الموضوع: ما رأيك بقيادة السعوديين

والله السواقة في جهة و أهل السعودية في جهة:d

ما أحد عندك إذا المرور يمشي من غير لمبات
إذا المرور يخش من غير ما يأشر
إذا المرور يوقف خطأ و يقفل على الناس
طبعًا هذا ما يدل إنه الغلط بس المرور لكن برضو المفروض يكونوا قدوة للشعب

في حلقة لـ أحمد شقيري عجبتني يقوللك حتى الصلاة اللي هيا الصلاة
برضو سوق على مهلك ولا تستعجل
طبعًا هذا مو كلام الشقيري ولا كلامي
لأ هذا كلام الرسول عليه الصلاة و السلام
قال الرسول عليه السلام ((إذا سمعتم الإقامة فامشوا إلى الصلاة وعليكم بالسكينة و الوقار ولا تسرعوا فما أدركتم فصلوا وما فاتكم فـ أتموا))

لاحظ هذا في الصلاة

و إحنا هنا عندنا يخش على الناس ويسقط على هذا و يسب هذا و يطلع رجله من الشباك <---يأشر:d
عشان تأخر على دوام
ولا عشان يلحق يجيب خبز قبل الآذان
وفي رمضان عاد السواقة زفت تقطيع إشارات و سرعة و مضاربات عشان محل التميز:(

أترككم مع المقطع حق الحلقة و أحلى شيء في 6.10 لما كفشوا العسكري
[ame]http://www.youtube.com/watch?v=Wax_bqxRWNc&feature=related[/ame]

والشعب السعودي برضو يبغاله كمان 3أجيال عشان يترقى
يعني 150 سنة :d

وبعدين كمان طريقة الشوارع عندنا من جنبها والله عندنا شارع يعتبر شارع رئيسي
و ياللا تخش سيارة فيه

بس دحين أبغا أفهم سكان اليابان 126.869.397 خلينا نقول 126مليون
تعداد سكان السعودية يوصل 25مليون يا شيخ خليهم 30مليون
طيب ليش ما عندهم زحمة زينا ؟؟؟

صحيح إن اليابان فيها وسائل توصيل تانية بس برضو ما في مقارنةفي عدد السكان
و لا تنسى كمان المساحة مساحة السعودية أكبر من اليابان

ما أقول إلا الله يعيننا
أبغى أعرف كمان 10سنين قدام السعودية كيف راح تكون عامةً
و جدة كيف راح تكون خاصةً

أدري خرجت شوية عن الموضوع بس حبيت أفضفض