عرض للطباعة
^^^^
الله يرجك .. هذا بدل ماتراعي ضروف الرجال وتواسيه وتغير رايه >>:rolleyes:
مثلاً مثلاُ مثلاُ يا ابوالريش اذا بعتها للسفوكه الاموره الفرفوره .. وش بتشتري ؟؟ :eek:
يااخي فكر بعقلانيه وكما يقول المثل مد رحافك على قد رجليك >> اقصد من رجليك على قد لحافك .. :rolleyes:
فلها يااشيخ رووح اغسلها واشتريلك علبة بوليش وسويها بنفسك واضربها كم صوره وفرحنا فيهم :cool:
وبالآخر .. اذا معزم تبيع لايردك الا قسم البيع والشراء .. :)
والله ابي اكورد 2009 فل 6 سلندر او لكزس IS :o
لكن سيارتي الحـين بالممره كارهـا:( مدري ليش
و أبي سيارة جديده
فتحت السالفة مع ابناء عمي
ضحكوا علي و قالوا انت اكيد مو صاحي ... للأنهم ما يدرو عن الهم الي صار لي مع هذي الوكالة :mad:
والسيارة ما زبطت بالشكل المطلوب بالممره :mad:
شف غير شي بالسياره وترجع تحبها ان شاء الله :rolleyes:
يعني اصفقلها جنوط شي يسحمسك للسياره
ركبلها زينون ...
ركبلها سيستم :cool:
وخلك شغلك نظيف :cool:
وهذا وجهي اذا بعتها ;)
:(
^^^
خليط متفائل وجرب مانك خسران شي اذا تميت كارهها بتاخذ الي ركبتهم السياره الجديده :)
حاليا سيارتي جايين لها شرايين يبونها بـ 49الف:(
قلت لهم صلوا على محمد يا ولاد الحلال
وين جالسين بـ 49 الف :mad:
^^^
والله رح اكرهك اذا بعتها ب49 :eek:
حرااام علييك اذا بتبيعها لاتستعجل !! السيااره ماشيه 16 الف !! :eek:
الله يرجعك لعقلاتك البااقين .. :p
:dكلاكيت ثاني مره ..الباب الاول ( مواقف بايخه ) .... المشهد ( نوم طويل ) :
امس كنت سهران لحد الساعه 7 الصبح و لا قدرت انام ... بالفراش تقلبت لين قلت آمين .... كنت ناوي انام لو ساعه وحده بس علشان اصحى قبل الساعه 2 الظهر علشان اروح الوكاله و اشوف الموظف مال الاكسسوارات
قدر الله علي و ظليت صاحي لين رحت له
و بعدها خلصت منه طلعت على محل ترصيص .. و قلت له عندي رجفه بالدركسون لما اعدي الـ 100 لين الـ 120 و بعدين تخف كل ما اسرع اكثر !
قال ترصيص .. بس ماراح اعطيك كفاله على روحة الرجفه 100% لان جنوطك مو جنوط الوكاله ... قلت ماشي .. بس لو تقل شويه ميخالف
شال الجنوط اليمين .. و عمل ترصيص .. لما جا حق الجمب اليسار .. قالي تعال تعال
قلت خير
قال شوف جنوطك اليسار .. ماهم عدلين .. كأنهم مو دائره عدله ..
قلت اووف .. من شنو صار جذي ..
قال انت راكب على الكور البيض اللي بالشارع .. النوع الكبير اللي عند نزلات و صعدات الجسور
قلت اي قبل فتره اضطريت لان صار حادث جدامي و كنت راح ادخل فيهم و وخرت عنهم بسرعه !
قال جنوطك الحلو فيهم ما ينكسرون بس ينطعجون .. راح اوديهم لمحل يسويهم .. بس ياخذ عليك غالي
قلت جم يعني ؟
قال الجنط الواحد 10 دنانير .. يعني 138 ريال
قلت امرنا لله .. سوها .. و هاذي الفلوس ..
سلامتي اهم مليون مره من الفلوس ..... وش فايدة الفلوس لي راح العمر
قال تمام انتظر ما يطول نص ساعه ان شاء الله
قلت اوكي
و جلست انتظر .. انتظر .. و انتظر .. و كل هذا و انا سهران من اليوم اللي قبله
و الجو عندنا كان بديع و خصوصا ان ماعاد ذاك الحر .. الجو بادي يقلب على براد
يعني النعاس جايني و انا مقابل التكييف البارد بالمحل
صارت ساعه و نص الا الحبيب جايني
يقولي جنوطك صعبين حبتين على ما سواهم
قلت اوكي و شلونهم اللحين
حطهم على الجهاز و انا اشوفهم الا فرق السما عن الارض عن قبل ساعه و نص يوم اخذهم
قلت له خلصهم و خل امشي
و ركبهم و خلص
و هاذي 400 ريال راحة بظرف ساعتين على رجفه بالدركسون و راحت !
و انا طالع من المحل .. مريت على محل اقزوزات .. شفت عنده نوع MSD قاعد يركبه لميني كوبر اس ... صوته ابن حرام .. اخذ عقلي و قلت ابي اركبه .. بس اللي اخذ عقلي انه ممنوع بعد و يمكن اي وقت يوقفني شرطي و سيارتي تروح الحجز
قلت خليني اروح البيت بسرعه قبل ما تطير باقي المكافأه .. و هي ماصار لها يوم واحد من نزلت !
و اروح البيت و اقعد على النت حبتين .. لين الساعه 4 العصر
قلت ما اقدر اقعد بعد
بنام ابو ساعتين او ثلاث و اريح جسمي
و اسحبها نووووووومه لين الساعه 2 و نص
و اصحى و انا ميت من الجوع و العطش
و اروح برجر كنج و على السريع اطلب اكل
بس المشكله اني طلبت كثير و لاني قادر اكلمه و كان مصيره الثلاجه !
كل مره ادخل مطعم و انا جوعان .. اطلب زياده و يروح الثلاجه
هاذي مشكله لازم اتعلم التعامل معاها !
بس زين لحقت اكلت قبل ما يصير وقت الامساك .. و لا كنت بروح فيها !
و كأني قرقرت كثير ؟
خخخ
ماعلينا :d
^^^^
الحمدلله على السلامه عقيل اجل سيفون على العزيمه خخخخخخ
انا والله تو بغا يصيرلي حادث الييييييم بس الله ستر .. الا ابسالكم اذا مسكت البريك على الاخر وكسرت الطاره .. وبعدين مشيت تطلع حذفه ولا لا..؟ انا طلعتلي حذفه بعد هالحركه ..
الله يلعن بليسه ابو يمن معه ددسن طف عليه بنص شارع عام (الدمام الخبر) والسياره تهدي شوي شوي وهو معيي يلف يمين !! ووراه فورد ورا الفورد سطحا انا بغيت ادخل بالسطحا ماكنت منتبه قاعد ادور شريط ماوعيت الا هالسطحه قدامي الله لايبارك بهاليمني صدق انه غشيم السياره زحفت معي شوي وتعدلت بسرعه :mad::mad: والله لازم نمت شامل
بس صراحه اثبتت بريكات الاكورد جودتها الشهاده لله :cool:وثبات ماشالله
لووووووووووووووووووووووووول
لو يا عقيل مسك عليك وانت ما اكلت شي
كان تصير معك حفففففففلة بدوون كيك :d
الحمدلله عـ السلامة على الي كان بصير معك حادث الي خرب لك الجنطين
لكن الجنطين كيف هذول اصلي ولا ابو تجر (تجاري) ؟؟
بالنسبة لبرجر كينج و الله صار لي حوالي اكثر من 3 سنوات ما اكلت منه من روحتي هليفاكس :o
والله شهيتني بـ فليه O فيش من عندهم :o تاخذ وجبه و يعطوك كوبونين اكشط و اربح ( دعاية لسبايدر مان على ايام توه نازل في 2004) والجوائز الي تبعهم مية مية
مو مثلنا هنيتا يسخرون علينا :mad:
كل شي مثل وجوهم الله لا يبارك فيهم
مثل مثل كندر سبرايز صحيح انها للصغار لكن احبها انا :d:d حليب اكثر + شوكولاته أقل وتقوي العظام <--- لايشيخ:d
لكن شوف الألعاب الي فيها في دول الخليج وشوف الألعاب الي عندهم في اوروبا و امريكا فررق ما بين السما و الأرض
الي عندنا اشياء ابو كلج يعني خرطي :mad: لكن هناك اشياء يستفيد منها الطفل :o
كأني قلبت السوالف كلها :o
يا بو بسااام الحمدلله على السلامة
اليوم لو جيت معنا قروب هوندات القطيف تبع نادي محبي الهوندا في كورنيش يا سلاااااااااااااااااااااااام
قومات على كيف كيفك ( طبعا القومات كلها هوندا معا هوندا ) :) لكن كانت بالمممره حماااس
يعني الهوندات اليوم في الكورنيش كانو هم الأقوى في جميع النواحي 3 فاست 3 فيريوس:d
و الشباب حمسوني للقومة ما بين اكورد 2008 فل مع سيفكتي
لكن ما قبلت :o للأن عارف مصيري ايش يكون
الجنوط تجاري و مو تجاري
يعني مو من الوكاله ... و لا هم البايخين الكوري اللي ينباع بمحلات الزينه ابو اي كلام
و يقول هذا اللي في الرادو :
" يا برد المكيف و يا القلب الرهيف .. يبيني اصيف و الدنيا حر "
و اللي وراه يردون عليه
" حر "
والله يخوك اليوم فريت عند الشبيلي كله هوندات
الا على فكره انت رحت القرنفله اليوم؟
اهـا يعني لا بأس بهم يأدون الغرض و اكثر :cool:
لا والله انا اليوم كله في القطيف ما طلعت بالممره خارج القطيف
كني مشبه على اللوحه بس
اهـــا
:dيمكن انا لكن بالنسخه الثانيه :d
ايش قلت يا بو بسام تبي الموتر بـ 60 الف :p
ترى سويشو هوندا قال
سيأتي للسيفك يوما ستنافس الضوء :o
يعني هذا عرض مني لك سبيشل
اذا اجى الوقت الي تنافس الضوء لا تجي وتقولي ابيها بـ 100 الف
للأن من هنيتا الى ذاك اليوم برتفع سعرها تو متش :d
^^^
كلنا حاشنا احباط بعد ما انصدمت سياراتنا و صلحناها .. كلنا ما نحب سياراتنا .. بس هذا اللي عندك .. و تأقلم مع الوضع
الحكما قالو :
~~ دع الأيام تفعل ما تشاء وطب نفسا بما حكم القضاء ~~
~~ وما نيل المطالب بالتمني ولكن تؤخذ الدنيا غلابا ~~
~~ تجري الرياح بما لا تشتهي السفن ~~
~~ رُبَّ دهر بكيت منه فلما صرت في غيره بكيت عليه ~~
اقتباس:
المشاركة الأصلية كتبت بواسطة أبو الريش
شرايك تشتري جنوطي الي بالتوقيع وعلى طوول اشتري السفك حقتك وش قلت ؟؟
والله الجنوط مش بطالين الي تبعك وحلوين يطلعوا على السيفك
لكن المشكلة مب هنيتا
المشكلة على الوالد مالي ومال الهدره :mad:
اول حاجة بقولي ليييييييييش تبدل جنوط الوكالة :mad:
ثانيا ما تدري ان ذول don't safety (هذا كلام اي موظف في ارامكوا )
احتمال يصيبك انقلاب في اي وقت :d
وثالث حاجة
وليش صاف لي الجنوط عندا لكراج وش تبي يقولوا الناس و المعازيم اذا عزمتهم فاتحيين ورشة :mad:
^^^
الله يعينك ياابو الرييش :d
اليوم شخص قال يبي يشتريها لمشاويره الجامعة في البحرين
قالي لكن السعر الي تبيه مرتفع:o
واناابيها منك بـ50 الف هذا حدي :(
اول شي بعطيني 45 الف و الخمسه آلاف بعد شهرين :mad:
قلت له الله وياك
قال ايش قال بـ50 الف:mad:
السلام عليكم
صباح الخير ياشباب
ادري بتقولون وش هالوقت تسولف فيه
بس تخبرون الدوام واللاب توب محترق يعني مافيه الا جهاز العمل ادخل منه
عندي سؤالين
اولا اوقات دوام الوكالة
ثانيا صيانه الـ 5000 وش تطلب وتاخذ وقت ولا لا
ياليت اجابه بسرعه
هـلا وغلا اخوي رعوودي
حاليا الوكالة ما تستقبل اي سيارة للأنها خـلاص بتكون عندهم اجازة
لين 5 اكتوبر
وصيانة 5 آلاف 350 ريال وتاخذ ساعات قليلة ;)
السلام عليكم مساء الخير للجميعانا وصلت من الديره وحاليا في الوكالة وداخل من كمبيوترهم اول ماوصلت حصلت زحمه كانهم بيوزعون سيارات جديدة اذا الموجود لايقل عن 50 سياره للصيانه والله يعين ع الزحمة < شايل هم
^^^
الله يساعدك :(