أكره ما أشوف بحياتي يا عدنان العنصريين ويا كثرهم العنصرية هذي غباء مع عدم احترامي لاصحابها
تخيل يا عدنان اثنين من الشباب اعرفهم الاول قاعد معي ويقول والله يا فلان طيب وكفو وحبوب وجلسته ماتنمل وبعد يومين اسمعه يقول الله ياخذه والله ما اجلس معه قلت ليش ؟
تدري وش رده ! تو ادري انه من القبيلة الفلانية ...! لا ياشيخ بالله عليك يعني قبل لاتدري انه من القبيلة الفلانية كان حبوب وبعد مادريت صار مهو رجال على قولته طيب ودي اعرف وش الي تغير قبل وبعد معرفتك بقبيلته هو نفسه ماتغير لكن الي تغير هو مخه الخربان ومن ذاك اليوم حطيته في البلاك لست :d
ياناس ياعالم اصحوا شوي واحد ماجاك منه الا كل خير ليش تبغضه عشانه ال فلان ولا فلان مع العلم ان كل جماعة فيهم الصالح والطالح والي يحكم على الكل من واحد بس ماهو عاقل وعقله ضايع والي يصنف الناس على اساس ابيض واسود مدري وش يحس فيه ترى كلنا بشر.. لي اصحاب سود ونعم الرجال افتخر بخوتهم وناسة وفله واخلاق ودين ....
زبدة الهرج الواجد هذا المسلمين ما بينهم فرق الا بالتقوى واذا احنا تفرقنا و تزاعلنا مع انفسنا كيف ما نبي الناس الثانية تتشمت فينا وبس :d