هذي قصه حصلتلي وانا في اول متوسط اذكر ايام الاختبارات النهائيه الترم الاول انا طبعا اروح و اجي بباص حق المدرسة لو فكرت اركب ليموزين ابويا حيفقعني ضرب لين اقول ان الله حق وبعد ما خلصنا الاختبار طلعنا قدام المدرسه وكل واحد يتحدى الثاني مين يركب ليموزين ويرجع البيت ولا يدفع الفلوس أهم شي في الموضوع انك ماتدفع الفلوس بس واركب ولما وصلت قبل البيت كان في عماره كبيره لها كراج في البدروم له مدخل من ناحيه و مخرج من ناحيه ثانيه وبس اقول للتاكسي: لبق يابو اطلع اجبلك الفلوس من فوق وانزل ما معايا صرف (صح يلي مصروف فسحته 500 ) المهم التاكسي غبي على ان شكله يعطيك انطباع انه فاهم ولما نزلت دخلت باب العماره المصعد كان مكشوف من ناحية الباب ركبت المصعد زي الاسد واضغط على B ولا تشوف ورايا الا غبار على البيت وادق الجرس وتفتح الوالده الله يطول في عمرها تقلي اشبك جاي بدري وانا لا قلت للسواق الباص انا ماراح استنى حقون الثانوي والله ومشيت عليها القهر انه في العصر مر الغبي من قدام البيت وانا كنت طالع بتي شيرت وبنطلون ولا عرفني المسكين مقهور يدورني .