اذكر هالسالفة من ايام ٢٠٠٤-٢٠٠٥ في منتديات جوال العرب قسم السوني اريكسون .. انغثينا - المشرفين - من الاعضاء اللي يكتبون العناوين المبهمة ( النجدة - مشكلة - w900i - وهكذا .... )
حطينا موضوع مثبت ياعالم لحد يكتب بهالطريقة
حطينا بالتواقيع تحذير ترا موضوعك بيغلق وقد يحذف
سوينا كل الطرق ..

المشكلة في الشعب نفسة كيف تفهمة ان : الموضوع يقرأ من عنوانة ؟؟
اذا اختصر مشكلة بالعنوان يبيشر بالجواب جاية ..

لكن اذا حط بالعنوان ( النجدة .. ساعدوني .. مشكلة )
ثم حط هالنقاط
.
.
.
.
.
.
.
.
.
. ( ياللي تناظر من برا خش واقرا الموضوع )

وتخش تبي تحل المشكلة ... لكن الغبنة والقهر تسحب علية لأنة ضيع وقتك في شي تافة ومكرر ، لاهو اللي اختصر مشكلتة بالعنوان ولا خلاك تقرا تقرا بداية الموضوع من الخارج قبل الضغط على الرابط ..

في النهاية والحل الاخير اللي سويناة .. حذف كافة المواضيع اللي بهالطريقة ..واذا احد قال ليش؟ نعطية الرابط اللي نبين فية الطريقة الصحيحة ويرجع يكتب موضوعة ويلاقي اللي يسرة ..

طبعاً الطريقة متعبة وغير مجدية .. لأن كل من طلع من بطن امة شروا لة iPad وخش النت حقة وكل شي لة ويبي يمشي الامور على كيفة ..

والحل الاخير المشرفين هم يحطون العنوان المناسب لهؤلاء الاطفال .. والقهر .. يجيك واحد : ليش تغير عنوان موضوعي ؟؟!

وبأيدينا نصنع التغيير .