دوريات جديده بالكويت تحت التجربه !!

**The Godfather** · 12-11-2007, 06:12 PM

السلام عليكم

قبل فتره سمعنا ان دوريات ( شارجر

v8 Himi ) راح تجي الكويت
اليوم انا جبت صورتين لدوريه شارجر يتم تجرتبها بالكويت و من غير لوحات

السالفه :
طالع من الكليه .... ما اسمع الا واحد وراي يدوس بسياره تسمع صوت مكينتها من كيلو
ثواني الا يمر علي مثل البرق

لحقته ... لقيته ماشي 200 ... و المشكله انه كان بيتون ( يحذف ) بين السيارات

و كان دوريه

و كانت الدوريه بدون لوحات ولا ارقام و لا حاجه

غير انها كانت بلون ابيض و اسود ( زي حق المراكز .. مو زي المرور ) و عليها فلشر ليزر

يوم اطل بوجه اللي يسوقها الا واحد كبير
و اطالع الرتبه زين
و يطلع مقدم

و يوم شافني جمبه ماشي 200 ... خفف و قام يمشي وراي
انا اتصرقعت
لاني يوم لحقته قلت يمكن واحد مجنون ماخذ شارجر و صابغها لونين و حاط عليها فلشر و فاك اللوحات :o
و فجأه يطلع ضابط

خقيت بالبدايه
و بعدين قلت لنفسي .. قوي قلبك ... اهوا ماله حق يوقفك لانه مو داخل دوريه رسميه

و اخفف و اخليه يمشي قدامي

و مشيت معاه حول 40 كيلو .. بعدها دخلنا داخل المناطق ..... رحت صورته يوم خفف
و على فكره .... دوريات طوارق وصلت المينا يوم الخميس اللي فات

و كان عددها 4 دوريات ... ( للتجربه )

صور الدوريه الجديده حصريه لمنتدانا الغالي :

**جرح الغلا** · 12-11-2007, 06:43 PM

ما شاء الله تبارك الله

شالجر دوريه يلعن أم الدلع يا حسام :d

الله يعطيكم من خيرها ويكفيكم شرها يا رب

مالت علينا حدنا لومينا وكابرس وتخب علينا ... اتمنى اشوف أكورد دوريه

تخيل ؟ ؟ ؟

والله لأقطع الاشاره عناد بس عشان يركبني :p

ويعطيك الف عافيه أخوي على هالتغطيه الحلوه

دمت بألف صحه وعافيه

**The Godfather** · 12-11-2007, 06:45 PM

^^^^^^^^^^^^
تصدق شايف اكوردين 2007 تبع المباحث

**جرح الغلا** · 12-11-2007, 06:48 PM

لا لا نبي 2008 عشان نصيح من يوم ما نركب معه

> > اخاف يحسب اني أبي أمي

هذي يمكن عندكم بالكويت عندنا حطوا جميع انواع السيارات مرور سري الا الاكورد ليش مدري !

**و د ا السعوديـة 1 5 5** · 12-11-2007, 06:50 PM

مشاء الله اي والله حنا لمينا وتخب
خخخخخخخخخخ والله صور حلوووه وسياره ولا احلى بس والله روعه ودي اجي عندكم اصير شرطي :p
بس اذا كانت هاذي الدوريات مايمديك تهج ولا شي على طول يجيبك خلنا على المينا احسن:d

**The Stig** · 12-11-2007, 07:31 PM

كل هذا وتفكره واحد صابغ سيارته :d

زين .. الحمد لله على السلامه ... كان والله الحين رايح اكفلك ومشتري لك عوار قلب :p

بس اما شارجر قويييييييييه !!!

**The Godfather** · 12-11-2007, 08:08 PM

^^^^^^^
المخابيل اللي يسونها كثير
و تصدق عاد
ما صورته الا بعد ما وصل لعوار قلب....بينه و بين السياره 100 متر

**الـمـسـافـر** · 12-11-2007, 10:49 PM

ههههههههههههه

اجل خقيت معه

يعطيك الف عافيه عقيل ع الصور

**ل م س 3 3 4** · 12-11-2007, 10:53 PM

من جد دلع ،،،، معطين الدوريات تشارجر

**o-k-r** · 12-11-2007, 11:15 PM

يبوي R/t
يهون اما اذا جاك Srt8
والله جنون 425 حصان يجب اي موتر لو شنو مركب فيه يجيبه بالغصب
ومشكور على انك عملتني
لأني بروح الكويت يوم الخميس

**The Godfather** · 12-11-2007, 11:49 PM

^^^^^^^^^^^
السيارات بالكويت وصلت ل 700 حصان... طبعا اكلمك عن سيارات تمشي بالشارع كل يوم
كافي الـ Zo6 وكاله 500 حصان ......... لو ينلغم
عندنا بالكليه evo جديد ..... هذا ايش يجيبه

حبيبي .... الكويت صار عندها هليكوبترات بالداخليه بس علشان هاذي البلاوي

**HONDA BOY** · 13-11-2007, 03:28 AM

دلع والله تشارجر مره وحده بس والله كان ودي يحطون اكورد امن طرق في خط مكه جده بدل الكوامري

**العامري** · 13-11-2007, 04:13 AM

ما شاء الله ,,,, ماحد يلعب معهم صدامات على كيف كيفك
تدري ودي بايش

اسوووقها <<<<(يحلم المسكين:d)

يسلمووووووووووو

**The Godfather** · 13-11-2007, 10:10 AM

انا اضن و الله اعلم
ان مكيتها فيها مواصفات خاااااااصه
يعني لو تلاحظون
بالكويت لما نزلو البي ام ...... الفئه الخامسه و ثمانيه سلندر و فوق هذا خارطين مكاينها و السياره صايره طياره

لما نزلو الفوردات الجديده ...... الفئه سبورت و القير ارضي

و انا لاحظت بهاذي انه كان يقوم بثواني
يعني تحس ان المكينه جباره ..... و كان عليها صوت .. تقول مركبين هدرز و سستم اقزوز

**ياخسارة** · 13-11-2007, 10:38 AM

المشاركة الأصلية كتبت بواسطة BLACK_ACCORD

انا اضن و الله اعلم
ان مكيتها فيها مواصفات خاااااااصه
يعني لو تلاحظون
بالكويت لما نزلو البي ام ...... الفئه الخامسه و ثمانيه سلندر و فوق هذا خارطين مكاينها و السياره صايره طياره

لما نزلو الفوردات الجديده ...... الفئه سبورت و القير ارضي

و انا لاحظت بهاذي انه كان يقوم بثواني
يعني تحس ان المكينه جباره ..... و كان عليها صوت .. تقول مركبين هدرز و سستم اقزوز

اخوي عنده دوج تشارجر R\T
وكاله عليه هدرز وقزوز سيستم وماشالله علية 260 سلام سلام