الحلم الأمريكي Red Dead2

**A N M A R** · 31-07-2010, 11:03 AM

بسم الله الرحمن الرحيم

اعزائي الاعضاء والمشرفين

مابطول عليكم خلونا ندخل الموضوع

لعبة Red Dead من اجمل الالعاب الي نزلت على الاكس بوكس والبلايستيشن3
فتصدرت المراتب العالية في المبيعات في الولايات المتحدة الامريكيه
وتدور الاحداث في الريف الامريكي"كاب بوي" والاجمل انه مثل حرامي السيارات بس تسرق احصنة وحمير و عربات حنطور"واركب الحنطور ترقن ترقن وتحنطر:d"

الأسم :
Red Dead Redemption
النـوع :
آكــشن - مغامرة
المنتج :
Rockstar Games
المطور :
Rockstar San Diego
الجزء السابق :
Revoler
تاريخ الأصدار :
18/5/2010
الاجهزة :
Ps3+XBOX360
التقييم :
17+

قصة اللعبة

تدور أحداث القصة حول الغرب الأمريكي في بدايات القرن الـ 20 وبالتحديد بين 1908-1911 والقصة انه بعد الحرب الأهلية تفككت القبائل ولم يستطيع الشريف ( رئيس الشرطة في الريف ) السيطرة على الوضع فتم أستدعاء John Marston ( شخصيتك ) من الحدود الأمريكية ليساعد الشريف على السيطرة على الوضع وذلك بـ قتل , اعدام , القبض .. على المجرمين المخربين و من بينهم كان Bill Willmason وهو صديق John Marston السابق في العصابة ولما علم John بذلك فكر بالرفض ولكن أخبره الشريف أنه لو رفض فسيتم ملاحقته من قبل العدالة ويعتبر مجرم هو أيضا .

التحكم

الزر A : للجري + زيادة سرعة المركوبة ( ممكن حصان او حـ مـ ـار او عربة الحصان ) + تثبيت السرعات .

الزر B : الأستفادة منه قليلة .. مثل شرب الخمر + لعب القمار و BlackJack وغيرها وايضا أثناء المهمات سيطلب منك أحيانا مشاهدة القطيع او الحريق او العصابة ( ليس اجباري ) وستشاهدهم بالظغط على B .

الزر X : الفقز و جعل الحصان يقفز و التسلق .

الزر Y : أهم زر في اللعبة لأنك ستحتاجه في عدة امور مثل ربط اليدين و الرجلين بعد ربط العدو او الشخص و ركوب الخيل و غيره و فتح الدواليب و الأدراج و غيرها .

الأزرار الخلفية ( LB, LT, RB, RT ) :

RB : الأختباء مثال الاختباء وراء الحائط و الابواب و الصخور
RT : إطلاق النار
LB: أختيار / تغير السلاح
LT: التصويب

مميزات وايجابيات اللعبة

1-في Red Dead Redemption ستأخذك Rockstar في عالم مفتوح ( 3 مدن كبيرة ) في الحدود الأمريكية و المكسيك وغيرها ستشاهد فيها واقعية كبيرة لأنك سترى تغير الطقس من مشمس إلى ممطر ذا عواصف وصواعق قد تحرق الاشجار ( دليل : في إحدى المهمات الي في بداية اللعبة ستجد ذلك ) وايضا أقاليم برية و غيرها وستشاهد العديد من الحيونات سنتكلم عنها لاحقا.

2-بامكانك اصطياد الغزلان والخرفان والابقار وسلخهم ثم بيعهم

2-التصوير والجرافيك جميل وقوي جدا اجمل واقوى من شقيقتها GTA IV

:p

السلبيات

للان ماشفت اي سلبية بلعكس حلوة ممكن السلبية الوحيدة صعوبتها نوعا ما

نصيحة اشترو هلعبة لعبة خطيرة وتستاهل كل هللة

المضوع في كم نقطة نقلته وشكرا

**abAdy.777** · 31-07-2010, 11:15 AM

يبي له :d
"واركب الحنطور ترقن ترقن وتحنطر:d"
ههههههههههههههههه
لبى قلبك
-
اليوم بروح اشوف اخوي الصغير قالي عنه بس ماشفتـ
يثلمووو:o

**كوكو2008** · 31-07-2010, 11:20 AM

انا شاريه الشهر اللي فات وسعره يختلف من محل لاخر .. واحد يبيعه بـ 280 والي بجنبه يبيعه بـ 250 ...
الشريط ماعليه كلام .. بطل .. لكن تمل منه انا لعبت فيه تقريبا اسبوعين وتركته إلى الآن عندي ...
الشريط من ناحية التصوير خيالي ومن ناحية اللعب المفتوح توب التوب ...
الاون لاين جيد جدا .. لكن الاوف لاين .. روعه واللعب فيها حماسي ..
طبعا روك ستار الشركة المصممة للعبة لازم تحط كلامات سر ..

تفعيل فلتر الاختفاء : اكتب ( the old ways is the best ways ) كرمز سري .
ان تصبح لا احد : اكتب ( humility before the lord ) كرمز سري .
انخفاض باونتي : اكتب ( they sell souls cheap here ) كرمز سري .
حصانة دبلوماسية : اكتب ( i wish i worked for uncle sam ) كرمز سري .
للحصول على 500$ : اكتب ( the root of all evil, we thank you! ) كرمز سري .
اسلحة الوضع 2: اكتب ( i’m an american. I need guns ) كرمز سري .
درع لا نهائي : اكتب ( abundance is everywhere ) كرمز سري .
قوة الحصان لا نهائية : اكتب ( make hay while the sun shines ) كرمز سري .
لا يقهر : اكتب ( he gives strength to the weak ) كرمز سري .
اللعب بشخصية جاك : اكتب ( oh my son, my blessed son ) كرمز سري .
الحصول على حصان : اكتب ( beasts and man together ) كرمز سري .
فتح جميع المناطق : اكتب ( you got yourself a fine pair of eyes ) كرمز سري

**A N M A R** · 31-07-2010, 11:37 AM

المشاركة الأصلية كتبت بواسطة abAdy.777

يبي له :d
"واركب الحنطور ترقن ترقن وتحنطر:d"
ههههههههههههههههه
لبى قلبك
-
اليوم بروح اشوف اخوي الصغير قالي عنه بس ماشفتـ
يثلمووو:o

يابعدي انتا

شوفو مره حلو ترا

المشاركة الأصلية كتبت بواسطة كوكو2008

انا شاريه الشهر اللي فات وسعره يختلف من محل لاخر .. واحد يبيعه بـ 280 والي بجنبه يبيعه بـ 250 ...
الشريط ماعليه كلام .. بطل .. لكن تمل منه انا لعبت فيه تقريبا اسبوعين وتركته إلى الآن عندي ...
الشريط من ناحية التصوير خيالي ومن ناحية اللعب المفتوح توب التوب ...
الاون لاين جيد جدا .. لكن الاوف لاين .. روعه واللعب فيها حماسي ..
طبعا روك ستار الشركة المصممة للعبة لازم تحط كلامات سر ..

تفعيل فلتر الاختفاء : اكتب ( the old ways is the best ways ) كرمز سري .
ان تصبح لا احد : اكتب ( humility before the lord ) كرمز سري .
انخفاض باونتي : اكتب ( they sell souls cheap here ) كرمز سري .
حصانة دبلوماسية : اكتب ( i wish i worked for uncle sam ) كرمز سري .
للحصول على 500$ : اكتب ( the root of all evil, we thank you! ) كرمز سري .
اسلحة الوضع 2: اكتب ( i’m an american. I need guns ) كرمز سري .
درع لا نهائي : اكتب ( abundance is everywhere ) كرمز سري .
قوة الحصان لا نهائية : اكتب ( make hay while the sun shines ) كرمز سري .
لا يقهر : اكتب ( he gives strength to the weak ) كرمز سري .
اللعب بشخصية جاك : اكتب ( oh my son, my blessed son ) كرمز سري .
الحصول على حصان : اكتب ( beasts and man together ) كرمز سري .
فتح جميع المناطق : اكتب ( you got yourself a fine pair of eyes ) كرمز سري

يسلمووو اخوي على الاضافة

بس انا ماستخدم كلمات السر احب العب من دون كلمات سر

وبلفعل لعبة روعه

**meshoo** · 31-07-2010, 01:37 PM

اللعبه حلوه بس ممله وصعبه

وشرطتهم قلق الي يجيك من اليمين والي من اليسار يعني ميت ميت

والحصان سريع سريع يتعب كذا ماينفع

وبعدين يا انمار وين نبيع جلود الاحصنه لاني كل شوي ذابح لي واحد خلني ابيعهم اترزق الله توني مشتري الشقه الي فوق البار :d

وياكوكو وين نكتب هالكلمات السريه بالضبط ؟

**f a w a z** · 31-07-2010, 01:43 PM

^
ميشو لا تكتب كلامات السر
بعدين ما يخزن اذا وصلت مراحل !!

اذا ختمت الشريط استخدم كلمات السر
انا خاتمه من زمان

بالعكس حلاتها اذا جبت الشرطه وجربعتهم ولبست القناع عشان ما تنكشف هويتك ويقل الولاء ..
هو اهم شي تستخدم مسدس سريع الطلق
وتكون طلقه وحدة توزنها على راسه على طول يموت
واذا ضغطت الي يصوب اضغط مربع معها وسهم ورى ولا يسار عشان يتشقلب ولا يقدرون يطلقون عليك .

والحصان رح صد لك حصان بري من الجبال سريع
واشتر الزيت حق الحصان من المحلات عشان يقويه ومايخليه يتعب
او تفاحه تسلك له فيها .

بس نهاية الشريط سيئه و ممتعه بنفس الوقت يعني ولا مره لعبت لعبه نهايتها كذا ههههه

يالله شدو حيلكم

**meshoo** · 31-07-2010, 01:45 PM

^^^

ههههههههههههههههه

ولاشي من الي قلته قد سويته

زيت وتفاح وقناع وحصان بري

فهمني شوي عنها او من وين اجيبها :d

**f a w a z** · 31-07-2010, 01:48 PM

اسف على التأخير :o

شف هذا المحل تشتري منه الحبل عشان تصيد الحصان

واشتر زيت مقوي الحصان من المحل بعد

وذي خريطه توضح لك مكان تواجد الحيوانات اكيد انها واضحه عندك لكن اوضح لك اماكن الحصن الي حاط عليها علامه حمرا

**A N M A R** · 31-07-2010, 02:01 PM

مشمش و ac09

شكرا لمروركم

انا الي متعبني مهمة اصطياد الفرس لمن ارمي ليه الحبل بعدين وش اسوي

ولمن اصطاد فرس بر يهيج واطيح

ولازم نتعاون وننزل حل الكامل حقه لاني ماشفت موقع منزل الحل الكامل

**meshoo** · 31-07-2010, 02:10 PM

حتى صيد الاحصنه بالحبل ماعرف له

اذا بغيت حصاني الفله اصفر له ويجي

اما اذا كنت فاضي اقتل الاحصنه بالبندقيه واخذ جلدها وامشي :d

**f a w a z** · 31-07-2010, 02:18 PM

اذا صدت حصان وركبته تبي تثبته لازم توزن له يعني اذا نقز يسار رح انت بالقير يمين و كذا لين ما يهجد الحصان

**A N M A R** · 31-07-2010, 02:20 PM

مثلي

ههههههه

**meshoo** · 31-07-2010, 02:21 PM

بشغله بعد العصر وبشوف

الله يعين ادور على محل الاقرع ذا :d

**كوكو2008** · 31-07-2010, 03:15 PM

المشاركة الأصلية كتبت بواسطة meshoo

اللعبه حلوه بس ممله وصعبه

وشرطتهم قلق الي يجيك من اليمين والي من اليسار يعني ميت ميت

والحصان سريع سريع يتعب كذا ماينفع

وبعدين يا انمار وين نبيع جلود الاحصنه لاني كل شوي ذابح لي واحد خلني ابيعهم اترزق الله توني مشتري الشقه الي فوق البار :d

وياكوكو وين نكتب هالكلمات السريه بالضبط ؟

اول شئ تضغط start
ثم تروح لكلمة options
ثم تروح لكلمة cheats
تضغط عليها ثم تضغط على المثلث يفتح لك الكيبورد انت اكتب الكلمات طبعا بحروف كبيره الكابتل
اذا ادخلتها لازم تفعلها تلقى قدام الكلمه on : Off وعش جوك ياشنب

**THE SILVER ACCORD** · 31-07-2010, 04:51 PM

الله يعطيك العافية

وهذي بعض المقاطع

[ame]http://www.youtube.com/watch?v=Kgogah1INcY&feature=related[/ame]

[ame]http://www.youtube.com/watch?v=19N75TL1dHU&feature=related[/ame]

[ame]http://www.youtube.com/watch?v=19N75TL1dHU&feature=related[/ame]

**A N M A R** · 31-07-2010, 05:26 PM

اخيرا عديت المهمة

وعرفت اثبته الحصان ابن الحصان

**Ëńġ․ℱάίśάℒ** · 31-07-2010, 08:15 PM

يوووو وربي فله .... طيب شباب انا بصراحه العب العاب شبكه وابغى اشتري بلاستيشن 3 بس ناس قالولي اشتري اكس بوكس لانه يشغل العاب البلاستيشن 3 ياليت تنصحوني ايش اشتري

**meshoo** · 31-07-2010, 08:21 PM

^^^

اشتري اكس بوكس وعيش الفله واذا عندك اي اسئله حاظرين

**accord08 4 ever** · 31-07-2010, 08:21 PM

أقول بلا ريد ديد بلا خرآبيط < أنمار :d

..

خلونآ ع الكوره أزين

هذآ الـ id حقي بيس 2010 أمريكي
إلي يبي يتصقع يضيفني :p

RaMoOoOs_KsA

معليش ع الطبه بس الموضوع في الاسستراحه .. يعني سعة صدر :d

**accord08 4 ever** · 31-07-2010, 08:27 PM

المشاركة الأصلية كتبت بواسطة ITALIAN BOY

يوووو وربي فله .... طيب شباب انا بصراحه العب العاب شبكه وابغى اشتري بلاستيشن 3 بس ناس قالولي اشتري اكس بوكس لانه يشغل العاب البلاستيشن 3 ياليت تنصحوني ايش اشتري

أشتر بلا ستين وانت مغمض .. وبـ 900 ريآل جديد ,, انا الاسبوع الماضي سألت عن سسعر ,استغربت إنه بـ 900 << شآريـه بـ 1600

..

الـ إكس بوكس حلو بس إلي يخربه الاون لاين بفلوس وماتقدر تعلب ببلاش زي البلاي ستيشن

**meshoo** · 31-07-2010, 08:30 PM

^^^

الاون لاين حق الاكس بوكس مو لعب وبس

الاون لاين حق الاكس بوكس كانك داخل على كمبيوتر من مايكرسوفت

والي يميز الاكس بوكس تقدر تخليه يشغل الكوبي

اما بلاستيشن بـ 900 ريال وين هذا ؟؟ ووش مواصفاته

**Ëńġ․ℱάίśάℒ** · 31-07-2010, 08:41 PM

طيب انا كذا اتلخبطت اشتري بلاستيشن ولا اكس بوكس كمان الاون لاين انا عندي السرعه 512 تكفي وايش المطلوب عشان العب اون لاين

**accord08 4 ever** · 31-07-2010, 09:15 PM

المشاركة الأصلية كتبت بواسطة meshoo

^^^

الاون لاين حق الاكس بوكس مو لعب وبس

الاون لاين حق الاكس بوكس كانك داخل على كمبيوتر من مايكرسوفت

والي يميز الاكس بوكس تقدر تخليه يشغل الكوبي

اما بلاستيشن بـ 900 ريال وين هذا ؟؟ ووش مواصفاته

والله مآ دري صرآحه عن الموآصفآت حقت الاكس بوكس .. أن نفسيآ ما خش مزآجي .. وعندي نفسيه من اليد حقته :d

أنآ أعرف أخش ألعب اون لاين وأطلع .. وبس ..

بالنسسبه للسعـر حق البلاي ستيشن .. انا لقيته في البطحآء في محـل مشهور هنآك .. شغآل وآحد سسعودي إسمه عمآر

وإسم المحل بعد عمآر :d

طبعآ هـ الشخص مششهور عند عيآل الرياض حقين البلاستيشن .. سألته عن السعر الاسبوع الماضي وقآلي بـ 900
بيني وبينك حتى انآ أستغربت عن السعر .. بس عاد هو قالي كذآ

وللمعلوميه 900 الجهآز الكبير مو البلايستيشن الصصغير

والموآصفآت 40 قيقآ < هذآ إلي أعرفه بس :d

**حبيب هنادي** · 31-07-2010, 09:46 PM

يــآخي ذآ اللعبة آسمــع عنهآآآآ كثيرررر

عشآنـ كذآ بروح لصدقآي بالملحق وجمع القطـه وهيآآآآ رد ديد

:d

**meshoo** · 31-07-2010, 10:09 PM

المشاركة الأصلية كتبت بواسطة accord08 4 ever

والله مآ دري صرآحه عن الموآصفآت حقت الاكس بوكس .. أن نفسيآ ما خش مزآجي .. وعندي نفسيه من اليد حقته :d

أنآ أعرف أخش ألعب اون لاين وأطلع .. وبس ..

بالنسسبه للسعـر حق البلاي ستيشن .. انا لقيته في البطحآء في محـل مشهور هنآك .. شغآل وآحد سسعودي إسمه عمآر

وإسم المحل بعد عمآر :d

طبعآ هـ الشخص مششهور عند عيآل الرياض حقين البلاستيشن .. سألته عن السعر الاسبوع الماضي وقآلي بـ 900
بيني وبينك حتى انآ أستغربت عن السعر .. بس عاد هو قالي كذآ

وللمعلوميه 900 الجهآز الكبير مو البلايستيشن الصصغير

والموآصفآت 40 قيقآ < هذآ إلي أعرفه بس :d

[/RIGHT]

صدقني لو جربت الاكس بوكس بتغير نضرتك له وبعدين نفس وضعي يوم شريته قلت اليد قلق بس بالعكس اليد مريحه للعب حتى لو تقعد ساعات طويله ماتتعب يدك عكس يد البلاستيشن

وممكن الرجال جته كميه كبيره من البلاستيشن القديم 40 قيقا وحاب يصرفها بهالسعر وصراحه حليو السعر لكن الهاردسك حجمه صغير شوي ماراح يفيد كثير في تخزين الالعاب ولكن يوفي بالغرض للي مايحمل العاب من النت على الهاردسك بشكل كبير :d