ميزانيتي 2600 ريال .. اين تقترحون علي الذهاب للسياحة ؟

**92.500** · 19-06-2008, 02:45 AM

مثل مانتوا شايفين قضينا اختبارات وابروح اتسيح وانبسط

2600

خويي يقول هالميزانية حقت التذكرة .. رح شف مطارهم وش شكله وارجع !

والله يا جماعة فلوسي كلها بالسوق .. عدة أسهم في مصرف إنماء .. وعدة أسهم في زين للاتصالات .. ولا أقدر أسحبها الحين أخاف تضر براس المال :d

لا تبخلون علينا بالاقتراحات .. وأظن إني لو حاولت ممكن أخليها 2650 بس منب متأكد !

عاد حللونا وبيحونا .. نبي نسحب على المنتدى بالصيفية :d

**AL5FY** · 19-06-2008, 02:51 AM

طيب عندي سؤال

انت تبي تصيف هنا بالسعودية ولا النية برا

**92.500** · 19-06-2008, 02:54 AM

لا طبعا ابهج برا .. وش يجلسني بهالغبار والحر

برا برا :d

**AL5FY** · 19-06-2008, 02:58 AM

صلاله ثم صلاله ثم صلاله

واطلق فندق بـ 150 ريال :d<<<< يابلاش

وأحلى تعسيل على أحلى جو :d

واذا تبي خوي ماعندي مانع :d<<< ياليل النشبة :d

**92.500** · 19-06-2008, 03:03 AM

المشاركة الأصلية كتبت بواسطة AL5FY

صلاله ثم صلاله ثم صلاله

واطلق فندق بـ 150 ريال :d<<<< يابلاش

وأحلى تعسيل على أحلى جو :d

واذا تبي خوي ماعندي مانع :d<<< ياليل النشبة :d

والله عرضك جيد !

طيب وشلون جوها بهالوقت من هذه السنه .. اخبر واحد من الربع راح لها يقول طبيعة بنت يهود بس مشكلتها الحشرات !

وحياك الله .. اذا الـ 2600 تبي تضفني انا وياك هذي والله الساعة المباركة :d

**الشمــــالـــي** · 19-06-2008, 03:03 AM

المشاركة الأصلية كتبت بواسطة 92.500

لا طبعا ابهج برا .. وش يجلسني بهالغبار والحر

برا برا :d

اي والله انك صادز

الواحد وش يجلسه

بالغبره والسموم .. مادام معه دراهم .

بس عندي سؤال .. وين بتسافر؟

**92.500** · 19-06-2008, 03:08 AM

المشاركة الأصلية كتبت بواسطة khaled 111

اي والله انك صادز

الواحد وش يجلسه

بالغبره والسموم .. مادام معه دراهم .

بس عندي سؤال .. وين بتسافر؟

الخفي يقول صلاله .. تشير علي بشي ثاني ؟

الميزانية تشكي وانا رافعن خشمي الا ابطلع للخارج :d

**الشمــــالـــي** · 19-06-2008, 03:26 AM

المشاركة الأصلية كتبت بواسطة 92.500

الخفي يقول صلاله .. تشير علي بشي ثاني ؟

الميزانية تشكي وانا رافعن خشمي الا ابطلع للخارج :d

والله صلاله حلوة .. على ماقال الخفي

من ناحية الجو والمناظر السياحية

وبعدين دراهمك على قدك .. اعتقد صلالة افضل حل

والله يوفقك وتروح وترجع بالسلامة .

**B Useful** · 19-06-2008, 03:30 AM

عندك خيارين وطماط واحد :

الخيار الاول :

دبي بسيارتك ..

تروح هالمكانين وتنسى ابو الصيف والحر كلة ... سكي دبي والقرية المائية ... تخلص من ذي رح للثانية اليم مايبقى معك 600 ريال وارجع للحر ..
الخيار الثاني :
دبي بسيارتك ..

تروح هالمكانين وتنسى ابو الصيف والحر كلة ... سكي دبي والقرية المائية ... تخلص من ذي رح للثانية اليم مايبقى معك 600 ريال وارجع للحر ..

الطماط الثالث : اشتر جوال جديد ورح عش اخوياك وانا منهم وانواع الفلة ,,

**أبو الريش** · 19-06-2008, 03:50 AM

وراك ما تروح الطائف في الجو الحـلو والجميل

السياحة في بلادي افضل

:d

...............

والله يا خوك لو تضيف صفر على المبلغ كان اقترح عليك اشياء بالملي يا حبيبي

**ل م س 3 3 4** · 19-06-2008, 03:54 AM

والله انا ارشح لك دبي وبقوة ،،بس طبعا بسيارتك علشان تكفي فلوسك وانا مجربها ورحت بسياره وفليتها احلا فله ،،،

واذا عندك اي استفسار لايردك الا كيبوردك

**وهـمـ** · 19-06-2008, 04:02 AM

رح للبحرين .. هع فندق بيسان بالمنامه < وصخ الملعون :D

لا امزح .. علطول مع اجازة الطلال .. دزو القاهره ..

والله اشياء تعجبكم .. روحوا حفلات قراند حياة حقت رابح صقر .. وبلاك هاوس .. وتعشوا بفرايديز .. والله فيه رزق هناك < رزق = اذا انت مؤدب منت فاهمها :d
وروحوا قهوات خان الخليلي .. ولا شرم الشيخ .. ولا بيرووت

**مجرد رأي** · 19-06-2008, 04:18 AM

.. صيفنا مع اهلنا احلى ..

اقنع نفسك بهذي الحكمة دام ميزانيتك تشتكي

:d

ولا زي ما قال الخفي .. صلالة ..

**أبو الريش** · 19-06-2008, 04:21 AM

يا شباب ترى دبي

ما تكفي لــ 2600 ريال

على الطريق اضرب حسابك بــ 600 ريال من بنزين من دخول دبي ومن محطة لازم بتاكل لك كم شغلة مدي ايش

والــ2000 الباقي ايش بتعمل بهم ؟؟؟؟

فندق 350 ريال (ليلة واحده) بالموووت يتحصل قول انك بتقعد ليلتين يعني 700 ريال طارت للفندق

وبقت معاك 1300

تروح قرية مائية وكم محل وتسويق 1000 ريال مثل الكيك طارت

بقت معك 300

ترجع بها على الطريق تخليها معك

وش رايك بالتحليل

**يامطنش** · 19-06-2008, 04:23 AM

والله يا ميزنيتك ضعيفه حقها صلاله او دبي طبعاً مع اقتصاد مو طبيعي يعني علبه جبن وخبز:d

والله لو تروح سياحه داخليه تنزرف<< ربوع بلادي

طيب فيه حل دام موترك مشالله جديد اطلع القصيم المدينه اذا امداك تبوك حقل ينبع املج مكه تاخذ عمره جده الطائف ترى مهي شينه

**92.500** · 19-06-2008, 05:18 AM

كوكو ..خياراتك دايما محيره .. كل خيار ازين من الثاني

اخيراً لقيت احد يفهمني ويفهم وش انا ابي .. طيب اروح لدبي بالسياره

ويمكن ان شاء الله ادبر قروش منا ومناك .. لمين اوصلها 3000 .. زينه .. تبسطني يعني ؟

وعلى طريقة .. ياليت ترسم لي برنامج الرحله وهل يلزمني رخصة دولية ولا تكفي رخصتي

وهل سكي دبي والقرية المائية تستقبل عزابية ؟ :d

طيب فيه حل دام موترك مشالله جديد اطلع القصيم المدينه اذا امداك تبوك حقل ينبع املج مكه تاخذ عمره جده الطائف ترى مهي شينه

انا قلت ابروح اتبطح وانبسط .. ماقلت ابدخل سباق رالي :d

**رايح لـ رابح** · 19-06-2008, 06:32 AM

مااخبر في سياحة برا تكلف 2500

شوف عندي لك فكره
اشتري بلايتيشن 3 بـ 2200 واشتري شريط جراند بـ 250
واقعد فلها في البيت احسن لك يالمطفر :p

**AL5FY** · 19-06-2008, 08:02 AM

^^^^^

معكـ سلف عشر تريل يالكاش

**B free** · 19-06-2008, 08:37 AM

المشاركة الأصلية كتبت بواسطة كوكو كورد

عندك خيارين وطماط واحد :

الخيار الاول :

دبي بسيارتك ..

تروح هالمكانين وتنسى ابو الصيف والحر كلة ... سكي دبي والقرية المائية ... تخلص من ذي رح للثانية اليم مايبقى معك 600 ريال وارجع للحر ..
الخيار الثاني :
دبي بسيارتك ..

تروح هالمكانين وتنسى ابو الصيف والحر كلة ... سكي دبي والقرية المائية ... تخلص من ذي رح للثانية اليم مايبقى معك 600 ريال وارجع للحر ..

الطماط الثالث : اشتر جوال جديد ورح عش اخوياك وانا منهم وانواع الفلة ,,

انا مع كوكو كورد

اول شي يا شيخ متعه والله وانت ماسك خط وتتعب لين توصل الامارات .. والله شي

فمالك الا انك تقصد ع نفسك ولا تبيع اسهمك وتروح تفل ام امها

والله يوفقك

**92.500** · 19-06-2008, 09:08 AM

اكتشفت ان اختي ناوية تسافر هي وعيالها .. الجيش كله يعني :d

عاد هذاي احاول اقنعها انه مهوب ضارها لو اخذت واحد زايد معهم .. خصوصا اني مؤدب وخدوم .. ولو تقومني الساعة ثلاث الفجر عشان أروح للصيدلية ما عندي مانع ..

طبعا مابدت تقتنع الا يوم قلت لها اني مستعد بعد البس بدلة سوداء رسمية ونظارات شمسية وأقرّع عشان تشخص بي يقالي بودي قارد :d

دعواتكم لي ياشباب .. ولو وافقت ابسحب على خويي اللي مواعده نروح انا وياه :d

**ملك الحر** · 19-06-2008, 09:23 AM

شرم الشيخ على طيران سما

التذكرة ذهاب و غياب بحدود 1000 و تبقى معك 1600 ريال تكفيك 3 أيام..

و تحياتي ،،،

**وهـمـ** · 19-06-2008, 09:59 AM

لحظه لحظه لحظه .. هذي ميزانية التذكره ولا كل السفره ..

؟

سلآمات .. 2600 ما توكل عيش .. :d

الناس ميزانياتهم 15 20 .. وانت 2600 ؟!!

من جد الله يعينك مالك الا الشرقيه 3 ايام بالسياره

**الشمــــالـــي** · 19-06-2008, 10:49 AM

بتسحب على الخفي .. ههههههههه

ترا مالها داعي

الرجال متولم ومضبط اموره .:d

**B Unique** · 19-06-2008, 12:38 PM

انا ومصعب وواحد من فصيلتك (قصيمي) طلعنا بالسيارة للامارات واخذنا فيها 5 ايام لااااااااااا تنسى !!

القطة كانت 1500 ريال من كل واحد شاملة كل شي اكل وسكن وتمشية ومن غير ما نبخل على انفسنا بشي
وابشرك يوم رجعنا الرياض كل واحد بقى له من القطة 50 ريال

دور لك اثنين صاملين مثلك وبإذن الله بتعيشون فللللللللله ما تنسونها طول اعماركم

;)