
7- سووووي طع إنفجرت أم الطبله إللي بأذني من صواريخ المبزرهـ إللي بجنب بيتنا .

كل اللي راح من الكــاسـهـ الفارغهـ :(
ممكن تعلمني وين أحصل الكـــاسـهـ المملوءهـ:o

المشاركة الأصلية كتبت بواسطة كوكو كورد

ذكرياتي مع العيد قبل 10 الى 15 سنة ..!

* يوم كنا نسافر مع ابوي وكان الخط 13 ساعة !! مدري هو مايسرع ولا الطفولة وقتها غير ..!
* يوم كنا نشتري كل شي جديد ، اجل تقول لي شاري شماغ جديد ؟؟
* يوم نصلي العيد في مسجد بعيد في مكة وجدي الاول كان يسوق سيارتة والمسجد عندة ملاهي ويقولون اذا عقلتوا نوديكم الملاهي وبعد الصلاة يقولون مافية ملاهي ..
* العيد في الليل نروح جدة كالعادة عزيمة جدي الثاني والعشا رز سليق والملاعق بلاستيك ونبدا حفلة الترجيم مع عيال خالي ترجيم رز !! وزرف الببسي الصغير والنحشة بعد الاكل مباشرة عشان مانشيل شي من الاكل !! ثم طراطيع ونعلب طش وموية وثلج حتى الثمالة ... الحوش ذيك الايام كان كبير وفية مخابي كثيرة .. الحين اسأل نفسي وين راح الحوش ؟ مع انة نفسة ماتغير فية شي !
* العيديات مستمرة من زمن الطفولة ،، واحلى شي فيها كل ما تكبر كل ما تزيد عيديتك <<< كل ما تكبر دراسياً طبعاً .


العيد الحين ومن قبل 5 سنوات بدأت سماجتة ..

* صرنا حنا اللي نسوق طول الخط مع الاهل وخلال 6 ساعات وانت فية مكة ..
* ماودك تقوم تصلي العيد ..!
* وين اقرب مسجد <<< رايح مشي للمسجد اللي جنبهم ..! وقعدت برا المسجد يقال لي اغير جو وطلع الجو كل مالة يحتر ..!
* وين يوم كنا نجتمع في سيارتين او ثلاث .. سيارة للمبزرة وسيارة للرجال وسيارة مظللة
* عمي نايم في البيت لي 7 سنوات اذكرة ما صلى العيد ..!
* الجو بايخ .. ماودك تسلم على احد وعيال عمي المبزرة جايين يسلمون علي ..وش يحسون فية <<<< مدري يوم كنا صغار ونسلم على الكبار كانو يقولون نفس الشي ؟؟؟
* عيال خالي اللي كنت العب معهم طش وموية وثلج كل واحد شرا سيارة طبعاً .. صرنا حتى بالقوة نجتمع جنب بعض .. !! ما بيننا شي .. بس المشواير اللي تطلع في اوقات بايخة ..
* العيديات ... ابحسبها لكم الرد القادم .. بس انها كثيييييرة
* بدال ما كنا نتجمع في بيت جدي .. صرنا نستاجر استراحة او استراحتين او نروح استراحة خالي اذا جمعتنا خفيفة ... مدري .. هو بيت جدي صغر ؟ ولا ايام الطفولة كل شي كان كبير ؟
* طبعاً الثوب جديد .. الشماغ من سنتين ما غيرتة كنة جديد اللهم غسيل وكوي انت اشتر اصلي ويعيش معك البسام مايفيير <<< هو نفسة حق B Unique يوم بالغلط بدل اشمغتنا عند المغسلة وسافر كمل طريقة وكتشف الغلطة يوم وصل !!


الزبدة والمختصر المفيد .. اني كنت كاتب بشكل افضل من النقاط لكن محمد بن عبد العزيز ارسل لي الرابط ع المسن والمتصفح الغبي فتحة مرة ثانية على نفس الرابط الاول وراح اللي كتبتة ..
المختصر المفيد .. عيدك مع جماعتك واقاربك ولا احلى حتى عمر معين ... والعيد صراحة اشوفة في جمعة الليل اطلق من جمعة النهار ..

* بديت اكتب الرد يوم الموضوع توة نازل ، وراح الرد ورجعت اكتب .. ثم فطرت والحين جاي اكمل وابشركم عمي اللي ينوم عن العيد من 7 سنوات قام افطر معانا ..

باقي شي مهم ماراح مع كل الاعياد ،، شي باقي ،، شي اصيل ..

مع كل عيد في مكة فية حلاوة اسمها ( بيض الكوكو ) ما اشوفها الا كل عيد بس ..!

هذي صورتها والثانية بالمرفقات :



اذكر كان لونها ابيض بس .. الحين فية وردي ..! يجي ..

الذكريات كثيرة ،،، لو اكتبها اباخذ كل الموضوع .. لكني بكتها قريب في مدونتي www.mosab.me

وفي النهاية .. كل واحد يصحى من نومة وهو يختار .. اذا كانة يبي يومة فلة ،، راح يعيش الفلة لو كل شي كئيب ..
ولو كان يبي يومة كآبة وام العبيد في راسة .. بيصير اسوأ يوم في حياتة حتى لو انة عيد ..

استمعوا بعيدكم ،، وخلوة يوم التواصل مع اصدقائم القدامى واقاربكم واللي بينكم حزازيات ، هذا يوم الفرحة ويوم التواصل والتصالح ،، اذا ما تصالحتوا اليوم .. بكرة بتبكي عند قبرة وتقول ليتة سامحتة وسامحني..


كل عام وانتم بخير وتقبل الله منا ومنكم صالح الاعمال واعادة علينا وعليكم وانتم بأفضل حال ...

والله رد مسكت
يالبى قلبكـ يامصعب ;)
على فكرهـ احشني يا زيبينا :d

المشاركة الأصلية كتبت بواسطة Mr.CaR

*^^^^^^^^^^^^^*
!

عجبني بيض الكوكو :d >> وش تحس فيه ؟

ومثل مآقآل كوكو كورد ؛ إنت اللي تحدد مسآر يومك <<

أمآ بالنسبة لأخوي صآحب الموضوع

يآ حبيبي الدنيآ والله مآتسوى ؛ فلهآ وربكـ يحلهآ

ومآدآم عندكـ أكورد .. ؛ وش رآيك تقلبهآ الليله هجوله ؟ << :d جرب شوف وش بيطلع معكـ ..


كل عآم وإنتم بخير

ومآبي أسمع جنس مخلوق يقول العيد ملل :p


الوناسه مطلوبه

من ناحية الوناسة مطلوبه فهي مطلوبه ;)
خصوصا مع الهجولة على قولتكـ :d <<< ماراح يفهمها الا مطنش وحقين البروتوكول الزحفي :d

انا بالنسبة ليي كل مكان بيكون حلو اذا كانو الحبايب كلهم معي

حتى لو كنا في بيتنا طوال ايام العيد

و الله اني في هالعيد مشتاق لناس توفوا و ناس مسافرين الله يرجعهم بالسلامة

خلك مع احبابك في اي مكان ... هذا هو العيد الحقيقي

انا صليت العيد وعلى اساس انو جماعة الحارة مجتمعين وفطور وحركات

المساجد كلهم فطروا وخلصوا ومسجدنا دوبهم يسلمون على بعض انا ولعت معي مواصل والجلسة مملة

رحت البيت بنام الا الجوال يدق الشباب بيطلعون الملز يسلمون على شباب هناك تخاوي انا قدام :d

وارجع ارسم وانزل طبعا مقسومين في سيارتين سزوكي اجار جديييدة ولاندكروزر طبعا انا اموت في شي اسمه اجار <<< جلنطاااات :o

اللي في الاند دزوا ونحنا انواع الاستهبال وجلنكات ونحنا مرسمين ورحنا الملز وضيعنا << مافي حارة في الملز مادخلناها
المهم وصلنا سلمنا وفطرنا ورجعنا باقي العصر اروح اسلم على جدي ومن بعدها يخلص العيد ونرجع للطفش ثاني

لكن ما اقول الا

يا ليت ان الزمن يرجع ورا و الا الليالي تدور
و يرجع وقتنا الأول و ننعم في بساطتنا

زمان أول أحس انه زمان فيه صدق شعور
نحب ونخلص النيه وتجمعنا محبتنا

زمن مافيه لا غيبه ولا حتى نفاق وزور
ياليته بس لو يرجع ونسترجع طفولتنا

صغار قلوبنا بيضا نعيش بعالم محصور
ولا نعرف أبد أغراب مغير عيال حارتنا

صحيح صغار في التفكير ولكن ماعلينا قصور
نخطط نكسر اللعبه وتسعدنا شقاوتنا

يازين ايام الطفولة كانت احلى من اللحين بكثيييييييير

اول كنا نبغى نكبر وتصير عندنا سيارات واللحين نبغى نرجع صغار

يازين ايام الطفولة كانت احلى من اللحين بكثير
العيد عندي كل سنة من الصباح اجلس اسلم ع اخواني و الاهل و ابارك لهم و تالي ثوب و شماغ و باقي مستلزمات الكشخة

الى بيت جدي مباركة و سلام و ضيوف و سوالف مع كل افراد العائلة و تالي غدا ذبيحة او سمك ووو
--- ما تفرق اي بيت جد اي واحد فيهم لكن لازم امر عليهم اثنينهم

و تالي اذا في طلعة للبر و للشباب طلعت ان كان في تخييم خيمت ما في قعدت شوي و تونست و رجعت البيت

و اذا ما في رجعت البيت و فكرت لطلعة في اليوم الثاني

ع العموم العيد ما احسه انه وناسة و فرحة واجد مثل طلعات البر ووو

=============

السنة العيد في امريكا و دراااااااسة بلا عيد

اولا السلام عليكم ورحمه الله وبركاته

ثانيا كل عام وانتو بخير يالغالين وجميع المسلمين بالف صحه وسلامه

ثالثا ردي على الاخ بكم عباره
تقبل الله منا ومنكم عيد ‏ مبارك علينا وعليكم
تقبل الله منا ومنكم عيد ‏ مبارك علينا وعليكم
صمنا أياماً أحلى الأيام يا رب أعدها كل الأعــوام
وفاز كل من صلى وصام
فجئت يا عيد بالخير والبشرى ‏ فأنت لنا اليوم فرحتنا الكبرى
تجمع الأحباب لتصنع الفجر
باتحاد وإخاء وقلوب صادقات ‏ ووفاء ليس تمحيه السنــون
تلتقي آياتنا كل عام بثبـات نحو خير نحو مجـد المسلميـن
كل الخلافات يمضي بها العيد تدنو المسافات وتحلو المواعيـد
‏ تدنو المسافات وتحلو المواعيـد‏
أبهجت يا عيد أحزان ماضينا ‏ أعادك الله عزاً وتمكينــــاً
‏ أعادك الله عزاً وتمكينــــاً‏

كل عام وانتو بخير
انا اقترح انك تجمع ربعك والاهل واخوياك هذا اذا هم اصلا ما دقو عليك وقالو تعال يالله ننتظرك بالاستراحة طبعا هذا بعد ما تشوف الاهل وجمعة الاهل الطيبة وبعدها مفاطيح الاهل وناااااااااااسة


اخر حل اذا قفلت معك انا اقول شغل الملكة وفرفر في(تورينو);)اللي كاتبها في معلوماتك

وبس وكل عام وانت طيب!!

جبتها على الجرح...

الحال في بعضو...

الذهـاب الى بيت الجد الله يرحمه
و نجمع العيدية نشوفها كم قرش
بعدها نزور الأقارب
و في الليلة ما يردك الا البحرين
و فـي بقية الأيام نعمل رحلات مع كل أفراد العائلة
و هـذا يكون العـيد معنا
وناسه و فرفشه و دلع :d

و انـتم الخـير لكل عـام

طفش وملل وضيقة صدر

الحال من بعضو :(

من جد الله يرحم ايام زمان

بس ما أقول الا ( الله يجعله عيد سعاده ومسرات ويفرج عنا هموم الدنيا )

وكل عام وانتو بخير

ودمتم بود

ادري ردي متأخر لكن ابكتب وش صار معي :(

مواصل واحسب صلاة العيد الساعة 6.30 << اصلا الصلاة تبدأ 6.10 لكن من وين جت ما ادري
واروح قبل الصلاة بخمس دقايق (6.25) الا الامام يخطب ... غش ! :d
واطلع واروح اسلم على جدتي واطلع اسلم على جدي وجدتي نمبر2 وخوالي <<< لحد الآن ما اكلت شئ وعقارب الساعة تشير الى 8.30 صباحا

اطلع اروح اجيب خبز للفطور ارجع يقولون لي الاهل ودنا اوديهم وارجع القا الشباب افطروا وتركون ! << غش :d

اطلع اروح للبيت الساعة 9.30 ما اشوف الطريق من النوم اللي بي
انسدح بفراشي ابنام اتقلب الى الساعة 10.00 مانمت واول ماغمضت عيني يرن الجوال جنبي واحد اعرفه
المتصل : الو
انا : هلا
المتصل : وينك
انا : بالبيت
المتصل : طيب خلاص

بغيت اروح له افقع وجهه بس قلت اللهم اني صائم :d وتعوذت من الشيطان

ارجع ابنام ومانمت الا تقريبا الساعة 11
ونوم الى الساعة 7 المغرب

وخلاص خلص العيد :(

^^^

حقين ترافيان ماتو :d

من ناحيه العيد سماجه والله

يوم 29 كنت بالشرقيه

قمت الساعه 7 بالليل >>> ام الفطور الي كذا :d

9 مسكت الخط للرياض الحبيبه

وجلست مواصل وصلينا العيد وتعيدنا وزحمه

يوم جت 7 بالليل خلاص معد اشوف 24 ساعه قايم :(

وارقد واقوم اليوم الساعه 6 الفجر

يلعن ام الطفش وش اسوي كل هالوقت

وكل عام وانتم طيبين