والله يا خوي انا مثلك تضررت من جيرانه الجدد وعيالهم قاليين ادب حاولت بالطيب ما نفع ولا وازيدك ابوهم عسكري منتف وشايف نفسه ويقول عيالي لا احد يلمسهم وخليهم يلعبوا كورة في شارعكم وانتم وخروا سيارتكم لانهم كانوا يكسرون سيارتنا طبعا غير يوم تلاقي الباب السيارة مطعوج منهم
وانا اتهاوشت معه اكثر من مره ووصلت للوالد بس خويك عنيد نزلت تفاهمت مع الجيران وقلتلهم تشهدوا انكم متضررين منه قالو ايه
وانا كنت مضبط نفسي لاني كلمت واحد ورسلني على نقيب في قسم الحي قلي روح عنده وهو يرسل معاك دورية ويجيبه ولو هو ببدلته
وانزل واقولهم ممنوع الكورة هنا ونزل ابوهم يهاوش ويقلي والله لا اكسر راسك قلتله اتفضل اذا انت رجال اكسره قلتله المهم انا جاي اقولك ترانا بنشتكي عليك وهذا اسم نقيب في القسم الي جنبنا وانا اعرفه لو رحت عنده والله لا اسحبك من بيتكم لكن انا جيتك بالطيب فاسحب عيالك عشان لا اخلي منظرك قدام الحارة ما يسوى
وابشرك بعدها والله ما شفنا لهم حس في الحارة وصاروا يلعبو بعيد عن سيارتنا و الجيران بالعكس شكروني
يعني يا اخوي لا تقولي عشان فلان ما ابغي ابلغ الي يكلمك قوله ادفعلي حق الي سوه وانا ما ابلغ لانه طبعا هما مو بخسرانين مثلك.