الله يجزاكم خير و يستر عليكم فين مارحتوا . أمي من الناس إلي تسكت و لاتعلم ، شاورتها تروح معاي لمستشفيات الرياض لكنها رفضت ، كانت في بعض المرات تتردد بس في النهاية ترفض ، هي بعد ماأكد لها الطبيب عندنا هنا بحائل أنها لازم تمارس عادات صحيحه لما تقوم ولما تجلس ومن هالنوع وتبتعد عن طرق الخآطئه في القوم و المشي .. ومع بعض العلاجات وأنها في الأخير لازم تتكيف على الوضع
وبحسب ما قال أحد الأخوان جزاه الله خير في مسأله حبوب الألتهاب .. هي بالفعل عندها المنطقه إلي يمر فيها الحبل الشوكي على العضورف الخامس و السادس بالرقبه ملتهبه كثير ، لكن المشكلة الكبيرة ولي ماأحد منكم يقدر يستوعبه ، هو أن أمي ماتقدر على الحبوب ( كبسولات ) صدقوني حتى الـ بنادول و الأسبرين جسمها ماتتحمله
إذا الله سبحانه وتعالى أراد .. عندي زيارة للرياض يوم الأثنين القادم .. حآخذ الأشعه الصوتيه إلي مسوينها المستشفى الحكومي عندنا وهي صور متقدمه .. وحعرضها على ( مستشفى دلة + مركز سليمان الحبيب ) على شكل استشاره عند المختصيين هناك ، لأن الأشعه بتعطي صور واضحه ودقيقة عن رقبة أمي ..
أذا شفت من رد الدكاتره هناك أن فيه حل عندهم بواقع أن حالة أمي على انها سهلة أو شبه سهله .. فصار بحالة هذي العناء بسفر يستاهل و ويقنع أمي أن سفرها مجدي ..رحت أنا وأمي بكل ثقه لأننا واثقين مبدئيا
أحب أذكر .. أن أمي من الناس إلي مايحب يطلع من البيت .. وموضوع السفر .. شيء غير وارد عندها وأنا أعرف أمي
و العملية موضوع مرفوض لأنها ماتتسوى إلا في الخارج بإضافه أنها غير مضمونه بعد
بس يأخوان أروح بطيارة أو السياره أفضل ( لها ) ؟؟
سامحوني على عدم قدرتي برد على كل واحد لحاله واشهد انكم رجال ينشد بكم الظهر بارك الله فيكم و أبعد عنكم و من تحبون المكروه
ضوابط المشاركة
رد مع اقتباس
مواقع النشر (المفضلة)