الموضوع: بعد مانزل الايبود الجديد هل لا زلت تفكر بـ الايفون

سلام عليكم ورحمة الله وبركاته

كل عام و انتم بالف خير

,,وتقبل الله منا ومنكم,, واللهم بلغنا رمضان,,امين

بدخل في الموضوع دغري

طبعاً كل كلامي هذا عن الجيل الرابع

طبعاً كان ودي اشتري ايفون 4G الجديد من قبل العيد علشان اتكشخ فيه
صح ان في بالي الابيض بس قررت شركه ابل بتاخير طرح الابيض الى بدايه السنة الجايه >> بعد 3شهور :(

^^^
>> هذا الكلام قبل شهر ونص

وقبل اسبوعين لقيت واحد اعرفه معه 4G 16 يبي يبيعه 3500ريال

كلمته قلت له اصبر علي اسبوع ع ماكمل المبلغ ويكون ان شاء الله من نصيبي

وما كتب الله اني اشتري الجهاز

طبعاً جمعت المبلغ بس طارت الطيور بارزاقها > يمكن خيره

وبعد كمـ يوم شركة ابل سوت مؤتمر ونزلت اجهزه جديدة من نوع (ipod)

اخوكم في الله شاف المؤتمر

وشاف ipod touch th4 الجديد اخر اصدار

نفس مواصفات الايفون G4

بس الاختلاف ان الايفون جوال والايبود >> توهق ماقدر يسمية :d

يمكن الايفون جوال وجهاز ترفيهي والايبود جهاز ترفيهي >> كيفف :d

والـ GPS في الايفون موجود الايود غير متوفر

وبعد هذا المؤتمر الايبود خش مزاجي

يمكن انا راح استخدمه كجهاز ثاني >> مستحيل اتنازل عن نوكيا :p

السعر الايفون 16قيقا بــ 3050ريال

السعر الايبود 32قيقا بــ 1150 ريال

^ ^ ^
السعر هذا في الاستور الابريطاني (الايفون) والامريكي (الايبود)

نجي للصور (الايبود)

وهذا اول مقطع فديو للجهاز >> اوووومـ الواسطة

[ame="http://www.youtube.com/watch?v=FCF7ZWTWMrU"]http://www.youtube.com/watch?v=FCF7ZWTWMrU[/ame]

وهذا مقارنه بين جهازين الايبود و الايفون

[ame="http://www.youtube.com/watch?v=tqsZ6xBXehQ&feature=channel"]http://www.youtube.com/watch?v=tqsZ6xBXehQ&feature=channel[/ame]

وهذا مقطع تصوير الايبود

ينصح بـ 720p (HD)

[ame="http://www.youtube.com/watch?v=D7rbP9Gow8c&feature=channel"]http://www.youtube.com/watch?v=D7rbP9Gow8c&feature=channel[/ame]

_ _ _ _ _ _ _ _ _

بعد هذا كله خلاص نويت اطلب الجهاز

فكلمت كم واحد يشوف لي الجهاز

لاني ابي اشتري واحد
,,,,,,,

فاخر واحد تواصلت معه (istoer)>>طبعاً هذا موقع

طبعاً الموقع عربي ارسلت له رساله بالعربي

ومارد

المره الثانيه ارسلت له بالانجليزي

رد

7 7 7 7 7
_ _ _ _ _ _ _ _
المرسل / انا
can i have the new ipod touch.
i went yesterday to istoer at Altihly street.
than he said i don't anything about the ipod
when it come.

رد علي
بالعربي وقال لي
_ _ _ _ _ _ _ _ _ _ _ _
تستطيع طلب الاي بود من الموقع
هناك طريقتين للدفع اما عن طريق البطاقات الأئتمانية او عن طريق التحويل البنكي
خلال ٧ الى ١٠ ايام عمل سوف يصل الاي بود الى باب منزلك
_ _ _ _ _ _ _

رديت عليه/
كويس انت رديت علي بالعربي >> خويكم توهق :d

طيب اخوي رياض كم يكلف >> طبعا لجديد 4G
_ _ _ _ _ _ _
رد علي /
السلام عليكم اخوي يزيد

ايه اكيد الموقع سعودي لازم نرد بالعربي ;)

عندنا ثلاث انواع من ال 4G

• ٨ قيقا سعره ٩٧٢ريال و ١٤ هللة
• ٣٢ قيقا سعره ١٣٤٣ريال و ٧٤ هللة
• ٦٤ قيقا سعره ١٨٠٩ ريال و ١٦ هللة

اي معلومات زياده يا يزيد انا حاضر ;)

يعطيك العافية
أخوك رياض
_ _ _ _ _ _ _ _ _ _
رديت علية/
يعطيكـ العافية اخوي

ومعليش كثرت عليكـ الاسأله

بس هذا ان شاء الله اخر الاستفسارات

انا ابي 32 قيقا

كيف الدفع عن الاستلام او قبل الاستلام

وهل لكم محل >> اي اجي عندكم المحل و ادفع >> لكم 3 فروع في الرياض صح اوحد منها في التحليه
_ _ _ _ _ _ _ _ _ _ _

رد علي /

لا اي ستور الي في الرياض مختلف عنا

حنا موقع اللكتروني يبيع منتجات في السعودية

لكذا الدفع اللكتروني وعندك طريقتين

يا انك تدفع بأستخدام اي بطاقة ائتمانية

او انك تحول الفلوس عن طريق التحويل البنكي

راح تشحن البضاعة وتوصلك الين باب بيتك

وحنا هنا في خدمتك اي استفسار انا حاضر

اخوك رياض

_ _ _ _ _ _ _ _ _ _ _

وبعدها رديت علية

معليش اخوي تعرف المبلغ واجد (كبير بالنسبة لي)

وش الي يضمن لي

_ _ _ _ _ _ _ _ _ _ _

رد علي

اخوي يزيد

احسن حل لضمان مالك هو البطاقات الأئتمانية بحيث يمديك تعترض على اي مبلغ عن طريق البنك, اذا لم تكن عندك بطاقة أئتمانية أقترح تستنى وتسأل اي احد طلب عن طريقنا او تقترح على اي احد من اصحابك انه يطلب عن طريقنا

مدري اذا كان كلامي مقنع لك بس حنا حاطين الموضوع هذا في الحسبان وندري انه صعب جدا ان الناس توثق في سوق اللكتروني, لكذا نتمنى مع الوقت نكون محل ثقة لفئة كبيرة من المجتمع

واي استفسارات ثانيه انا حاضر

ملاحظة: الافتتاح الرسمي للموقع راح يكون اول ايام عيد الفطر بأذن الله

تحياتي

رياض

_ _ _ _ _ _ _ _ _ _

رديت عليه

طيب ماتقدر تطلب الجهاز حاليا ,,الى ان اشوف واحد عنده بطاقه ائتمانيه

وبخصوص الموقع الف مبروكـ ,, ان شاء الله يكون من اكبر المواقع الاكترونية الاتجارية

_ _ _ _ _ _ _ _ _ _

رد /

أتمنى والله بس ما اقدر اخالف القوانين, الي اقدر اسويه انك اول ماتطلب اقدمك على الطلبات الي قبلك

بس ماراح يسرع الطلب مرا لان مافي سرا كبير على الاي بود

اكثر الطلبات على الاي فون بعدين الاي باد

ومشكور والله وانشاء الله نقدر نقدم لك ضمانات اكثر في المرا الجاية

_ _ _ _ _ _ _ _ _

وعلى فكره هذا ^ ^ ^ ماعنده محل بس شغال في التجارة الاكترونية

وهذا الي صار ومعليش طولتهااااا معاكم ويمكن مصختها :p

* حاولت انسق الموضوع علشان القارئ ما يمل *

اخوكم / يزيد ,, :o الموضوع متعوب عليه