stc حياهـ أسهل

**@اكورد وبس@** · 20-11-2009, 10:05 PM

السلآم عليكم ورحمه الله وبركاته

المهم جتني رساله ع الجوال تقول :d:

تقديرا لكم وامتنانا لثقتكم بأفضل شبكه جوال بالمملكه وابتداء من السبت 21 نوفمبر 2009 الاتصلات السعوديه تهديكم شهر كامل من المكالمات مجانا إلى شبكه الاتصلات السعوديه ( الهاتف والجوال ) .. حياه أسهل ...stc

يالله كلموا بيدينكم ورجلينكم << موبايلي لا يفرحون :p

تحياتيـ)~

@اكورد وبس@.

**The Stig** · 20-11-2009, 10:47 PM

يعني يعطوكم شهر مجانا وانتم فرحانين وبعدين فاتوره اخر الشهر تكسر الظهر :d

وادفع بعدين اعترض :d

هالكماليات ماتهمنا طال عمرك ;)

**اكوردياني** · 20-11-2009, 10:57 PM

^^^^^
يوووووووووه ذكرتني بكلمته ادفع ثم اشتك
لكن الحمدلله انا الحين من عملاء موبايلي وما زالت شركة الانفصالات تطالبني بـ3000 ريال
نصابين عيني عينك

**business man** · 20-11-2009, 10:57 PM

حتى انا جتني الرساله ذي بس احس الشغله فيها كمين :d ماني مصدق على العموم بخلي الحال زي ماانا عليه ماني بمتصل بجماعتي واصدقائي كلهم ولا بخلي جوالي سبيل لمشتركي مبايلي :p انا قلبي ناغزني من الحركه ذي وكل واحد حر
تقبل مروري

**kakashi-san** · 20-11-2009, 11:03 PM

وعليكم السلام ..

اصير غبي لو صدقتهم ..

حتى لو كلامهم صدق ، يبقى الولاء لـ موبايلي ..

اجل على قولة STC حياة أسهل ، وشوووله يعطوني فاتورة في الشهر هذا وانا قاطع الجوال قبل سنتين ونص !!!

> قال ايش ، حياة أسهل ،، شخبارك بس

**B Useful** · 21-11-2009, 12:03 AM

كل ما تشوف اس طس سي ، تذكر الماضي ومعاناة الآباء والاجداد ( واللي من مواليد 1986 وحولها ;)) ، طلبت التلفون والديزل وركبوهم خلال اسبوع ، الديزل قعد شهرين بأشتراك 4 ميقا موب شغال مافية اشارة وكل 5 ايام ادق عليهم ويجيبون فني مثل ما يجي يرجع ! ، وجت فاتورتة خدمة الديزل 480 ريال تقريباً ، ثم نزلت السرعة الى 128 عشان لا يحسبون مصاريف واجد ، واخيراً بعد شهر جت اشارة الديزل ،،،، الحين لي شهر شهر اتصل فيهم كل 5 ايام عشان اشوف التسوية حقت الفاتورة المفروض يخصمون حول 550 ريال ( اشتراك شهرين 4 ميقا وشهر 128 كيلو بايت ) وما خصمو الا 122 ريال .. يعني لية ادفع رسوم الديزل وانا ما استخدمتة ؟؟؟

اي حياة اسهل يالمزروفين في فواتيركم خلال الاشهر الماضية ؟؟
اي حياة اسهل وكل ما اروح موبايلي الاقي زيادة زحمة عندهم 200٪ << اغلبهم تحويل من اس طس سي ..
اي حياة اسهل ورقم الشكاوي حقهم مشغووووول 8002444455 وقت الدوام ويردون عليك بعد ما ينتهي الدوام مباشر ( عفواً لقد انتهى الدوام ) ..

اس طس سي << فلتذهب مزروفاً الى الجحيم ،، هذا الشعار المناسب :p

للمعلومية ، شهر مجاني ( فقط لمشتركي اس طس سي والمكالمات بينهم ، يعني تدق على زين تدفع قيمة المكالمة ) . << مع اني المفروض ما اعلمكم عشان تكرهون الشركة من جد بعد شهر خخخخ

الديزل = DSL

تحياتي لعملاء موبايلي وزين وفودافون و T-mobile و بتلكو و ودو << في الامارات ، واتصالات << في الامارات و كيوتل واي واحد ما يستخدم اس طس سي :p

**almaster** · 21-11-2009, 12:29 AM

من رأيي الشخصي زيييييييييييين وبس
مع إني عندي جوالين واحد اص طي سي :d وواحد زين <<مبرووك
أمى من ناحية البزين آآ أقصد الديزل :d فالإتصالات من أسوأ الشركات على وجه الأرض في هذا المجال !!!!!!!
ولا يهمك يا صاحب الموضوع بدق على تلفون بيتنا وماني مقفل إلا آخر الشهر <<نذااالة

إلا عيال وش رايكم أشتري بلاك بيري من أي شركة؟؟

**accord 06** · 21-11-2009, 12:39 AM

كل شركه اسوأ من الثانيه عندنا للاسف

stc ما قصروا فيها الشباب

موبايلي .. ببداياتهم انواع الدلع و العروض

و الحين بعد ما ضمنوا عدد كبير من العملاء

العروض كلها للمشتركين الجدد .. و العملاء القديمين مسحوب عليهم

مع انهم صبروا على سوء الخدمه ببداية عمل الشركه

خدمة العملاء ما لك الا مكالمين او ثلاث لهم بالشهر

و عروض الشحن عندهم يكرهونك فيها بالشروط .. تقدر تستفيد من الرصيد الاضافي

لمكالمات ارقام موبايلي فقط .. و ما تقدر تستخدمه بتفعيل باقات الانترنت

و مدة الرصيد شهرين بس .. اذا ما استخدمته يروح عليك

و زين ما اضنها بتكون بعيده عن موبايلي

اصبروا عليها شوي الين يكثرون عملائهم

**كونآآآن.....)** · 21-11-2009, 12:46 AM

هههههههه ... تصــــــدق كــــــل مـــــــــــا ســـــــمعت هـــــــــالعباارة مـــت مـــن الضـــــــــــــــــحكـــ...
قـــــــال ايــــــش قــــــــــــال حيــــــــــــــــــاة اســـــــــــهل ...الا حيــــــــــــــاة أتعس .. لا قيـــــنكم هالــــــشركـــة...

**AHN** · 21-11-2009, 12:56 AM

يعني سواليف أخر اللــيل ., صارت اب بــلاش .,., :o

**حبيب هنادي** · 21-11-2009, 12:58 AM

واللهــ يا عيالــــ (( الشعب كلهـ بيرضعـــ )) (( ولا يهنونـ البنات ))

**الصامت** · 21-11-2009, 01:02 AM

موبايلــــــــــــــــــــــــــــــــــــــــــــ ـــــــــــــــــــــــــــــــــــي وبس..

**.: AFAQ :.** · 21-11-2009, 03:08 AM

هذا العرض أتوقع من كثرة الشكاوي الي عليهم

الإنفصالات أنصب شركة على وجه الأرض

لي 6 شهور فاصل جوالي و كل شهر تزيد 100 و هو مفصول

لا ني مفعل خدمات ولا شي بس 100 عيني عينك طيب ليه ،، مدري !!

على العموم إذا حجة البقره على قرونها فكرت أسددها هي طبعاً ماهي موقفه علي

بس أنا و فلان وفلان و الشعب كله إن شاء الله

حياه أنصب

**فقير الحظ** · 21-11-2009, 03:08 AM

stc حيات اطفر

**Y.k.A** · 21-11-2009, 03:19 AM

هذا العرض مسوينة علشان

يسكتوووووون الي زرفوهم من قبل رمضان

**راعي الحلم** · 21-11-2009, 03:22 AM

كالعاده
نصب واحتيال ولعب على راس العميل

**amer09** · 21-11-2009, 03:51 AM

مدري لبه احس ان ورا ذا العرض نكبة كبيييييييييييييييييييييييرة

**just ACCORD** · 21-11-2009, 04:23 AM

ههههههههههههههههههههههههههههههههههههههه

يبون يرقعون على الي صار لهم ما تقدرون وش قال شهر كامل تعبو نفسهم

**مشعل بن عبد العزيز** · 21-11-2009, 04:37 AM

الي يشوف دعيات واعلانات موبايلي stc حياهـ أسهل يعرف ان فيه مشاكل كبيره بينهم <<< المصلحه للمواطن:d

موبايلي وبــــــــــــــــــــــــــــــــــس ’’’’

**accord 2007** · 21-11-2009, 05:05 AM

ايش فيكم على شركة الاتصالات ليه التعصب هذا
مع احترامي لجميع اللي ردوا ماقريت رد دخل مزاجي وكلام بعقلانية الا رد مشعل
انا لي مع شركة الاتصالات فوق الــ 8 سنوات
صح في ذيك الفتره كانت الاسعار غالية لانه ماكان فيه منافس للشركة في السوق
بعد ظهور موبايلي بدت العروض والتنافس بين الشركتين
وشركة موبايلي شيء اكيد انها بتقدم مميزات وعروض في البداية لانها شركة جديده وتبي تحوز على اكبر نسبة عملاء
حتى زين في البداية مع عرض شهر عليك وشهر علينا لو انها مسوت هاذا العرض كان دخول زين في السوق السعوديه زي عدمها

من الاخير جميع الشركات ماوجدت عشان رضى العميل عشان الربح المادي فقط
مع حضور ضعف الرقابة وهيئة الاتصالات نايمة في العسل
موبايلي انا اعترف انها شركة قوية وانها قدمت الكثير من الخدمات الرائعه لاكن يبقى في الشركة بعض السلبيات
مثل التغير من باقة الا باقة لازم تدفع فلوس !!!!!
العرض حق الشحن اللي نزل توه ولا عمري استفدت منه اشحن بــ 10 لك يوم
اشحن بــ 30 لك 3 ايام ولا يروح علىك الرصيد
ماهو مثل شركة الاتصالات من دون اي قيود في الرصيد الاضافي يعني مايروح عليك
مافي شركة كاملة والكامل وجه الله

ماهو معنى كلامي اني متحيز لشركة الاتصالات او غيرها بالعكس .......
انا مع الشركة اللي تقدم مميزات أفضل اما من ناحية خدمة عملاء ماهمتني لان عصر تكنواوجيا المعلومات صار كل شي عن طريق الشبكة العنكوبتيه

هذي البنوك الحين مايحتاج انك تروح البنك مثل اول << تذكرون ايام الاكتتاب ولا الايداع لازم تروح تمسك سرا في البنك لاكن الحين كل شي تغير
الايداع عن طريق الصراف والسداد والتحويل الخ... كله عن طريق الكمبيوتر وانت جالس في البيت
ولا صرت تحتاج موظف البنك ولاحتى خدمة عملاء البنك الا في بعض الامور ......
وقس على هذا المثل حاجات كثير في حياتك اليومية اختلفت وصارت فقط عن طريق الانترنت

في ختام كلامي عرض الجوال انا اشوفه نقطة محسوبه لشركة stc
تعقيب على كلام مصعب ...
رتب الجمل الثاليه بالترتيب حسب تنصيف دول العالم الأول :d
ابني - احفر - خطط - اهدم - مدد - تجديد
تأخر الــ dsl في بعض مناطق المملكه السبب الرئيسي سوء البنية التحتيه
مثال على ذالك شارع جديد توه مزفلت بعد شهر أو أقل تجي شركة وتحفره << مافكرت ليه جو حفروا
أولاً لانعدام البنية التحتيه والتخطيط
وثانياً المقاول والشركات الاخرى اللي يبي يجيون يحفرون ويزفلتون كسبانين من هالشغله

فهمت ياكوكو

من الاخر اتمنى من من البعض لاجا يرد يكتب رد في حدود الادب
ويفتح باب للحوار والنقاش ....

وقت ماتجي تتكلم عن شركة أكتب مشاكلها
ولمدحت في شركة أكتب محاسنها

تحياتي للجميع

**مشعل بن عبد العزيز** · 21-11-2009, 05:13 AM

العرض حق الشحن اللي نزل توه ولا عمري استفدت منه اشحن بــ 10 لك يوم
اشحن بــ 30 لك 3 ايام ولا يروح علىك الرصيد
ماهو مثل شركة الاتصالات من دون اي قيود في الرصيد الاضافي يعني مايروح عليك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,
اضافه

المكلمات موبايلي اتوقع من ساعه 11 الليل لين 6 الصباح:d<<< الي فاهمني يصير احلا واحد

تحياتي

**accord 2007** · 21-11-2009, 05:25 AM

^^^^^
فهمت عليك !!!!
تكلم عن نفسك
ماني فاضي مثل غيري ولتحسب الناس مثلك
الوقت هذا أكون فيه يامداوم ولا طالع من الدوام وتعبان ولا نايم عشان اصحى لداومي الصباح
<< فهمت علي :-)

**يامطنش** · 21-11-2009, 05:41 AM

^^^^^
تكلم عن نفسك
ماني فاضي مثل غيري ولتحسب الناس مثلك
الوقت هذا أكون فيه يامداوم ولا طالع من الدوام وتعبان ولا نايم عشان اصحى لداومي الصباح
<< فهمت علي :-)

احلى رد قريته في الموضوع:d

يعطيك العافيه

**B Useful** · 21-11-2009, 05:54 AM

^^

ابني - احفر - خطط - اهدم - مدد - تجديد

اس طس سي مأثرة عليكـ ولا كيف ؟ :p

عادي خلة يتأخر سنة .. في بيتنا الاول انتظرتة ٣ سنوات ماعندي مشاكل ابد ،،
افهم سالفتي ، اليوم الاول قدمت على التلفون والديزل ، خلال ٤ ايام ركب التلفون واليوم الخامس ارسلو لي اسم المستخدم وكلمة المرور حقت الديزل ..!
لية يرسلونها لي ويزرفوني ٣ اشهر ومافية اشاااااااااااااااااااااااااااااااارة اصلاً // ؟ (( الحارة كلها فيها ديزل ، ما نقلنا في حي في الصحراء )) لية ما يجون يتأكدون اول مثل ماصار في بيتنا القديم يوم قدمت على الديزل يقول ماعندك اشارة يعني مش خشمك لين ما نركب لكم مدري وش اسمة !!

سمعة الشركة مهزوزة ..

شف ردود الاعضاء اللي مشتركين معهم وبعطيك مثال واحد بس :

حتى انا جتني الرساله ذي بس احس الشغله فيها كمين ماني مصدق على العموم بخلي الحال زي ماانا عليه ماني بمتصل بجماعتي واصدقائي كلهم ولا بخلي جوالي سبيل لمشتركي مبايلي انا قلبي ناغزني من الحركه ذي وكل واحد حر
تقبل مروري

خاطرة ثانية ..

واحد لة ١٠ سنوات مع اس طس سي ، معدل فواتيرة ٦٠٠ ريال فقط طول هالفترة ، جتة فاتورة خلال الاشهر الماضية ٤٠٠٠ ريال ((( كيف هذا ؟ ))) ظنك بيستمتع بالشهر ( المحدود بين المنصوب عليهم في الشركة ) ولا بيزيد قهر بتسليكة الشهر ؟؟

من ناحية النصب والربح المادي ... اكيد لا بد منة انا ما اقول ان موبايلي فوق هالشي ، لكن ليس من المعقول انك مزروف من بدايات اس طس سي ولا تزال للحين تنزرف وقاعد تسلكـ لهم ..!:p