صور سيول بعد مطرة امس في جده

**A N M A R** · 26-11-2009, 09:59 AM

.
.

هدي شوية صور صورتها وانا انقز زي القرود امبارح في العصر...

بين المويات والسيول...

وكم مره امس بقيت اروح فيها بسبب السيول والمويات الي بتجري...

هدا كلو يهون عشانكم...

الصور اخدها من حي النسيم بجده وبلتحديد شارع الاحوال المدنيه...

والاغرب حتى الاحياء متمليه موية وغرقانه على الاخر...

وفي عماير حد المويه واصل لحد نص باب العماره...

هدي الصور:

من كثر الهياط وسيارته ماتسوى شوفو النتيجه...

ياقاهرهم...

وهدي وهي 7 ساعات بس...

كيف لو 10...

مراسلكم من قلب السيول ومن قلب الحدث:

A N M A R

**ya$$er** · 26-11-2009, 10:36 AM

يعطيك العافيه ع الصور
والله عندنا في المدينه بس ماوصلت لحد كذا
الله يزيدها من امطار

تحياااتي لك

**kakashi-san** · 26-11-2009, 12:42 PM

السلام عليكم ..

اللهم يا كافيْ ،،

ما شاء الله ، تبارك الله

امطار غزيرة عندكم ، عسى الله يزيدكم ..

تدري بالاحساء متى اخر مرة شفت هالسيول ؟

اذكر كنت في صف ثالث او رابع ابتدائي ،،

< كله عج وغبار ، وشسمه هذا نسمع بالمطر :(

ندعي ربنا يرزقنا من المطر ..

يعطيك العافية على الصور ، بس ليتك منزل الموضوع بقسم التصوير ،

**@اكورد وبس@** · 26-11-2009, 12:44 PM

الرياض جاها قبل كم يوم رش خفيف :d

**meshoo** · 26-11-2009, 12:53 PM

الصور الي حاطها انت تهون !

و 48 حالة وفاه غير المفقودين !

والسبب الاكبر ان جده مافيها تصريف للمياه !!

الله يرحمنا ويغفر لنا

ويعطيك العافيه يا أنمار

**B Useful** · 26-11-2009, 03:01 PM

* برايفت : اهنيك على الموضوع بقسم التخطيط والتنسيق للتجمعات !! :p

**A N M A R** · 26-11-2009, 03:10 PM

.
.

هههههههههه

بلغلط حطيت الموضوع هون...

كوكو كورد هدي رساله لكل شخص يبغا يجي لجده واهنيك على الصورة...

هههههههههههههههههههههه

الف شكر لمروركم...

**A N M A R** · 26-11-2009, 03:20 PM

هدي في خط السريع...

ويحسافه بس والله انو قلبي بيتقطع تقطيع...

الحمدلله على كل حال...

[ame]http://www.youtube.com/watch?v=P2y3iNHlFEM&feature=related[/ame]

اللهم ارحم الاموات...

**memories** · 26-11-2009, 05:20 PM

الله يسامح الحكومه اللي ماضربت بيد من حديد على كل واحد حرامي سرق فلوسها بدون مايعمل الاصلاحات

الله يجازي اللي كان السبب

والله الى الان مو مصدق انها في جده

الحمد لله اننا بعيد شويتين عن المناطق دي

الله يلطف بعباده ويرحمهم برحمته

شكرا

**A N M A R** · 26-11-2009, 05:57 PM

اييه والله...

المفروض يتعاقبو بلكامل الامانه الي ماعنهم امانه حسبي الله عليهم...

**م ج رد حلم** · 26-11-2009, 06:37 PM

بس ابى اعرف فين مشاريع التصريف الي تكلموا عنها كل فتره مكسرين لنا الشوارع بدون اي فاايده

انا سمعت انه كبري الجااامعه طاح حتى سور الجاامعه طااح منه شوووي >>مدري اذا اشاعه ولا

الله يرحمنا برحمته

وحسبي الله ونعم الوكيل

يعطيك العااافية يانمااار

**A N M A R** · 26-11-2009, 07:17 PM

يقولون كدا...

وخالتي جايه من مكه الكباري كلها مقفلينها...

وماقدرو يجو...

وكبري الجامعه قريت انو شويه منه اتكسر وفي سور اتهد...

والله ياخويه شوف مشاريع الصرف هدي كلها ضحك على الدقون...

وحبل الكذب قصير...

شوفت كيف ربنا فضحهم بس...

**HEMA14** · 26-11-2009, 07:29 PM

هذه مصورها في حي النسيم صح

امس عديت من هناك وربك ستر السياره ما طفت

**A N M A R** · 26-11-2009, 07:47 PM

المشاركة الأصلية كتبت بواسطة HEMA14

هذه مصورها في حي النسيم صح

امس عديت من هناك وربك ستر السياره ما طفت

ايوه ياشيخ في النسيم...

جنبنا الشارع المقرف هدا...

وللان ماشفطوه...

**almaster** · 26-11-2009, 08:42 PM

الله يعينكم على هالحالة مافي طلعة بالعيد يا أهل جدة :(
تعال شوف الرياض الحارة مليانة موية بس ترى مو من المطر الجيران جالسين يغسلو أحواشهم عشان العيد :d

جدة غييييييييييييييييير

الله يعينكم ويصبركم يا أهل جدة

**A N M A R** · 26-11-2009, 08:53 PM

من جد الله يعين...

طفشان جيت جده ومستانس صفيت حقوقي من مكه خلاص...

اروح قهاوي وخرجات بسيارتي الي وحشتني للاسف الشديد ماقدر اخرج بسيارتي بسبب المويات...

**اكوردsky** · 26-11-2009, 09:00 PM

الله يساعد ويعين
والله يكون بعون اهل جنوب جده

**كلاس وولد ناس** · 28-11-2009, 01:43 AM

يوم الأربعاء الساعة 11 صباحا كنت في حي الجامعةعند دوار جامعة الملك عبدالعزيز كنت طالع عالمدينة انا والأهل الكبري اللي يطلعك عالخط السريع أتكسر
والخط تقفل ونحنا صرنا في الوسط ما بين الكبري والدوار ما يمديك تروح لا يمين ولا يسار الحواري غرقانة موية انسى انك تدخل
دوار الجامعة إذا انت مسوي مهايط وماحد قدك وتبي تدخل بتشوف اربع شاحنات مقلوبة والله انقلبت قدامي هذا وهي شاحنة
الدوار ياكثر السيارات اللي كانت عالقة فيه والسبب انه السيل شايلها وماحصلت شي يوقفها إلا عمود كهرباء او عمود الاشارة او رصيف او الدوار
والله اني قعدت في هالمكان من الساعة 11 الصباح إلى الساعة 4 وثلث
إلى ان جاء الفرج من رب العالمين
الله ينتقم من المسئولين عن هذا الشيء
آسف طولت بالكلام بس حبيت احكي لكم معاناتي

**AL_ADMIRAL** · 28-11-2009, 02:50 AM

ودي أشوف وين موقعك بالضبط يوم كنت بالتصور :d

هدي شوية صور صورتها وانا انقز زي القرود امبارح في العصر...
وللان ماشفطوه...

هههههههههه , ياخي وحشتني جده وأهلها
شكلي حنزلها قريب ومنها أراجع اللهجه لا أنساها هههه

المشاركة الأصلية كتبت بواسطة ya$$er

يعطيك العافيه ع الصور
والله عندنا في المدينه بس ماوصلت لحد كذا
الله يزيدها من امطار

تحياااتي لك

لا يكفي كدا هههههههههههههههههههه

**memories** · 28-11-2009, 06:33 AM

تخيلوا مطار الملك عبد العزيز شغلهم كله يدوي

مافي اي وسيلة اتصال شغاله

كل شي عطلان بإستثناء البرج

تخيلوا طيارات تهبط ومادروا عنها في الساحه

تخيلوا الجوازات تسجل البيانات المسافرين والقادمين في دفتر يدويا

تخيلوا البوردينج والتذاكر تصدر يدويا

كل هذا واحنا في ثاني أهم وأكبر مدينه في أغنى دوله في العالم

الله يجازي الحراميه اللي سرقوا فلوس الحكومه بدون مايعملوا اي اصلاحات

الله يقتص منهم ولا يسامحهم على اللي عملوه في الناس

كل واحد اتأثرت حياته بشكل او بآخر بسبب الكوارث اللي حصلت راح يتعلق برقابهم يوم القيامه

شكرا

**دودي أكوردي2007** · 28-11-2009, 07:41 AM

**وكالة هجولة** · 28-11-2009, 08:59 AM

**enad jeddah** · 28-11-2009, 02:05 PM

ههههههههههههههههههه
والله محد داري بشي
اناا سااكن في جنوبهاا
والسيل هدم البيت ^^ الله يعيين بس

واحد في الحااره انهدم بيتهم وحصلو لمووزين في المطبخ
صوورت كوول شي قريب بنزلها ع النت....

بس بعرف دحين الاكورد حقتي السيل غطااهاا ليين التنده..
بلييز اذا احد يعرف ايش اسوي يقولي مره محتار احرقهاا ولا اصلحهاا
نظام تأجير منتهي تمليك من الاهلي
بليز اي يقولي ايش الحل