في الصميم
صح كلامك
بسم الله الرحمن الرحيم
عزيزي الزائر للسعودية عندما تفكر في السفر عبر الطرق البرية في السعودية
توقع وأحذر من التالي :أولاً:
عليك عزيزي المسافر أن تعلم أنه لايوجد على طرقنا البرية أي ' دورات مياه ' أو محطات نظيفه لذلك ستضطر أن ' تعملها ' على جانبي الطريق السريع تحت مبدأ ' مجبر أخاك لأبطل ' .!!
ولهذه الخطوة الجريئة عدة أعتبارات أهمها أن تعملها في الجهة المعاكسه لسيارتك , بحيث توقف سيارتك , ثم تقوم بقطع الطريق على قدميك والذهاب للناحية الأخرى من الطريق , وهناك ' تستخبى ' تحت أي شجرة وتعملها براحتك , وهذه الطريقه مجربه ومضمونه لأن كل السيارات التي ستمر من بعدك ,ستنظر لسيارتك وتبحث عنك لتراك وأنت تعملها .!! ,- وهذه نوع من لقافة وحشرية الشعب لدينا- لذلك كن ذكي وأعملها في الجهة المقابله كنوع من ' الأكشـن ' .!!
ثانياً:
عند مرورك ببعض القرى الصغيرة التي يقطعها الطريق السريع حاول أن تخفف السرعة إلى 50 كيلو/ساعة , وتوقع تصادم في أي لحظة , وتوقع أن يظهر عليك أي شي , بعير يستهبل ,أمراه تسوق سيارة, ورع يسوق تريلا ويقطع بها الطريق من اليسار لليمين , دينا محملة حبحب ويتطاير عليك , فورد محمل ركاب والسواق مانام من ٥ أيام , باص للنقل الجماعي والسواق صومالي . ' واو كلها أفلام رعب ' .
ثالثاً :
ايضا عند المرور ببعض القرى الصغيره توقع أن تكون كل العيون عليك لأنك ' غريب ' وهم يحبون ' يبصبصون ' في وجة وسيارة الغريب .!! , حاول توريهم وجهك قدر الأمكان عند التوقف في الإشارة أو المحطة , لأنهم ممكن يتبعونك ٥٠ كيلو حتى يرون وجهك ' ووش تطلع من لحية .! ' .
رابعاً :
أثناء قيادتك للسيارة على الطريق إذا تعرضت لرمية خاطفة بـ ' منديل , علبة بايسون , رد بول , بيربيكان , كوب نسكافية ' لاتهتم وحاول تكون مثل الدعيع قدر الإمكان ' حسن لياقتك شوي ' ولاتمسكها لكن تجاوزها وعديها, لأنك لو ماعديتها ممكن يطلع ' القادم مذهل أكثر ' .
خامساً :
عندما تخرج من الطريق السريع ويصبح الطريق واحد , وتتعلق ورى تريلا يسوقها واحد أفغاني توقع ' مزحات الأفغان الثقيلة ' ممكن يعطيك إشارة التجاوز , وعندما تتجاوز تحصل في وجهك تريلا قادمة بسرعة الصاروخ .!!طبعا بحكم إختلاف الحجم بينكم صعب ترد له المزحة لكن ' أبلعها ' .
سادساً :
أثناء قيادتك في الليل وإذا كنت لاتملك ' أنوار زينون بالذات ماركة هيلا الألمانية ' فعلم أنك هدف لسيل من الأنوار اللي راح تسلط عليك من أصحاب أنوار الزينون وتحاول تعمي عيونك عن الطريق , هم نوعية من الشعب لدينا يحبون يسلطون عليك الأضواء ليس لأنك مشهور , لكنك مسكين مقهور ماعندك زينون .!!
سابعاً :
عند التوقف في الإستراحة ' هذا إذا وجدت إستراحة تستحق أن تتوقف عندها ' .
إذا توقفت وأردت أن توضي للصلاة , لأبد أن يكون معك ' بخاخ بوية يفضل اللون الأسود ' حتى تكتب ذكرياتك على دورات المياة وأسمك وأسم عائلتك , بل ولتفتخر ببطولات قبيلتك ' وتلعن سلسفيل القبيلة المنافسة لكم ' . , ايضا لكتابة البريد الإليكتروني والموقع الخاص بك ' وسيلة جديدة للإعلان تنافس جوجل أدسنس .
ثامناً :
في المطعم لاتحاول تطلب شي غريب لأنك ستجد في القائمة كل شي ستجد ' كبسة دجاج , وكبسة لحم , وكبسة سمك ' يعني أستح على وجهك وأطلب كبسة مثل باقي الخلق .
تاسعاً :
إذا تجاوزت سيارة حاول تتظاهر بأنك تكلم اللي في جنبك أو أنك تكلم في الجوال , لأن صاحب السيارة الي تجاوزتها ' حالف يمين إلا يطالع في وجهك ويحرقك بنظراتة ' .
عاشراً :
فكر في ' إصطحاب ' غرفة نوم متنقله ..لأنك لن تجد غرف على الطرق السريعة
في الصميم
صح كلامك
هههههههههههههههاااااااااااااااي
صراحه كلام صحيح مئه بالمئه
مشكور اخوي على الموضوع الرائع جدااااااا
هههههههههههههههه
حلووووووووووووووووووووووه وقووووووووويه
يعطيك العافية ^_^
تحيتي لك ....
كلاااام سلييم وأيضآ يجب أن تأخذ معك 3 كفرات إحتياطية
+ تحجز لك موعد في الوكالة قبل ماتدخل السعودية
عشان إذا رجعت من السفر ان شاء الله يربطون لك سيارتك المهتريه
وثق تمامآ أخي الزائر أننا متأكدون انك لآ تفعلها مرة أخرى
وهذه المغامرة لى تنساها في حياتك ..
آسعدني توجدكم في موضوعي
وتعليقاتكم
و
شكــرا لكم
تحياتي
وماخفي كان اعظم
هههههههههههه
كلام ثمين
يعطيك العافيه وجمعه مباركه ع الجميع
:(
للأسف هذا ولا شي من المواقف
:d
واهم شي الاخلاق وحب الوطن
والله من جد و لسى ما شفت شي ممكن تصيرلك مواقف اكثر من هذي
الحمدلله عشان كذا يا حبيبي انا مكبر راسي ابعد شي رحت له بالسيارة المدينه وهذا كان قبل سنتين اما اذا كان عندي شغله بالرياض الله يخلي الطياره واذا مطول اخذلي سيارة ايجار من المطار واريح راسي بدل التعب ومافي اكل مثل الناس وطول وقتك خايف لا بعير ولا تيس يطلعلك بالطريق وتروح شوربه
مشكور اخوي على الموضوع الرائع
:d
و ربي افلام عندنا و لكن ما نقول الا الشعب يبيله شوية تعليم و توجيه
بس مين يتقبل
!!! اكــــــــورد عندما تعشق التـــــــميز !!!
ياخي مافيه زي الخط هذا يجيب لك الأكتئاب من جد .. جدة - المدينة 400 كيلو من الخلاء ولا محطات ولا شي < رحت مره وحده وكرهت عمري .. ولايهون طريق الرياض
كنت من فتره قريبه اعشق بصراحه السفر بالبر ومع الايام غيرت رايي وقلت ياخى وش الظلام الى انا كنت عايش فيه بجد فعلا علينا محطات فول ابشنز لا ودورات المياه اعزكم الله حتى الجاكوزى موجود اذكر مره ايام انفلونزا الخنازير n1 h1 اذا مانى غلطان وكنت طالع من الدمام للرياض وكانت هناك مناسبه الموهم دخلت دورت المياه اعزكم الله الى القى واحد يعطس ولابس الكمامات الى وزعتها وزاره الصحه والله والله والله من الهله والخرعه والقمطه راحت منى الحشره وشده وحده بغيت اعدى الرياض ههههههههههههههههاااااااااااااااااااااااااااااااااا اااااااااااااااااااااااااااااااااااااااااي , تقبلو مرورى ويسلمو ياراعى الموظوع موضوعك بالصميم يابعدى
شاكـــر
للجميع
مروركـــم الكـــريم
تحياتي
او الاحسن من هذا، سافر بالطيارة و استأجر سيارة هناك او اشحن سيارتك بالبر. =)
والله والله موضوع في الصميم
وبصراحة كل اللي ذكرته للاسف انه موجود عندنا في السعودية
مميز واكثر من رائع
تشكراتي حبيبي
بصراحه انت فنان رائع جبتها على الجرح لب قلبك
مواقع النشر (المفضلة)