الموضوع: موضوع مهم ارجو الدخول لاحول الله

ودى اسمع ارائكم يا اخوان ماودى احد يدخل ويقى ويمشى لو تكرمتو لانو بصراحه هاذى افه من افات المجتمع لازم نجد لها حلول بديله
تقبلو مرورى

والله ياحميـد بالصراحه أأمن حــل
يكون عندك حووش
او مكان تدخل السياره وتقفل عليها

وبيني وبينك انا والله لو اشوف واحد بعيني
يعدم سيارتي مافي يما ارحميني ياخي ليش الاذيه

واهلهم فالتينهم في الشوارع ولا احد يسأل عنهم ولا يدرون وينهم
ياخي اذا منت قـد مسولية يكون عندك عيال لا تجيب وترميهم على خلق الله
يأذونهم

الله يبعدهم عنكـ ويكفيك شرهم
الله يبعدهم عنك ويكفيك شرهم
الله يبعدهم عنك ويكفيك شرهم

وقول حسبي اللله ونعم الوكيل

تحياتي

ياخي سبحان الله
دائمآ والله ما أفكر في الأولاد , أفكر في والدينهم كيف قاعدين يربونهم
أي تربية هذي , أي أخلاق
أقسم بالله إن لو لي سلطة إني لأسوي سجن خاص لهؤلاء النوعيات

انا في جدة حاليآ
اروح المسجد أبي أصلي يجيك ما يقارب 20 ولد وطفل في آخر المسجد وسوالف وضحك
واحنا في الصلاة , ولا خشوع ولا شي
أطالع فيهم أقول حسبنا الله على أهاليكم
___++___
ياخي لي متى؟
حتى ولو رحت حي فخم هي المشكلة وين مارحت.
أصابيعك مو سوى .
تراني من أكثر الناس اللي يعاني من البزورة ذولي

ورب البيت لو أنا غيرك لأودي السيارة المرور وياخذون البصمات واحلى تحقيق
لكن . تدري وش مشكلتنا؟؟!
إننا طيبين بزيادة
خايف أبو يزعل علي , خايف أبو الأولاد يزعل , والا جهال ما يعرفون شي

خلاص ياخي اذا الواحد مايربي عياله , أنا واياك والثاني والثالث نربيهم بالطرق المشروعة

هي المسألة لو هو مسألة شخصية , لو خلافات سابقة معليش
لو حاقد علي معليش

لكن وش ذنب سيارتي تلعب فيها؟
وش ذنب بيتي تشخبط عليه؟

وشسويت لك حتى تناظرني بنظرات احتقار
عشان الله أنعم علي ,

ياخي ترى مثل هذهـ المواضيع تقهررررني

أسأل أي قلوب يحمل هؤلاء ؟
وأي حياة يعيشونها؟
وأي دم يدفعهم لتشويه جمال الآخرين وممتلكاتهم الشخصية؟

الله يعطيكم العافيه على الردود انا والله تعبت تعبت بكل ماتعنيه هالكلمه من معنى ااااااااااااااه على الاسلام وياخسارت الاسلام فينا وياخسارت التربيه فيهم والله يااخوان كانت فكره دائما في بالى واقول ماعليه بكره بيكبرون ويعقلون لاكن العكس
في فكره ببالى انى انقل ممن الحى المعفن الى انا ساكن فيه واسكن لوحدى لاكن موهاين على ابوى وامى واخوانى على هالناس الواطيه
مدرى والله انى ما احتك فيهم ولانى معاهم لا في افراح ولا في اتراح اشترى مخى وراحتى بس للاسف مالقيت منهم الى كل معامله نذله وحقيره ليش مدرى كنت لمن انام افكر شوي بينى وبين نفسي ليش الناس كذا ليش ولمن تشتكى يقولون العوض وسعيد وخلف مافيهم خير سبحان الله حقوق الناس وارزاقهم سارت عوض مافيه خير ولى يقولك واحد ياخوى ذولى بزارين ااااااااااااه ياجماعه مجتمعنا بكل امانه صعب العيش فيه ولو املك القرار لكانت امورى افضل من كذا ولاكن حسبي الله ونعم الوكيل فيهم اشوف فيهم يوم قريب انشالله انشالله انشاللله , اللهم ياذا الجلال والاكرام ياحى ياقيوم يامن نصرت محمد صلى اللله عليه وسلم انك تنصرنى وتنصر كل ملوم بها الدنيا يارب ياحبيبي ورينى فيهم يوم عاجلا غير اجل ليكونو عظتا وعبر اللهم امين
استغفر الله العظيم ولاحول ولاقوه الى بالله .

والله يا خوي انا مثلك تضررت من جيرانه الجدد وعيالهم قاليين ادب حاولت بالطيب ما نفع ولا وازيدك ابوهم عسكري منتف وشايف نفسه ويقول عيالي لا احد يلمسهم وخليهم يلعبوا كورة في شارعكم وانتم وخروا سيارتكم لانهم كانوا يكسرون سيارتنا طبعا غير يوم تلاقي الباب السيارة مطعوج منهم
وانا اتهاوشت معه اكثر من مره ووصلت للوالد بس خويك عنيد نزلت تفاهمت مع الجيران وقلتلهم تشهدوا انكم متضررين منه قالو ايه
وانا كنت مضبط نفسي لاني كلمت واحد ورسلني على نقيب في قسم الحي قلي روح عنده وهو يرسل معاك دورية ويجيبه ولو هو ببدلته
وانزل واقولهم ممنوع الكورة هنا ونزل ابوهم يهاوش ويقلي والله لا اكسر راسك قلتله اتفضل اذا انت رجال اكسره قلتله المهم انا جاي اقولك ترانا بنشتكي عليك وهذا اسم نقيب في القسم الي جنبنا وانا اعرفه لو رحت عنده والله لا اسحبك من بيتكم لكن انا جيتك بالطيب فاسحب عيالك عشان لا اخلي منظرك قدام الحارة ما يسوى
وابشرك بعدها والله ما شفنا لهم حس في الحارة وصاروا يلعبو بعيد عن سيارتنا و الجيران بالعكس شكروني
يعني يا اخوي لا تقولي عشان فلان ما ابغي ابلغ الي يكلمك قوله ادفعلي حق الي سوه وانا ما ابلغ لانه طبعا هما مو بخسرانين مثلك.

والله ومين سمعك الله يكافيهم بس والله ياعادمين ام السيارات البزورة دول

هههههههههه بس حلوه وخرو سياراتكم وخلو العيال يلعبون ههههههههههه وربي انه مخه مدرى وين ماعلينا
ياشباب اشكركم بعنف على الرد الجميل انا مشكلتى يا جماعه الى بالحاره شلت مطعسه متجمعه اشلون تقنع في مخه المصدى االى لو تفك راسه تحصل غبار ونياق وعج وقصيد ومفاطيح ؟؟؟؟؟؟؟؟؟؟؟؟؟؟؟؟؟ هنا الغبنه انطم واسكت ازينلى

الله يعينك اخوي

انا والله مااحب الاحياء الشعبيه والحمدلله انا ساكن في حي الجار مايعرف شي عن جاره وهذا اهم شي انا مااحب احتك في احد

وانت ياخوي اذا شفت احد متلبس وهو يسوي شي في السياره قص يده وخد من ابوه فلوس واللي يقولك العوض حرام قله شكرا او طنشه

ومشكله والله اللي يخلف 20 ولد ويرميهم في الشارع المشكله مايصير لهم شي لا ينصدموا او ينخطفوا وبعض الاحيان تحصل ولد مسكين امه رسلتله البقاله ينصدم وهو اول مره يخرج

لكن الدنيا هذي عجيبه الظالم يسرح ويمرح وياخد كل شي والمظلوم ماله شي في هذي الدنيا

الله يعيين بس

اخوي اولا ياليت احد المشرفين يعدل العنوان الى لاحول ولا قوة الا بالله ع الاقل لاحول الا بالله <<< أهم شيء

ياليت فهمت قصدي

............

ثانيا الله يعينك ع السيارة

احنا مره جمسنا لقينا البنزين حقه مشفوط ؟؟؟؟؟؟؟
ومرة شبك الفورد مكسور
ومرة ومرة ومرة ماراح اخلص

لكن لو كلمت اهاليهم ومانفع روح هددهم ولا اشتك للدوريات

والله من جد علشان يوقفون مثل هالناس عند حدهم...!

تحيتي لك...

ابشرك يا حميد ضمني لقائمتك
امس نزلت في الليل حصلت جناح السيارة مكسور وواضح انه احد جلس عليه بقوة وكسره
والله قعدة اضحك لمن شفته واقول من جد يا حميد حسبي الله ونعم الوكيل
وش رايك نعمل مظاهرة انا وانت وندخل عليهم بقنابل مسيله للدماغ عشان نعملهم برمجه جديدة
هههههههههههههههههههههههههههههههه.

الله يعينكم
و انا بعد توني مطلع سيارتي من الورشه طالعه ورده في نفس اليوم طلعت لقيت الكبوت و الازياق مخدشه بمسمار مدري مفتاح
و مشيتهاا
و رحت اصلي و طلعت من المسجد لقيت خدشه قويه كبر الكف بغيت ابكي قسم بلله
و بعدها باسبووع
الاقي حكاات على البااب حكاات واحد حاقد
والله مو منهم من الي ربااهم