عاجل اشاعة : الكوكاكولا بريال ونص !

**kakashi-san** · 13-12-2009, 02:58 PM

السلام عليكم ورحمةُ الله وبركاته ،،

عن المقدمات الطويلة واللي ما لها داعي ..

كنت جالس مع خوينا صاحب بقالة .

وأفاد أنه اتصل على شركة كوكاكولا وسألهم بكم نبيع الكولا ،

قالوا له بريال ونص ..

الكرتون حالياً ارتفع سعره من 21 إلى 32 ريال ..

أسبوع من مقاطعة المشروبات الغازية سواء كانت من شركة بيبسي ولا شركة كوكاكولا ..

وإن شاء الله ترجع الأسعــار مثل أوّل ..

**o-k-r** · 13-12-2009, 03:10 PM

كلامك صادق

والهندي اللي في العمارة اللي انا فيها قالي وانا راجع من الصلاة قبل اشوي

عن ارتفاع سعر الكولا

المقاطعة افضل

ومشكور

**AL_ADMIRAL** · 13-12-2009, 03:15 PM

أمس رحت ثلاث محلات جمله وكلهم مخلصه عندهم الكولا ×_×
لقيت بس في آخر واحد فانتا , أشتريت كرتونين والسعر ما أرتفع ( أمس ) بالنسبه للكولا بالجمله

والي يشتري الآن ببسي بريال ونص أعتبرو مغفل

**King** · 13-12-2009, 03:19 PM

خله يصير بـ 3 ريال

هذا سم مو مشروب >_<

**kakashi-san** · 13-12-2009, 03:23 PM

والمطاعم تبيعه بـ ريالينن بعد ..

وبعض البقالات قامت تبيع الايس تي ليبتون بـ 3 ريال ..

صار محل فااكهه وخضره مب بقالة :d

**هيموالمسعودي** · 13-12-2009, 03:26 PM

صح عليك
بس اسبووووووع نصبر عليهم ونشوف خسارتهم كيف تصير >>>>يتمنوا لو باعوه بنص ريال
افضل

**kakashi-san** · 13-12-2009, 03:34 PM

عسى تفيد هالمقاطعه ..

**meshoo** · 13-12-2009, 05:03 PM

من قبل امس وانا اشتري الكوكاكولا بريال ونص والله مشكله

شباب كلكم قاطعوا وانا باخذ كل يوم بيبسي او كولا واحد فقط :d

**كونآآآن.....)** · 13-12-2009, 05:13 PM

مــــــــآآ شـــــــــــــآآء الله عـــ الشعــــــــــــــــــب الــــــــسعووودي لووو كــــــــــــان البــــــــيــبسي بـــ 5 ريـــــــــــال راااح يـــــــشـــــتريـــــه .. الله يهـــــــــــديـــكم بـــــس :d

**King** · 13-12-2009, 05:14 PM

شركة ببسي وكاكولا حتى الآن ماطبقت التعميم

واكبر دليل قبل شوي رحت اكثر من تموينات {أتمشى ^-^}

واحد منهم يقول إذا تبي تشتري الكرتون احسبه لك الحبة بـ 1.50 ريال

إذا تشتري بالحبة بـ 1 ريال

والكلام ينطبق على الببسي والكولا ..

**AL_ADMIRAL** · 13-12-2009, 05:26 PM

King البقالات مالهم دخل
يعني الي يبي يقاطع مو يجي عند الكاشر ويسأل عن السعر ويرمي الببسي قدامه أنه معصب ×_×

البلا من فوق
أول كان ينباع الكرتون بالجمله بسعر 21 ريال , وطبعا فيلو 24 حبه , أجل الربح في الكرتون 3 ريال
الآن الكرتون ينباع بالجمله بـ 33 ريال , 24*1.5 يساوي 36 , اي أيضاً الربح 3 ريال ×_×
<<< أنا أروح محلات الجمله بأسمرار وأنت عارف ليه :d

**المهاجر333** · 13-12-2009, 05:37 PM

حسبي الله عليهم
حتى البيبسي إرفعوه والله مابقى إلا الصامولي بريال
الله يستر يرتفع ويقول وشحيذي ويسير يريالين

**King** · 13-12-2009, 05:59 PM

المشاركة الأصلية كتبت بواسطة AL_ADMIRAL

King البقالات مالهم دخل

يعني الي يبي يقاطع مو يجي عند الكاشر ويسأل عن السعر ويرمي الببسي قدامه أنه معصب ×_×

البلا من فوق
أول كان ينباع الكرتون بالجمله بسعر 21 ريال , وطبعا فيلو 24 حبه , أجل الربح في الكرتون 3 ريال
الآن الكرتون ينباع بالجمله بـ 33 ريال , 24*1.5 يساوي 36 , اي أيضاً الربح 3 ريال ×_×
<<< أنا أروح محلات الجمله بأسمرار وأنت عارف ليه :d

اهاااا :d

عشان كذا ..

**kakashi-san** · 13-12-2009, 06:44 PM

واحنا وش نقول من الصبح ..

قاطعوهم ، عشان ما ترتفع أسعار بقيّة الشركات ،،

تخيل الخبز يصير بريالين والمشكلة بتشوف فيه 4 حبات بس هذا إذا ما صار أقل ..

**الحظ الميت** · 13-12-2009, 08:07 PM

انا قاطعته من اسبوع الي راح اول كنت كل يوم اشرب بس الحين مره في الاسبوع وبالغلط بعد والحين بشرب عصير الربيع احسن لي

**مشعل بن عبد العزيز** · 13-12-2009, 08:18 PM

حراج داخلين كل شوي يزوود نص

وش ذا النظام البايخ شكلي بصلح كولا وببسي في بيتنا

**المهاجر333** · 13-12-2009, 08:26 PM

طيب الحين البيبسي اللي بنص القزاز
مازاد سعره
بكره يقولون بريال وشربها داخل البقالة علشان ترجع القزاز :d
يمدحون عصير الربيع برتقال مممممممممم

**almaster** · 13-12-2009, 08:57 PM

والله الخبر هذا أنا سمعته اليوم من واحد من الشباب بس يقول البيبسي دفعت للكولا 10 مليار ريال عشان يصير سعر الكولا بـ ريال ونص ...

على العموم انا ما دخل مزاجي إنه البيبسي تدفع للكولا فلوس !!
والشركتين منافسيين بحت..

لكن إن كان الكلام هذا صحيح فأكيد من تضررهم من المقاطعه أنا عن نفسي من أول ما صار البيبسي بريال ونص قاطعت كل منتجاتهم بيبسي سفن ميرندا واتجهت للسبرايت كولا فانتا

وترى أنا مايفرق معي البيبسي أهم شي السفن لأني ما أقدر أتركهه أكثر من أسبوعين

وهالله هالله بالمقاطعه يا شباب

**المباشر** · 14-12-2009, 04:23 AM

للأسف الشعب يعملونها سالفة مثل سالفة المراعي يوم أرتفع وبعدها يشترون وهم مايشوفون الطريق

الى متى ؟؟؟؟ ، المهم خلكم على العصير أصرف والبدائل كثيرة واللي يقاطع يكون قدها وخلكم على كلامكم لا تفشلونا ;)

**اتــشـــــ** · 14-12-2009, 05:22 AM

والله ثم والله ثم والله اني ناسي متى اخر مره وقفت فيها عند بقالة ونزلت اشتري بيبسي :d
بس الظاهر انها قبل ١٠ سنين :p

**B Unique** · 14-12-2009, 11:59 AM

المشاركة الأصلية كتبت بواسطة اتــشـــــ

والله ثم والله ثم والله اني ناسي متى اخر مره وقفت فيها عند بقالة ونزلت اشتري بيبسي :d
بس الظاهر انها قبل ١٠ سنين :p

يا جدي اتش اذا صرت شايب فلا تحسب الناس كلهم مثلك !!
اول كنت ماخذ كفايتك من التيم وإل سي كولا ابو قرشين واللحين من حق الشباب يطالبون بالببسي ابو ريال

عني انا ان شاء الله آخر سفن آب اشتريه بيكون على الغدا اليوم لان باقي لي عندهم نص ريال من امس << اللي ينشب لي انشب له :d

وبعد كذا يفتح الله حتى يرجعون لنا ابو ريال

**kakashi-san** · 14-12-2009, 12:32 PM

اجل 10 سنوات ..

وشسمه ، يمدحون ال سي السعودية ،

مشروبات غازية للحين بريال .. :d

**Mr.Goldy** · 14-12-2009, 01:05 PM

والله ياشباب بصراااحه الببسي والكولا ماافيه امل الشعب السعودي يقطعها

الحيين كل زااد سعرره وماقلتو شي الببسي يووم زااد لمتووه :d

والدليل على ان المقطاعه ماراح تستمر هالضجه يووم ارتفع

**يامطنش** · 14-12-2009, 03:18 PM

زي كل مره مقاطعه مقاطعه ولا تطبق من سالفة الدنمرك الى الببسي الحين

المشكله عندنا اي شي يزيد سعره مستحيل يرخص ثاني مره

فيه السي كولا وجيم كولا:d بريال ومنتج سعودي خوفي يطمعون هم بعد

بس الملاحظ ان العمله المعدنيه صار لها قيمه الواحد يفكر في النص قبل الريال

فرج الله قريب

**weedoo** · 14-12-2009, 04:15 PM

ياجماعه الكلام هدا خطيييير و لازم نحط له حد

انا اتدكر من زماااااان و انا بالاعدادى رحنا مره زياره لمصنع بيبسي الجميح اللى على خريص

وشفت خطوات التصنيع و التعبئه كلها قوارير و بلاستيك حتى القزاز الصغيره
و اتدكر يوميها انى قلت للمشرف حق المصنع اكيد بتخسروا حق العلب الفاضيه لأنها ماترجع خاصه القواطى المعدنيه تعرفوا ايش كان رده؟؟؟؟؟؟؟؟

يقول اصلا العلبه الواحده تكلفتها بعد التعبئه وكل شئ ماتتجاوز 20 هلله
رديت معقولة!!!!!!!!!!! واحنا نشتيرها بريال؟؟

رد و قال اصلا مكوناتها مب غاليه :مويه + هواء(غازيه) + سكر +مكملات ألوانيه مصطنعه = بيبسي يبقى كيف بنخسر؟:d
لازم نوقف شرائهم لحد مايرتجعوا و ترا البدايل كتيييييير