بكل امانه ؛ عطنا رايك في لعب منتخبنا السعودي

[kakashi-san]

.
.

السلام عليكم ورحمه الله وبركاته

من باب تغيير الروتين ..

حبيت اطرح عليكم موضوع كويس ..

انا طبعاً ما اتابع الكوره بشكل رسمي ،، لكن كل واحد يتمنى لمنتخب بلاده بالفوز ..

بصراحه كل يوم اسمع عن مباره جديده لنا وننهزم فيها باهداف اكثر من المباراه السابقه !!

طبعاً اتكلم عن كآس اسيا ٢٠١١

.
.

هُنا نترك المساحه لجميع الاعضاء ليعبر عن رآيه ..

- ليش منتخبنا ما تآهل ..

- وش سالفه اللعب ..

- وش هي الاسباب المقنعه لعدم فوزنا في اي مباراه ..

.
.

اترك المايك لكم ليعبّر كل منكم عن رآيه ..

فضفوا وقولوا اللي تبوون ..

[ملك قوقل]

اولا شكرا على الموضوع المميز
ثانياً: مقومات الفشل موجوده قبل البطوله لهذا الخساره ليست بغريبه عليهم
ثالثاً: البقاء على بيسيروا جعل من المنتخب السعودي منتخب متهالك حتى قدم لنا ابشع مسرحيه قدمتها الكره السعوديه
للاسف اخوي وباختصار المنتخب بحاجه الى إعاده هيكله وتاهيل من اول وجديد
لذلك قرائت مقوله بعد المباره اضحكتني
نواف بن فيصل
في اول اعتراض رسمي لجنه كأس اسيا
(أطالب باعاده المباره امام اليابان لان اليابنيين علقوا يدي البليستيشن وخلوا الكمبيوتر يلعب )
فعلاً Made in japan

[طيب على شآني]

للأسف الشديد المنتخب السعودي في أسوى حآلآته في هذي البطوله ولآ ادري مآهي الأسبآب ..
المنتخب السعودي مؤهل لنيل البطوله ومرصع بالنجوم لكن اين الخلل ..

[الشمــــالـــي]

مشكووور يايوسف ع الموضوع

وهذي اسباب الخروج المر من آسـيـا
:d



( هذا اللي خلاّ اللاعب ماَ فيه حيل يركض داخل الملعب ) :d

مفاطيح + سهر لآخر الليل + ملايين الريالات + غياب الروح = ونَاسه وفلة حجاج و " طز " في الكرة
وسمعة وهيبة الأخضر !

[D.H.o.O.o.M]

اسباب هههههه تبريرات هههههه تعليقات هههههههه ((وش بنقول وش بنخلي))!!

بصراحه المنتخب متوقع انه ينهزم في اي مناسبة او اي بطولة او اي دوري

لاكن با ((اسيا)) صدمه بصراحه من شافنا بالتسعينات ونظر للعبنا بذاكـ الوقت يكفي اسيااااااااااد اسياااااااا

واللحين اسمحولي لها الكلمة ابغااااااال اسيا

والعوامل كثيرة واهمها !! الرووووح !!

منتخبنا ...... مع الاسف مافي ولا بقياء منتخب

دمت بود عزيزي الغالي

[@اكورد وبس@]

السبب معروف : سرطان والخطط المدروسهـ

[B 5ob3aH]

:d

[نحيب الاماكن]

^^^^^^^^^^^^^^^^^^^^^^^^^^^
:d:d:d:d:d

من جد ابو خطط مدروسة

[AHN]

باختصار .,
عدم أختيار اللاعبين الكفؤ .!

[@اكورد وبس@]

^

لا نصر بدون النصر :p

[kakashi-san]

اسعدني تواجدكم فرداً فرداً ..

ونترقب بقيّه الاعضاء ..

[caramel]

1 ضعف الخبرة بحـراسة المرمى..
2 افتقـاد المنتخـب لصـانع الالعـاب الحقـيقي ( محمد نور ) :d

[اكورد مودي]

والله لو تبغى تعرف ليه المنتخب كذا شوف لاعبي المنتخب في المنتخب والسعودي و شوفهم في انديتهم وانت تعرف ليه صار المنتخب كذا
والتفرقه بين الاعبين في المنتخب و غير مشاكل الدوري بين الاندية هذي كلها عملت منتخب حقد ونزعت الهوية الوطنية منهم
للاسف الروح الوطنية لا تشترى بالمال وراح يظل المنتخب كذا على طول
وثالثا دخول المنتخب صار سهل جدا سال الدعيع عن رايه في المنتخب الان قال
المنتخب اول كان بالنسبه لكل لاعب حلم يعتبر شبه مستحيل وما احد يدخل المنتخب الا بعد تعب لكن الان العب مباراة واحدة تمام تدخل المنتخب والدليل كل لاعبين الدوري صاروا دوليين خصوص لاعبي نادي....
هذا هيا الاسباب باختصار والهند و اليمن الي كنت تستهزوا بيها اول الان ممكن تطلسكم 5 او 6 وانتو تضحكم والدليل هذي البطوله.

[A N M A R]

اتفق مع صديقي مودي

السبب العنصرية الي سببها الدوري السعودي

و تفضيل لعيبة بعض الاندية على حساب لعيبة اندية اخرى برغم انه لعيبة الاندية الثانية افضل من النادي المفضلينه بس الشكوة لله

[عاشق سيييييفيك]

أتوقع فشل المنتخب بقى المدرب بيسيرو
كل يوم يلعب بخطه في المباراة الوديه
وهذي النتيجه خروج من الدور الأول.

[SAND]

منتخب مجاملات..

محمد نور وين ابرهيم غالب وين عبدالرحمن القحطاني وين ...الخ

ياسر القحطاني يلعب اساسي كل مبارة وهو ماقدم ولا اي شي يذكر ؟؟

نواف العابد وعبدالعزيز الدوسري ليش جايبهم وهم احتياط ولا لعبو اي مبارة الموسم ذا

منتخب السعودية كان زمان دحين اسمه >>>> ((منتخب الهلال))

[lambo]

هناك عده اسباب طرحت .. بالنسبه لي اهم سبب هو اختيار لاعبي الهلال
معليش بس ذا الفريق دااج لابعد الحدود .. لعيبته دجه .. كل شي فيه دجه .. تختار منه لاعبين ليه ..!!
١ - ياسر القحطاني
٢ - محمد الشلهوب
٣ - نواف العابد
٤ - عبد العزيز الدوسري
٥ - اسامه هوساوي
جميعم لايستحقون اللعب للمنتخب
بالاضافه الى كم لاعب اخر
وشكرا

[AHMAD_93]

ـــبـــإـــخـــتـــصـــاآآآآآآآآآآآـــرـــ
ـــمـــنـــتـــخـــبـــ ـــفـــاآآآآآآآآآـــشـــلـــ

[حميد]

انا اقول السبب الاول والاخير الاعبين الجحلط الى جاتهم هالملايين وكلو هالاكل ومسافرين ببلاش ورواتب وعلاوات وفله احجاج شبعو وداسو على النعمه الى جاتهم فربك اعطاهم على قد نيتهم هالجحلط

[BЯộǾK ❤]

اولاً مافيه مخ ... انت تلعب في بطوله آسيا بتقابل اوزباكستان وايران والشله وكلهم

اجسسسسسسااااااااااااام وداخلي بنواف العابد و عبدالعزيز الدوسري ..

ياشيخ بيدعسون لاعبينك وهم مايدرون ...

نبي لاعب يقاتل نبي لاعب من يصفر الحكم للمباراه وهو يركض مايتعب ويصنع العاب ويرجع يدافع ويتقدم يهاجم عنده مخ اذا جا يناول مو تجيب لي شله بزارين توهم حتى ما نجحوا في انديتهم عشان تجيبهم للمنتخب ... يعني نبي (محمد نور) وليش يخلي (تيسير الجاسم) احتياط المفروض تيسير الجاسم اسااااااسي لأنه لاعب يعرف وين يناول يعرف يتصرف ويوزن الكوره بالملي.... مو يحط لي نواف العابد وعبدالعزيز الدوسري

واكبر غلللط ليش ما يثبتون على ناصر الجوهر ويرضون بالامر الواقع .. والله ناصر الجوهر مدرب فننننااااان لكن عندنا عقده واللي هي لازم مدرب عيونه زرقا (يعني مدرب اجنبي ):d


للمعلوميه انا ما اقول كلامي عن تعصب لأي فريق (سعودي) مع العلم اني افضل نادي الهلال لأني احب لعبهم لا اكثر ...