السلام عليكم ورحمه الله وبركاته ..

اسعد الله اوقاتكم بكل خير ..

تنبيه للاعضاء جميعاً : اتمنى قراءة الموضوع كاملاً وعدم التهجم في الردود ..

. .

في البدايه ،، اتمنى من كل شخص معه اكورد او هوندا بشكل عام او اي سياره غيرها ..

انه يحمد ربه ان ربي اعطاه سياره توديه وتجيبه ..

موضوعي بالمختصر ..

كنت اتمشى بسيارتي ،، وفيه اكورد ٢٠٠٨ شطفني .. من قوة الشطفه حسيت انه شال مرايتي ..

كل هذا عشان بس يثبت ان الاكورد اسرع من اي سياره غيرها !!!

وفي النهايه .. كان بيصير عليه حااادث لولا ان الله سلم ،، والرجال الثاني انتبه ..

يا اخوان .. ترى مهما صرت تعرف تسوق وتعرف تمسك الطاره ،،

اذا كنت على سرعه عاليه ما يمديك تسيطر على السياره لا صار شيء مفاجئ لا سمح الله ..

تعبنا من كثر اللي يسرعون واللي يقاومون في كل مكان ،، وكل يوم نشووف حواادث ،، والشباب يومين وتشوفهم يرجعون لعادتهم القديمه ..

.

.

الموضوع وضعته .. عشان اللي يحب يقاوم واللي يحب السرعه .. تراك باذن الله بتوصل وترى الفرق بس كم دقيقه ،،

والسياره تروح ويجي غيرها ،، لكن حياتك اذا راحت ،، شلون بيجي غيرها ؟؟

وتذكر ان لك اهل ،، لك ام ،، اب ،، ابناء في انتظارك حتى لو كنت تكرهم او هم يكرهونك .. تبقى الصله فيها من الرحمه ..

الله يرحمنا برحمته ،، ويبعدنا عن شر السرعه ..

بالتوفيق ..