بما انكم فتحتو سالفة القنابل !

هذا يقولك اول ايام استلامي الى معشوقتي وتوني مطلع الرخصه .. وفي حدود الطلعات من الوالد

المهم : في رمضان مره .. رحت مع اخوتي نشتري قنابل ... طبعا الوالد كان مانع القنابل بكل شكل ... ومو راضي ابد احد ياخذ قنابل .. ويعني لو يسمع صوت قنابل بالبيت ياويله :d...

المهم : شغلت السي ار في الله يطول عمره وركبت اخوتي الصغار ... بنت عمرها 5 سنوات والولد عمره 4 سنوات ... وقلت لهم بهدووء ماحد يسمع .. بنروح نشتري قنابل ..

وصلنا للمحل المزعوووم ,.. قلت للاطفال ..اجلسو بالسياره وقفلو الابواب ولاحد يطلع ...
اوكي .. وفي روايه اخرى .. كابيش ... قالو كابيش :d

نزلت واشتريت كم صاروخ وكم قنابل ب 100 ريال :d ... طبعا ناوي على حفله مو صاحيه .. وانا ادفع اللي اسمع اخوي يقول اخذت صاروخ ... قلت له وش جابك انت ...

تخيلو وش يقوووووووووول :: لا تخاف قفلنا السياره قبل لا نجي ... واطلع ركيييييض والسيارة تطلع مقفله كيف مادري
الاولاد طلعو من الشنطع والابواب كلها مقفله ...

طبعا السياره والمكيف شغال والجوال وش حلاته والمحفظه و و و و ... والمصيبه القنابل في يدي

بحثت عن اقرب تلفون والاطفال يصيحووون :p ... اخر شي جا الوالد ... يقول وش السالفه كيف الابواب تتقفل .ووش تسوي هنا ,,, وانا اصرف واصرف واصرف ..

وتهزأنا شوي ... بس ماشاف القنابل .. يقولك يازين السي ار في بالسبير اللي ورا ..
بس في النهايه فضحوني :(

وفوتوكو بعافيه