₪ ❤ ღ:: اعــترافات الطــفــولة - ادخل وشارك واضحك :: ღ ❤ ₪

**الوااافي** · 28-11-2007, 03:50 PM

ولا تزعل يا مصعب ‘لا أنت لا تزعل تحوس البتاع كله

وبصراحه يعني.... آ ...آ.....آ اممممم أه أه احم احم :o كنت اسويها وإلى الآن ما ادري ليه :d

,,,

**B Useful** · 28-11-2007, 05:04 PM

المشاركة الأصلية كتبت بواسطة الوااافي

:o كنت اسويها وإلى الآن ما ادري ليه :d

,,,

قبل ما تحلق شعرك ولا بعدة خخخخخخ:p

**الوااافي** · 28-11-2007, 05:54 PM

المشاركة الأصلية كتبت بواسطة كوكو كورد

قبل ما تحلق شعرك ولا بعدة خخخخخخ:p

لا قبل ما اطول شعري يالذكي هع هع هع

لا تعيدها يا ابو قشطة مرة ثانية فاهم

**كلاس وولد ناس** · 29-11-2007, 01:28 AM

ياشباب بقولكم شي صار معاي قبل 12 سنة<<<يعني كان عمري 5 سنوات
وجا الوالد الله يحفظه مدري إيش قالي وبعدين ضربني قمت إستغليت فرصة ذهبية وهو يتفرج للتلفزيون وأجيه من ورا وبالقلم الناشف اللي بريال وعطيته في راسه بدبوس القلم
تكفى يا شباب اللي بيضحك يضحك شوي شوي
سلام

**The Godfather** · 29-11-2007, 01:38 AM

^^^^^^^^^^^^^^^^^^^^^^^^^^^^^^^^^^^^
غلطااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااان
سكينه المره الجايه و لا ساطور احسن

شكلك مجرم يوم صغير نفس ولد خالي
انا قبل 14سنه يوم كان عمري 6 سنين جالس احل الواجب بامان الله و ولد خالي عمره 5 سنين جالس يلعب بالصاله جمبي ... و انا مبري القلم الرصاص من الصوبين
يعني علشان يصير جاهز من الصوب الثاني اذا انكسر الصوب اللي اكتب فيه
و نقز على ظهري ولد خالي و دخل بوز القلم اللي ورا بعيني
و الحمدالله اني صكرت عيني ولا كان اعور اللحين
بس لحد الان من 14 سنه و اثرها على جفن عيني .. نقطه رصاصيه صغيره .. تبان لما اغمض جفني .. و كل يوم اطالعها و اقول .. الحمدالله اني غمضت عيني
و اذكر بعد ما دخل بعيني .. ما بكيت .. بس رحت اطالع تلفزيون .. اذكر انه كان" خماسي"
و بعد ما خلصت الحلقه رحت لامي اقولها شنو صار بجفن عيني
خخخخخخخخخخخخخخخ
كله يهون الا يطوفك الكرتون

**link love 2007** · 29-11-2007, 01:46 AM

^^^^^^^^^^^^^^^^^
ما شاء الله دافور

من الجهتين ما كان فيك حيل تبري شكلووو كان وقتك ثمين من الذهب:d

**الاخطبوط** · 29-11-2007, 01:53 AM

خخخخخخخخخخخخخخخخخخخخ والله سواليفكم رااااااااااااايقه :d

أما هذي الحركه كنت بطل العالم فيها مافيه باب بالبيت الا وصار بيني وبينه تحدي >>> الحين ناوي اتحدى بوابة استاد الملك فهد :d

والحمد لله الان عندي سبع ميداليات ذهبيه وثلاثطعش فضية وثنتين خشبيه وهذا كله بفضل من الله ثم الحكومه اللي ماقصرت ودعمتنا المال والجهد

المشاركة الأصلية كتبت بواسطة كلاس وولد ناس

ياشباب بقولكم شي صار معاي قبل 12 سنة<<<يعني كان عمري 5 سنوات
وجا الوالد الله يحفظه مدري إيش قالي وبعدين ضربني قمت إستغليت فرصة ذهبية وهو يتفرج للتلفزيون وأجيه من ورا وبالقلم الناشف اللي بريال وعطيته في راسه بدبوس القلم
تكفى يا شباب اللي بيضحك يضحك شوي شوي
سلام

:d:d:d:d:d:d:d:d:d:d:d:dمافيها ضحك بشوي شوي :d:d:d

**أبو عــزوز ..** · 29-11-2007, 08:51 AM

بنتظار المزيد

**The Stig** · 29-11-2007, 03:40 PM

^^^^^^^^^^^^

**B Useful** · 29-11-2007, 03:57 PM

^^^^^^^^^^^^

ماعليك اخوي عاشق هوندا اكورد ..

قايلكم قبل ... ابو عزوز كان ساكن في خيمة .. ماعندة ذكريات خخخخخخخخخ

**The Stig** · 29-11-2007, 04:01 PM

~^^^^^^^^^^^^
انا اعرف له هالطابوق نياها ها ها ها
انشالله اجبره على كتبابة الذكريات قريبا ..

**B Unique** · 29-11-2007, 04:42 PM

بما انكم بديتوا في نشر غسيلكم وانتوا صغار واكتشفت ان فيه ناس متهورين غير اخوي يحطون روسهم بروس آباءهم << ما بغت تطلع الكلمة هذي هع هع :d

المهم ..

اذكر مرة كنا جالسين نتغدى وكان فيه واحد من اخواني مأذينا بالصياح والبكاء .. ليش ؟ والله للحين مدري بس يمكن الورعان الصغار فاهمين التسلية غلط

ابوي حاول يهديه بالطيب ويدلعه لكن ما فيه امل وآخرتها خذا الرضاعة وحطها في فمه وسدح راسه على مخدة . طبعاً ابوي شد معه شوي يفكره خلاص بيخاف ويهجد محله لكن حصل مالم يكن في الحسبان ..

اول ما التفت ابوي على السفرة الا ويقوم عليه عليه اخوي ويصفقه بالرضاعة على قفاه . تخيلوا عاد تجيك رضاعة ماشية مليون ، مليانة حليب ،،، وعلى غفلة !!

ههههههههههههههههههههههه

:d

سامحنا يابوي بس والله مالي دخل

طبعاً كل اخواني على السفرة تسدحوا من الضحك .. بما فيهم انا . بس اول ما حطيت عيني في عين ابوي وشفت الشرار يتطاير من عيونه حسيت اني جبت العيد . والقط نفسي لا شعورياً واهج للحوش وشوي الا اخواني كلهم هاجين معي خخخخخخخخخخ

:d

**The Stig** · 29-11-2007, 05:59 PM

والله ماشالله ...
بصراحه ماشالله عليك ... قصه روعه !

بس بصراحه ابي اعرف النهايه :d

**الـمـسـافـر** · 29-11-2007, 06:26 PM

المشاركة الأصلية كتبت بواسطة B Unique

اول ما التفت ابوي على السفرة الا ويقوم عليه عليه اخوي ويصفقه بالرضاعة على قفاه . تخيلوا عاد تجيك رضاعة ماشية مليون ، مليانة حليب ،،، وعلى غفلة !!

ههههههههههههههههههههههه

:d

طبعاً كل اخواني على السفرة تسدحوا من الضحك .. بما فيهم انا . بس اول ما حطيت عيني في عين ابوي وشفت الشرار يتطاير من عيونه حسيت اني جبت العيد . والقط نفسي لا شعورياً واهج للحوش وشوي الا اخواني كلهم هاجين معي خخخخخخخخخخ

:d

هههههههههههههههههههههههههههه
جبت العيد بدري

**B Unique** · 29-11-2007, 06:52 PM

المشاركة الأصلية كتبت بواسطة عاشق هوندا اكورد

والله ماشالله ...
بصراحه ماشالله عليك ... قصه روعه !

بس بصراحه ابي اعرف النهايه :d

نهاية القصة في بطن الشاعر

;)

**B Useful** · 29-11-2007, 07:58 PM

عليك قصة يا B Unique جاني ضحك غير طبيعي ...

المعني في بطن الشاعر .. معناتة توطا في بطونكم ..:p

طيب اذكر مرة ..

كان من الاشياء المحرمة في البيت المسدسات اللي (( رصاصها لونة احمر .. بس صوت والرصاص يجيك على شكل حلقة فيها اسطوانات ... والمسدس شكلة زي ابو محالة )) ..

المهم .. شريتة ..
وشريت الرصاص حقة ..
ابوي طلع المسجد يصلي العصر ..
مشى 20 متر ..

فتحت الباب ..

يباااا ..

يناظر فيني ..

طلعت المسدس واطلقت علية 4 طلقات ..:o

انفجع فجعة الييييمة .. وسىوا نفسة بيوخر عن الرصاص ومدري اية ..

ياعيال قسم بالله انة توعدني بطق اليييم وهو في الشارع ورفع صوتة ... وكمل راح المسجد والوعد بعد الصلاة ..

وانا خقييييييت ..

احلى شي في القصة ..

انة راح صلى .. وانا خشيت البيت .. وكسرت المسدس ..

ولما رجع من الصلاة ... ولاكأن شأي صااار .. ...

انقهرت اني كسرت المسدس ....

صدق ياعيال ماسوالي شي :d

.

**B Unique** · 29-11-2007, 08:04 PM

المشاركة الأصلية كتبت بواسطة كوكو كورد

صدق ياعيال ماسوالي شي :d

اممممممممم
اجل ما سوا لك شي ؟!

طيب وش سبب الفقشة اللي في راسك اللحين ؟!

;)

**B Useful** · 29-11-2007, 08:10 PM

المشاركة الأصلية كتبت بواسطة B Unique

طيب وش سبب الفقشة اللي في راسك اللحين ؟!

;)

سلاااااامات ياعمي ,, راسي سليم مافية شي ... شككتني في نفسي ..

بعدين وش ذا الابو اللي يفلق راس عيالة >>>> يسسسسمع بالابوة شكلة ..!!

اخبر في جبهتي علامة صغيييرة جداً ... سببها جداً عبيط ..

العاب الطفولة تشتغل ببطارية (( مو اي بطارية .. لازم بطارية ابو بس ;))) ..

اذكر لقيت بطارية في البيت فيها صوت (زززززززز ) .. واحد اطرافها فية مادة طالعة منها ..
جاطها قدام وجهي وبكل بساطة طار منها شي على جبهتي وحرقني وسبب لي ذيك العلامة ..

>

**The Stig** · 29-11-2007, 08:14 PM

المشاركة الأصلية كتبت بواسطة B Unique

نهاية القصة في بطن الشاعر

;)

كانت ولا زالت :d

بس بصراحه تستاهل انت واخوك .. اما انه اللي انضرب بس اخوك .. مو خاشه مزاجي :p

**م م و السعوديه 5 5 7** · 29-11-2007, 10:28 PM

احم احم
بسدح بعض الموافق بس لحد يمسك على أحد

.

اذكر يوم كنا ساكنين في بيتنا القديم كان عندنا جيران خوال (مع الاحترام طبعا)

طيبين و حليلين و محترمين جدا <<<بلع العافية قام يضبط الوضع :d:d.

المهم عندهم ولد شوي فيه كلمة أذية اسمه (خالد)<<<أكلت منه أنواع التصفيق ما يمر اسبوع الا وأنا منطق حتى اليوم اللي ما يضربني لازم يتحرش فيني بكلمة والا يعطيني كتف <<عارفين حركات المبزرة

.

لحظة خلني أخلص الفلافل وأرجع أكمل السالفة ;);).

ايه وين وصلنا يا قايز

.

المهم يوم من الأيام في المدرسة كان المدرس يتكلم عن الثقة بالنفس وان الواحد لازم ما يخاف ومن ذا الكلام <<<أذكر كل ما يقول كلمة تدور صورة خالد في بالي :d:d.

رجعت البيت ذا اليوم وأنا ناوي شر المهم كنت انتظر العصرية بفارغ الصبر <<<صار قوي محد قده.

والله وجت العصرية وانا انتظر الولد يتحرش بس مدري وش فيه ذاك اليوم كان عاقل ومسوي خويي <<<شكله حاس :d:d.

بس هذي هي السالفة :p<<<عاشق لا تستغرب عشان الوجه التعبيري هذا لحاله.

التكملة في الرد القادم لحد يرد لين اكمل السالفة <<<عشان الوجوه التعبيرية خلصت في الرد هذا.

**م م و السعوديه 5 5 7** · 29-11-2007, 10:43 PM

قلت دامه مو ناوي يبدأ اليوم خلني أتحرش فيه صرت أمر من جنبه وأعطيه كتف <<نفس حركاته يعني الولد مستغرب انه طلعلي ريش :d:d.

المهم منا ومنا ألين قام البقس وكان في جنبي حديدة (حقت الستاير) عز الطلب وأخذتها وفجرت رأس الولد <<<<بس كانت من قلب ذيك الضربة حسيت اني عوضت اللي راح كله

.

الولد شاف الدم وعلى طول جري لبيتهم وأنا أطرد وراه بالحديدة <<<باقي ما طاح اللي في راسي

.

الله فكه من الضربة الثانية (اتوقع كانت القاضية)ودخل بيتهم وانا وراه للبيت شوي الا امه في وجهي

عوووووووووووووووووع ديور وعالبيت ياولد ماتشوف الا غباري :d:d.

رحت البيت وغرفة النوم دايركت تحت كرسي النوم
امي :عزوز وش فيك وش صاير ؟
لالا مافي شيء يمه
مرة مرتين ثلاث نفس الشيء

شوي الا أم خالد تصايح من عند الباب <<<جاك الموت يا تارك الصلاة :(:(.

وأنا اقول ميد امي لا تعلميها اني هنا .

دخلت البيت وتصايح علي بصوت قوي وأنا خايف <<<وقسم بالله حسيت ان اللي جاء ابوه مب أمه

.

بعدها الحمد لله امي سيطرت عالموضوع وهدت الوضع السياسي وصرنا انا وخالد أخويا الى يومك هذا

.

أمانة لكل من يقرأ القصة الرجاء عدم نقلها الى منتديات اخرى .

**B Unique** · 29-11-2007, 10:50 PM

^^^

هههههههههههههههههه
صح يالقوي

:d :d

اجل ما اخطيت يوم سميتك (حرك تبلش)
مع اني حاس ان القصة كان لها نهاية ثانية

**م م و السعوديه 5 5 7** · 29-11-2007, 10:54 PM

المشاركة الأصلية كتبت بواسطة B Unique

^^^

هههههههههههههههههه
صح يالقوي

:d :d

اجل ما اخطيت يوم سميتك (حرك تبلش)
مع اني حاس ان القصة كان لها نهاية ثانية

لا والله القصة حقيقية
وقسم بالله حقيقية
وش تبي بعد

شايفني زي بعض الناس نهايتي في الحوش

لا ياحبيبي انا دائما الشاطر اللي يضحك في الآخير :p:p

**The Stig** · 29-11-2007, 10:56 PM

شايفني زي بعض الناس نهايتي في الحوش

نيا ها ها ها ها ها ها ها . والله قويه !

**B Unique** · 29-11-2007, 11:34 PM

المشاركة الأصلية كتبت بواسطة م م و السعوديه 5 5 7

شايفني زي بعض الناس نهايتي في الحوش

في حكمة تقول :

انحش .. تسلم !!

;)

الموضوع: ₪ ❤ ღ:: اعــترافات الطــفــولة - ادخل وشارك واضحك :: ღ ❤ ₪

أدوات الموضوع

عرض

ياذ الطفولة البريئة .... اي يريئة ياعمي .. قتلة صغار !!!

المواضيع المتشابهه

₪ يوتيوب نادي محبي هوندا ₪ YouTube Videos

❤.. قصة الشاب و رؤية الله في الجنة .. ❤‎

شباب تعالوا شوفوا ღღ 3eo0oney...ღღ وش سوى يوم الخميس

₪ ❤ Ξ ღ:: في ,, صمتي ,, لك ,, كلام :: ღ Ξ ❤ ₪

مواقع النشر (المفضلة)

مواقع النشر (المفضلة)

ضوابط المشاركة