السلااااااااام عليكم :d
بدخل بالموضوع على طول
من صباح الله خير هواش عالإشارة
وجع وش فيها الناس الصبح أخلاقهم زفت
كل يوم اشوف ناس تتهاوش ناس تسب ناس تصرخ ناس اتدقدق بواري
وأخرتها اليوم راعي الانفنيتي
أخلاق Less
يعني اخلاق ناقصه او بالاحرى مافي اخلاق
واقفين انا وهو عالإشاره
انا يمين وهو يساري
فتحت الإشاره وأبوكي بالانفنتي حرقهاا من صباح الله خير وفجأه كع ذيك الفرامل وحدني يبي يدخل يمين بدون ما يعطي اشاره وكل اللي سويته انا اني اعطيته حبه طاط صغيروووووووووووووونه عشان ينتبه وأشرت بيدي له علشان يدق اشاره
ومشيت وما الاقي الا هو مزلب ام اللفه واطردي وراي وتكبيس ولحقني ؟؟؟
هااااااااااه وش فيه ذا
المهم
جيت الاشاره وجاني هو يسار ويصارخ ويقول
ايش فيك أتـفــــصـــــ ...... << حذفت للرقابه عشان المشرفين لا يزعلوا
المهم قلتله اول شي قول السلام عليكم ثاني شي انا ما سويت شي انا قلتلك اعطي غماز اشاره
رجع يصارخ ويقول ... أقوووول سوق كويس يلا انقلع .... هااااااااه ؟؟؟
وجا بيمشي
قلتله انا تعال تعال وين رايح يالحبيب اذكر الله واخزي الشيطان الناس رايحه لاشغالها تترزق الله
قالي انقلع
قلت له الله ايسامحك
قالي مسوي نفسك فيها مسلم
انا هنا فقعت معي
و الاخلاق صارت توووووووووووووووووووووووت
قلتله
اقولك الله لا يسامحك وحسبي الله عليك وانا مسلم غصبن عنك
وش تتوقعون ردة فعله
قالي انقلع ودعس ؟؟؟
ناس نسبة التخلف عندهم أعلى من قفاهم ههههههههههه
اقسم بالله لولا اني اخاف الله واخاف أذيه لكنت لحقته وفقعت وجهه وعدمت سيارته بس ما خلاني امسك نفسي عن هالتصرف غير حديث الرسول صلى الله عليه وسلم
رُوِيَ عَنْ أَمِيرِ الْمُؤْمِنِينَ عَلِيِّ بْنِ أَبِي طَالِبٍ ( عليه السَّلام ) أنهُ قَالَ : قَالَ رَسُولُ اللَّهِ ( صلى الله عليه و آله ) : " مَنْ كَظَمَ غَيْظاً وَ هُوَ قَادِرٌ عَلَى إِنْفَاذِهِ ، وَ حَلُمَ عَنْهُ ، أَعْطَاهُ اللَّهُ أَجْرَ شَهِيدٍ " [1] .
وقال رسول الله: "من كظم غيظا وهو قادر على أن ينفذه دعاه الله عز وجل على رءوس الخلائق يوم القيامة حتى يخيره الله من الحور العين ما شاء"
عشان كذا ياشباب انا كتبت هالموضوع عشان كل واحد فيكم عصبي يحاول يمسك نفسه واذا بدر غلط من غيرك كون انت احسن منه وبتلقاها عند الله وكمان لازم نرفع من مستوى اخلاقنا في القياده يعني اذا جا واحد يبي يمر مرره ولا تعاند مافيها شي اذا مر من قدامك والله بزحمة هالصباح لو كل واحد مشى واحد بتنحل ازمة هالمرور لكن عناد وهواش ولؤم لا يوصف في القياده عند الناس طب لييييييييييييييييييييه ؟؟؟
اعذروني عالإطاله
مواقع النشر (المفضلة)