رد مع اقتباس
المشاركة الأصلية كتبت بواسطة AbuJawad
والله النوكيااا مثل التويوتا
انتشرت في العالم انتشار قوي ومعا التطور بدوا بالتلفيق وصارت الناس تبتعد عنهم
ما انصحك بالايفون اسمع مني
الاي فون يبيله واحد مدير مايسمك حاجة بيده وعنده سواق لا يسوق ولا شي وتلقاه طول اليوم على مكالمة ولا مكالمتين
مو زي حالاتنا نسوق ونشتغل ماينفع معنا
انا اشتريته واتوهقت اتحداك تكتب رسالة وانت ماسكه بيد وحدة لازم تمسكه بايديك الثنتين
يعني لو تبغى تكتب رسالة ولا تكلم وانت تسوق انواع التعذيب
مالك الا السوني اريكسون
يكفيك انها اول شركة للهواتف الثابتة قبل الجوالات
الله يرحم اول جوال نزل هنا اريكسون العجرة :d كانه سيناو
ولما اتحدت سوني مع اريكسون صرنا نشوف ابداع وتطور وتقنية عالية بالاصوات والتصوير والمكالمات
ياخي تحس انك تستخدم جهاز ذكي مو مثل استخدام اجهزة نوكيا
انا عن نفسي من اربع سنوات ما استخدم الا سوني اريسكون ومرة مرتاح معاه وانصحك فيه
تحياتي لك ياخويي ;)
طبعآ انا أستخدمت أنواع كثيرة من الجوالات وشي قاله أبو جواد وهو صادق فيه وهي مشكلة في خاصية اللمس اذا كنت تسوق وتبي تكتب رسائل - بدون دخول عرض ياشباب واحد يقولي صفط على جنب واكتب رسالتك لأننا كلنا عارفين اننا نسوق ونكتب بدون توقف
المهم شغله اللمس متعبه في الجوالات والكيبورد الأزرار أفضل وخاصة اذا كنت حافظ مكان الحروف ماتحتاج تنزل عيونك وانت تكتب وبكذا تكون منتبه أكثر للطريق
اذا شريتة ماراح ينفعك حتى الدكتور الربيعة ..! :d
اذا كنت في مكان عام ، وكان الجميع ( مطأطئي ) رؤسهم ، وكنت انت الوحيد رافعاً رأسك .. فهذا لا يدل على عزك وشموخك .. انما يدل على انك الوحيد الذي ( ليس لدية بلاك بري ! ) :dأضحك الله سنك ياكوكوكورد ضحكتني لأني تذكرت شي وضحكت من قبل والحين بعد ماذكرته :d
وعليكم السلام ورحمة الله وبركاته
أنا كنت من مستخدمي سوني أركسون من زمان , وبعد رمضان حولت لـ نوكيا وأخذتلي N97
أخذته بسبب الشاشه الكامله بالأضافه للكيبورد المخفي
ولا أنصح به ×_×
تعليقات على كيف كيفك , ومن الأمور الروتينيه عندما أكبر صوره يغلق متصفح الصور
ثم أرجع مره أخرى وتضبط ×_×
أمس دخلت المسجد بأحطه صامت مو راضي وأنا خلاص قربت أوصل لـ الصف , أتخيل قمت فكيت البطاريه ×_×
<<< لأني لو ماسويت كذا عارف لو دق أحد ما حأقدر أسكته وهو معلق والنغمه كانت تايتنك ×_×
غير ذاكرة الـ C الصغيره , فالـ E مخلينها 32 قيقا , والـ C حول 75 ميقا
يعني مني عارف هو غباء ولا تخلف ولا شنو بالضبط ؟!؟!
أنا ما أخزن ولا شي في الـ C لاكن تحديث بعض البرامج يكون على الـ C وما باقيلي الآن ألا 7 ميقا :(
طيب شنو تنصحني ؟
أمممممم
ما أنصحك بنوكيا
ولا بسوني أركسون , صح عملي بس مافيله حريه بسبب تطبيقاته المقتصره على الجافا .
أنا عن نفسي ما حآخذ البلاك بيري أشان لازم أشترك بخدمه
وأنا أتخدم الماسنجر في الـ N97 بأشتراكي ببافة 100 ميقا بـ 25 ريال , طبعا الماسنجر ماياخذ كثير فأنا أستفيد من الباقي تصفح أميل وبعض المواقع
والآيفون برضو عن نفسي مهو عاجبني بسبب فرض الشركه على أستخدام برنامجها الـ iTunes في نقل ملفات الملتيميديا
وعدم القدره على توسيع مساحة الجهاز ببطاقة ذاكره
طيب حتقلي وش خليت أنت ووش بقيت ×_×
صح
في شركه قويه في الهارد وير وكان يعيبها السوفت وير
ولاكن الآن أصبحت تصنع أجهزه بسوفتوير لأكبر وأضخم شركات العالم (^_^)
شركة الهاردوير الغنيه عن التعريف HTC , أجهزتها ممتازه ولاكن يعيبها بصمة عار سوفتوير وندوز موبايل ×_×
أما الآن فأنتجن الشركة أجهزه بسوفتوير Google , :d
بأسم نظام Android ~_^
حالياً في جهاز HTC Hero
وأنا بما أني أهتم بوجود كيبورد , فـ فضلت الأنتظار لحين صدور جهاز من شركة HTC بكيبورد بنظام Android
موقع الشركه : http://www.htc.com/www/product/hero/overview.html
iPhone 3GS vs HTC Hero - Dogfight, Pt 1
http://www.youtube.com/watch?v=G5F0Ruzwos8
iPhone 3GS vs HTC Hero - Dogfight, Pt 2
http://www.youtube.com/watch?v=5xMUEhFBJ8g
iPhone 3GS vs HTC Hero - Dogfight, Pt 3
http://www.youtube.com/watch?v=xa1zvj5YDy4
\
/
\
أحببت أن أقول ما في جعبتي (^_^)
مراحب بالأدميرال
والله الجوال 97 عجبني جدآ في البداية وخاصة بعد ماشفته في يدك بالتجمع
للأسف سألت كثير من اللي يستخدمونه وكلن يقول ممتاز ومايعطيك عيوبه وقلت خلاص توكلنا على الله
وشريته وبدأت المعاناه وسبحان الله مثل ماقلت وخاصة لما تسكر المكالمة ويكون معلق وماينفع معاه الا لما تطلع البطارية وقمة القهر اذا مستعجل ومكالمة ضرورية وتبي تدق على واحد ثاني بأسرع وقت
1- تطفي الجهاز : مايطفي
2- لازم تطلع البطارية وترجعها
3- تشغيل الجهاز
4- تحط رقمك السري
5 تنتظر لين يعطف عليك ويفتج الجهاز
6 - راحت عليك 5 دقائق الى 10 وانت للحين مادقيت على الرجال ..
والباقي كله مثل ماقال الادميرال بالحرف الواحد وكلها واجهتني
وأكبر حركه غبيه فيه تكتب رسالتك وتكون طويلة وشوي تكبس على حرف الا رسالتك أختفت
وين راحت ماتدري
تطفي الجوال وترجع تشغله وتقول يمكن موجودة مثل الموديلات السابقة ولكن للأسف ضاع تعبك وضاعت المعلومات بالرسالة والله يعينك تكتبها من جديد
وشهر الا أسبوع من أستخدامي ورحت بعته وأفتكيت منه
( الـ HTC جهاز قوي ويمدحونه ولكن تحتاج خبرة مستخدمينه )
( البلاك بيري أنصحك بالبولد 9700 مع الضمان يعني أنتظر على احر من الجمر مثلي لين اكسيوم تجيبه وروح خذه منهم ولا من جرير )
أكسيوم ضمان سنتين
جرير ضمان : مش متأكد هو سنه ولا سنتين
مايفيدك الا اللي جرب
مثل ماقالك عاشق
طيب الحين خلني أسميها نهائيات << حلوة
أستخدمت نوكيا العادي N95 وتاريخ الشراء 2004 شهر 8 وكرفته 5 سنوات والى يومنا هذا ومازال موجود ويعمل بدون أي مشاكل والتحديث كنت اسويه دائمآ عندي بالبيت
* نوكيا ماعد صارت مثل قبل ومشاكل أجهزتها كثيرة ولا تحصى وفيها الجهاز الممتاز وفيها الجهاز السيئ وأنت وحظك
وبخصوص البلاك بيري .. الكلام كثير ومنهم راح يمدحه ومنهم راح يذم فيه
القرار الأول والأخير لك وأنصحك خذ لك جهاز من أي واحد طفش منه وجربه وشوف وضعك اذا عجبك طق لك الجديد البولد 9700 واذا ماعجبك شوف اللي بعده
البلاك بيري نظام مختلف عن السيمبيان - نوكيا وتحتاج وقت تتعود عليه
خلني أفيدك بقصة قصيرة ومثل ماقالوا مايفيدك الا المجرب
* بعت جوالي النوكيا وطبعآ أعلنتها نهائيآ X نوكيا وخلاص ماعاد ارجع لهم
وقررت أشتري جهاز موتورولا عجبني عند رجال موديل جديد وللأسف خلص من السوق وموجود نفسه بالبحرين عند أكسيوم ولكن فضي اللون وانا أبي الذهبي وأكيد أبيه كجوال ثاني للعمل
عاد توهقت ماعندي جهاز الا نوكيا في البيت وهو جهاز أحتياط لأي طارئ وبما أني مقبل على نظام جديد علي وجهاز جديد فقلت خلني أجرب البلاك بيري قبل شراء البولد الجديد ويمكن مايعجبني
ولد أخوي عنده بلاك بيري 8120
طبعآ نفس اللون والمواصفات
الجهاز من أمريكا من شركة تي موبايل ومفتوح وعطاه أخوي هدية
وقلت فرصة خلني اجربه وأعرف نظام التشغيل كيف
في البداية عقدني جدآ وكرهته والغيت فكره البلاك بيري من راسي ومنها حاجات ثانية طفشتني فيه وفي النظام ومنها
الرسائل شكلها وترتيبها غبي وأكتشفت أنها أفضل بمراحل في البولد ومفصولة عن بعض
الأسماء علشان انسخها من الشريحة الى الجهاز أحتجت يومين
المتصلين يتصلون وتطلع ارقامهم بدون الأسماء وحليتها اني حذفت الكود الخاص بالدولة لأني مختار خاصية اظهار الرقم بدون كود وهذه ما حليتها الا بعد أسبوع وعرفت كيف التعامل مع هالخاصية
طبعآ البولد كلام ثاني ومادري وش خصائصه لأنه متطور أكثر
وغير كذا انجليزي ومعرب بس الكيبورد بدون حروف عربية وللأسف اماكن الحروف تختلف واحنا متعودين سنين طويلة على النوكيا فهذه مشكلة حاليآ بالنسبه لي وكثير من الاعضاء جالس اراسلهم من موقع خدماتي وأكيد لاحظوها علي :d
واذا بتكتب رسالة بالعربي ،، هههه الله يعينك يبيلك 6 ساعات اذا كانت قصة حياتك ، قصدي طويلة بدون وجود كيبورد عربي
المهم : الجهاز كنت بشتريه من اخوي وبطلت وتراجعت بقوة في البداية وعرضت الجهاز للبيع لأن اخوي قال لي بيعه مابيه وعرفت السبب لأنه ماجرب الجهاز وعنده سوني اريكسون أفضل منه
ولكن
بعد تجربة الجهاز ومعرفة الخصائص اللي فيه بطلت أبيعه وأحسن شي أخوي قال لي بيعه بأي سعر وتعبت معه بكم ويقول أي شي وحطيت قدامه 1000 ريال وقلت له اختار اللي تبيه وخذ 200 وقال الجهاز حلال عليك
خلاصة قصة حياتي فوق :d أني حبيت نظام الـ Rim بلاك بيري ومتحمس اكثر من أول للبولد الجديد وأنتظره بفارغ الصبر
مثل اللي يشتري لابتوب ماك ويجلس ساعات على رد بموضوع لأنه ماتعود على الكيبورد ولا النظام الجديد :d
المعذره منكم طولت عليكم ولكن حبيت ادردش وأوضح بعض النقاط للفائده
وفي النهاية تمنياتي لك باختيار موفق
مواقع النشر (المفضلة)