صباح / مساء الخير جميعا ..

أولا ابارك لك اخي ابان هذي الخطوه الشجاعه وان شاء الله تكون نقله أكبر للمنتدى في الفتره القادمه

كل ماعندي هو اقتراح بسيط لسعادتكم :d

اقتراحي طال عمرك انك ترشح لك شخص أو شخصين يقومون بمهمة ( المدير التنفيذي ) .. لأن المنتدى بصراحه بحاجة الى تطوير وتجديد الدماء على قولتهم من ناحية التنظيم الاداري .. مثلا .. عندك الحين بعض الأقسام أقولها بصراحه ان مشرفينها ماتدري هل هم على قيد الحياه ونسأل الله ذلك .. أو انهم في عداد الموتى فندعوا لهم بالمغفره ,

وأنا أعرف مهامك وأشغالك يا أبان وعارف انك لاتستطيع ان تعطي المنتدى كل وقتك أو حتى نصفه .. والمنتدى الحمد لله يتطور بشكل سريع وهذا يحتاج الى تطور اداري يواكبه ..

فمن الأفضل من وجهة نظري .. انك تتولى منصب ( رئيس مجلس الاداره :d) وتكون لك كامل الصلاحيات لكن تحدد واجباتك ومهامك في الأشياء الحساسه .. وتسند باقي الأعمال من ترشيح المشرفين والمراقبه العامه والتصميم وووو .. الخ الى شخص حيوي .. فاضي بمعنى أصح .. عنده حس ابداعي .. صاحب شخصيه .. وترشح أيضا نائب له يغطي في حالة عدم تواجده ويعطى صلاحيات أقل للمساعده ..

كذا راح نشوف حركه أكثر .. تصميم أجمل .. رقابه أدق .. ونشوف كل مايسرنا ان شاء الله ..


تحياتي