والله اني احس بالي تحس فيه بالضبط
انا والدي قبل ثلاث اسابيع اتوفاه والله لغاية اليوم ابكي عليه ما اقدر اكتم البكاء واذا كتمت البكاء تلاقي دموعي مغرقه عيني كرهت الدنيا ما عاد صار لي نفس في شي لدرجة اني اول ثلاث ايام من وفاته ما نمت صاحي افكر فيه واذا ما قدرت اتحمل اروح لقبره واقعد عنده ادعي شوي واكلمه شوي
اتخيله في كل مكان و لسى ماني مصدق انه راح لدرجة بعض الاحيان احتاج شي واقول الحين ادق على ابوي و اتذكر انه مو موجود
صورته 24 ساعه قدام استغل اي لحظة فراغ وافكر في الايام الي قعدنا فيها مع بعض واقول يا ريتني قعدت معاه اكثر وياليتني نمت تحت رجله كل يوم
الي مهون عليه اني لا ضقت اروحله قبره و اقعد اتكلم معاه و اقوله اخباري و اخبار هلي لانهم قالولي تراه يسمعك
الحمدلله اللهم اغفر له وارحمه و اجعل قبره روضة من رياض الجنه