شباب انتهبوا انا اكلتها على راسي

**nicekiss** · 13-06-2010, 04:37 PM

انا اسف موضوعي خارج عن موضوع المنتدى ولكني حبيت انبه الكل للعظه والعبره :o

مرحبا يا شباب الحمد لله جت على كذا :( المهم اني امس قررت اخربها واشتري من النت بالفيزا
وياليت ماسويتها ولكن قدر الله وما شاء فعل

المهم شريت ذهب للعبة ترافيان بالنت وكان قيمتها بي 92 ريال فقط

وتفاجأت اليوم بس اني الموقع كان مهكر واستخدموا الفيزا حقتي بمشترايات وصلت 2300 ريال والحمدلله تداركت الموقف بسرعه ووقفت الفيزا والان انا في حوسه مع البنك والله العالم بيحطوها على راسي شكلها بالاخير:(

عموما انا حبيت انبه الجميع انه يكون حذررررررررررررر جداً لما يستخدم الفيزا بالنت لا يتهور وينطق على راسه مثلي:o:o

**ghazi** · 13-06-2010, 04:52 PM

يعطيك الف عافيــه...؟

**abAdy.777** · 13-06-2010, 05:03 PM

يلا الحمدالله
2300
وانشاءالله الكل يتعض
وترافيان :p
اخوي الصغير خذو منه رسل رساله
بـ 100
وماشاف شي ولا ذهب ولا صخر :d

**جاكي2** · 13-06-2010, 05:34 PM

لا حول ولا قوة إلا بالله
عوضك الله خير إن شاء الله
ودمتم سالمين

**f a w a z** · 13-06-2010, 05:38 PM

اي سيرفر تلعب ؟ :d

**B Useful** · 13-06-2010, 05:38 PM

اجل باقي تلعب ترافيان اجل ..!

بالله ما تحس انك من العصر الحجر او الطباشيري ..! :p

انصحك راسل قناة (ناشيونال جيوقرافيكـ ابو ظبي ) خل يجون يسون تقرير وبحث عنكـ :d

دعابهـ دعابهـ :d

* بخصوص الشراء من النت / من الافضل تكون الفيزا Debet وخاصة للنت ورصيدها يكون محدود .

**اكورد مودي** · 13-06-2010, 05:58 PM

والله يا خوي منت اول واحد عندنا واحد من الشباب نفس الموقف هذا مر عليه بس الحمدلله كان باقي في البطاقه 1500 وراحت عليه
وطبعا البنك حسبها عليه مافيها كلام
فاحذرو يا شباب من الشراء من المواقع المشبوهه اذا الموقع رسمي اوكي غير كذا ما انصحكم
والفيزا هذي لو يعطوني هيا بلاش ما اخذها هذي اكبر ورطه طلعوها للوالد ورسلوها بالبريد اليوم الثاني راحلهم يقولهم ما ابغاها ولا تطلعوها لي ابدا ولو ببلاش
تحياتي

**B Useful** · 13-06-2010, 05:59 PM

يووووووووووووووووووووووووووووووووة الله يقلع ابليسك !!

لحظة خلني اذكر اسمك الصدقي ... يا قديم ..! اذكرك من ايام تجمع الشرقية الاول ... الله يرجك ..

وشلون طلعت على ذا العالم مرة ثانية ..

اخبرك جاي التجمع ذاك اليوم زي المصري بدون لا اثبات ولا رخصة ولا جواز سفر .. وسيارتك كانت اكورد V6 لؤلؤي ..

لا لا لا من جد وش تحس في
وش ذا القطعة ...!

اذا ما كنت غلطان فأن اسمك فيصل // الا اكيد ... هذا اسمك مسجلة عندي في الايفون <<< تخيل اني قابلتك سنة 2007 وغيرت جهازي 5 او 6 مرات ورقمك الحين في الايفون .. :d

فية لك عندي رقمين //
واحد آخرة 5939
والثاني 1713

اقسم بالله لو لقيتكــ احس ودي اعضك من القهر ...!

طبعاً على فكرة ردي المفيد رقم 6 والمؤدب لأني كتبة وانا ماقريت اسم كاتب الموضوع ..

بس الحين من جد لازم تروح لناشيونال جيوجرافيك ابو ظبي يشوفون وش وضعك في الحياة يا موظف ارامكو اللي طفش من كثر ما يركب طياراتهم لدرجة انة يحتري الويكند <<<<<<<< تعرف ليش ؟؟ (( ماعليك مني معلم احد ))

**مجوووودي** · 13-06-2010, 06:23 PM

نفسي ارجع العب ترافيان والله زمان يافن :d

**يامطنش** · 13-06-2010, 06:53 PM

الحمدلله جنبي بخاخ ربو

**TaAaloOoL** · 13-06-2010, 06:58 PM

أقول يمدحـون لعبـه سكنـد لآيف secondlife:d
بلا ترآيفين بلآ خرآبيط

معليش ياصاحب الموضوع طلعنا برآ الموضوع :d , مشكور ع نصيحتك

**مجوووودي** · 13-06-2010, 07:59 PM

المشاركة الأصلية كتبت بواسطة يامطنش

الحمدلله جنبي بخاخ ربو

زين انك جايب معك بخاخ للربو :d

الغبار مو من ترافيان.. من تاريخ تسجيلك .. :d

**nicekiss** · 14-06-2010, 12:26 PM

ههههههههههههه مرحبا انا ادور الموضوع اتاريهم الشباب ناقلينه هنا يؤ يؤ يؤ قام انواع الحفال عليا خلاص انا نصاب ما صار شئ هههههههههههههههه
اولا السلام عليكم جميعاً من اول نكل إلى أخر نك

وبالنسبه لاخويB Useful يالفضيحه معلوماتك صح ورقمي الي اخره 5939 هذا هو رقمي ولكن بالفعل انا ماتوقعت احد يذكرني :d

وخبري فيكم من تجمع الشرقيه ووقتها كنت برى الظهران وابشرررررركم الحمدلله نقلت الظهران بتاريخ 7/7/2007

قسم بالله يوم تاريخي بحياتي ياراجل لحست المكاتب من قوة الحرمان الي شفته برى الظهران هههههههههههههههه

عموما بالفعل يا شباب انا ودي نجتمع بالظهران او بالخبر خاصه الشباب الي حولنا وعندي اسأله واستفسارات كثيييييييييييييييييييييييييييييييييييره صدقوني راح تصدعون من كثر الاسأله حقيقتاً انا محتاج للدعم الفني السياره يبغالها محرقه وتبديل بسياره جديده خخخخخخخخخ للمعلوميه من شريت السياره ماركبت فيها ولا حتى لمبه هههههههه السياره هي اكورد 2007 V6 لؤلؤي

**AHN** · 14-06-2010, 12:46 PM

الله يعز أيام سيرفر 21. ,

**فتى زهران** · 14-06-2010, 01:02 PM

يالييييييييييييييل

طلعوا الشيبان حقين الموقع :d

الله يعوض عليك يا شايبنا <<< بينطق من الشايب :d

اجل انت من القدامى في الموقع وتونا نشوفك

وين الناس ماتجي التجمعات على الأقل نستفيد من خبراتكم يا شيباننا انت وبي يوسفول << مستعجل مايقدر يكتب انجليزي :d

يالله إن شاء الله بعد نسوي تجمع حلووو وخفيف كذا وضروري شيبان الموقع يكونوا متواجدين فيه والا مو ياشباب << عز الله بينطق

فتى زهران <<< انقلع برا :d

أريقااااتوووو

**ن ع ر السعودية 0005** · 14-06-2010, 01:27 PM

والله يا العبة باااااااايخة من جد كرهتها من يوم ما طفو بها العالم بكل مكان تحصل واحد معه جهازة وخذ لعب إستراحة بيت مقهى جلسات حتى با السيارة تحصلهم شابك الكونكت ويالله لعب

**مجوووودي** · 14-06-2010, 01:33 PM

^^^^^^^

لانك بديت بداية غير موفقه اذا لعبتها ..

بكذا ماراح تحب اللعبة :d

اذا وصل سكانك فوق ال20 الف

وجنودك فوق ال30 الف

راح تحس بمتعه ..

تنتف العالم اللي جنبك وابن اومه يهايط عليك هههههههه