كيف تعرف اضحيتك....بالصور

**هيموالمسعودي** · 26-11-2009, 03:19 AM

السلام عليكم
مسيكم بالخير وكل عام وانتم بخير
طبعاً تعرفون أهل المدن الغالب عليهم الجهل بعلوم الحلال بل بأبسط الأمور وهي المسميات فوالله احيان اكون بسوق الغنم عشان اشتري ذبيحه للبيت او لضيف
اجد شخص يقول لي ياليت تختار لي ذبيحه واخدمه بالموضوع لكن افكر في الموضوع المشكله كبير سن ولا يعرف ولا فيها شي اذا سئل بس ليش مايتعلم ويعرف
ولا يعقل ان يكون شراك للحم من القصاب وللعزائم من غوزي والمطابخ ولا تعرف
تشتري ذبيحه

كيف تختار الذبيحة الجيدة ؟وكيف تعرف السن ؟

*الذبيحه الجيده بشكل عام يفضل انها تكون صغيره سن و في نفس الوقت تكون ثقيله وزن و جسمها مليان
و يمكن التعرف على حالتها الصحيه من خلال نشاطها و حركتها ونظراتها و التفاتتها
ونظافه شعرها و صوفها خاصه من الخلف(اثر اسهال؟)
انف الذبيحه و عيونها كذلك يجب انه يكون نظيفه
هذا بشكل عام
**السن او عمر الطلي
وتعرف عمر الطلي بالنظر الى اسنان الذبيحه القواطع الاماميه

والأسنان تكون في الفك السفلي فقط بينما الضروس تكون في الفكين معا وتولد بثلاث أزواج من الأسنان اللبنية ويظهر الزوج الرابع عند ثلاث أسابيع من العمر وتدوم هذه الأسنان اللبنية حتى عمر 8 شهور من بعد الولادة وتكون متباعدة وبيضاء وعلشان اسهل عليكم اذا كانت كلها صغيره و بيضاء فالذبيحه عمرها اقل من سنه ويسمى(جذع) وهذا افظل لحم خاصه اذا كان سمين

اذا كان زوج الاسنان(سنين بس) اللي في منتصف القواطع اكبر و اعرض مقارنه بباقي القواطع فالذبيحه عمرها سنه تقريبا ويسمى(ثني) ولحمه يجي جيد ويفضل اذا كان عندك عزيمه علشان تكون فطحته كبيره ويجملك عند ضيوفك

وبعده من عمر سنتين الى سنتين ونص ويسمى (رباع) ولحمه لابس فيه بس
يبي طبخ كثير ولاكن ماهو مثل الجذع والثني وشكل اسنانه طويله

وبعده من عمر 3سنوات ويسمى (سدس او سديس )
[IMG]

[/IMG]
وبعده ابو اربع سنوات ويسمى( قحم او تام )

يعني حطها قاعده براسك كل مابغيت تشتري كل ما كانت الذبيحه اصغر و اسمن كانت افضل وعند تفحصك للذبيحه ضع يدك على الثلث الاخير من فقرات الظهر اذا كان بامكانك تحسس عظام فقرات الظهر بسهوله فالذبيحه ما تنفع
ولهذا السبب الشريطيه يرفعون مقدمه الذبيحه ويقرص اذنه عشان يكش و تبدو اكثر امتلاءا انتبهو لهذي النقطه اذا جيت تفحص الطلي لاتخليه يمسكه قله فك الطلي ولا يحط يده عليه وفحص على كيفك

وبالتوفيق للجميع ياخوان من استفاد من موضوعي لايحرمني من دعائه الصالح لي