^^^^^^^^^^^^
نركب 3 او 4 .. واحد فينا اللي يتعور بس
و دايما ما يكون انا ..لاني اقعد قدااااااام اول واحد .. مسوي قائد المجموعه .. و اذا صار شي اول واحد يحط رجله ..انا :d
طبعا لحسن الحظ .. عندي 5 عيال خوال من عمري .. فرق بينا ما يعدي الشهر.. و تخيل تصير قائدهم .... خخخخخخخخخ عصابه على غفله
و عندي سالفه ثانيه بعد ... تعرفون (جراقي) .. او العاب ناريه بقول اخر ........... اللي على بطريق ؟
كان خطر لانه دايم ينفجر بيدك ما يمديك ترميه حتى
لعبت فيه مره و انا عمري 10 سنين .. طبعا دبرت لي كبريت و ساعه انا كل ما اشب عود ينطفي
قمت خليته على الارض و قربت وجهي علشان اركز
و افتح الكبريت و بين وجهي و الجراقي (الالعاب الناريه ) 20 سم على ابعد تقدير
و ما امداه يولع ..... الا طاااااااااااااااااااااااخ
انا اول شي انصدمت ... بس صكرت حلقي و شلت العفسه و غسلت وجهي و دخلت البيت كأني مو مسوي شي
ابوي يطالع فيني مستغرب
يوم يقرب يمي ... يسألني ..انت شنو مسوي؟
انا : ماسويت شي !! <<< مع وجود نظرة المظلوم
ابوي : وين الكبريت ؟
انا : اي كبريت !!
ابوي : انت لاعب بالنار !!!
انا : لأ !!
ابوي : روح طالع ويهك بالمنظره و تعرف !!
انا اروح و اطالع بالمنظره .. الا نص حواجبي طايرين !!
و افرك حواجبي و يطيحون بيدي ... اثري حارق شعر حواجبي
ابوي ما كلمني .... بس اليوم الثاني قعد يتطنز علي مع الوالده على الغدا.. و انا معصب انه يتطنز علي... و زادها .. يوم الجمعه جمعتنا ببيت جدي
و ابوي على الغدا قدام عمامي الاربع و عماتي الـ 10 و اولادهم و اولاد اولادهم (قولو ما شاء الله ) ... يقول السالفه و يتطنز معاهم علي ............انا عصبت عليه
بس بعدين سويت روحي زعلان .... و بعدها ابوي عطاني 10 دنانير :d ( مسوي يراضيني )
من يومها ..و انا اول شي عندي ..اني ما احط روحي بموقف اشوف الوالد يتطنز علي فيه
و اخيرا صوره من ارشيف تلفوني لابو بطريق .. وخرو حواجبكم عنه
هاذي صورة مجموعه ..لك الحريه تشبهم كلهم و لا تفرقهم عن بعض و تشب وحده وحده
رد مع اقتباس
مواقع النشر (المفضلة)