سوالفxسواليف.اسدح سالفتك هنيتا..

**أبو الريش** · 22-10-2008, 05:33 PM

هههههههه
بصراحة المصارعة رايح في عين امها :d
------
أبو الإس وراك منقهر من الفيزكس

يا رجال ريح بالك وشيل الهـم
دام ان في اخترع اسمو براشيم:p

يشيخ هذول يعطوك ثقة ما بعدها ثقه :d<---ناوي عليك:p
ولا تشيل هم

**The Godfather** · 22-10-2008, 05:35 PM

^^^
وش رايك باللي دخل امتحان كيمياء عضويه و هبب لين قال آمين و طلع و دخن سيجار كوبي ماركة روميو جوليييييتي درجة اولى بعد و قعد ينفخ بالممر لين صار الممر كأنه قهوه صعايده وقت مباراة الاهلي و الزمالك !!

هع .. يعني الحال من بعضه :d

**LikE.nO.oThER** · 22-10-2008, 07:54 PM

عطيني فايده وحده من انهم يحطو امتحانات صعبه !! ؟؟

لك والله لو كنت على المسنجر لقلتلكم الجمله المعتااده .. بس هنا احترم القانون

امتحان 5 اوراق ب40 دقيقه !! بإي دوله يطبق هذا القانون !!
امتحان ماله دخل بالماده بنص ساعه ؟

شي بيهوييي صااير التعلييم ..!!

>> يفرغ الي بقلبه !! :(:o

ابو الرووش ..
مافي فايده من البراشيم يا طويل العمر !! ترااني معبي جيووبي منها
لانه الامتحاان ماتعرف من وين يجيبلك امها للأسأله .. صدقني يفلك حول السؤال ويترك المغزا الي يفهمك اياه !!

**أبو الريش** · 23-10-2008, 04:37 AM

اعطيك حل كويس

بس مو الحـين

;)

**الشمــــالـــي** · 24-10-2008, 12:04 AM

باركــــولــــي

مشــاركتــي

الـ 800 :d

**The Godfather** · 24-10-2008, 12:08 AM

مبرووووووووك

:d:d:d:d
عقبال الـ 8000

**الشمــــالـــي** · 24-10-2008, 12:19 AM

الله يبارك فيك

وان شاءالله 80000 مشاركة

**أبو الريش** · 24-10-2008, 03:54 AM

توني راجع البيت :(
بعد خيبة امل باتت على وجهي :(
من قوميتن و كنت فيهم فاشل بمعنى الكلمة :(
بكره يمكن تنفتح النفس و نخبركم بالي صار للأن الحـين حاليا مالي نفس بالممره :(

**The Godfather** · 24-10-2008, 04:01 AM

^^^
روووقها .. ترا الحياة سعيدة !!
انا اليوم لو ان صاير فيني بعد شي زياده على اللي صار .. كان شفتني انجنيت و لا انتحرت و لا شي من هالقبيل

صارت لي بلاوي واحد امصخ من اللي قبله !!
و سااكت و لا قايل و لا كلمه !!

---------------------
سامعين عن الحرامي اللي يدق الباب و يقول ( انا سارق منكم قبل كم شهر .. بس انتو ما دريتو !! )
هاذي السالفه صارت عندنا في بيتنا اليوم
داقين الباب علينا يقولون لنا سرقانكم .. تعالو حاسبونا !!!

اقول لكم السالفه بالتفصيل بكرا لما افضى :d (( مييير اعلقكم ))

**أبو الريش** · 24-10-2008, 04:06 AM

والله هذول مدري كيف

نتظر السالفة غدا ;)

وانا كمان بسدح السوالف بكره للأني الحـينه متضايق لدرجة مدري كيف

تصبح على خير عقيلينهو

**اكوردي 2004** · 24-10-2008, 04:06 PM

اللهم لك الحمد كله...
اللهم لك الشكر والفضل كله..
الحمد لله أمطار غزيرة هطلت منذ ظهر هذا اليوم حتى كتابة هذا الرد

الحمد لله على نعمة الغيث .. فسبحااان الله ترتاح النفوس لرؤيتها

مطرنا بفضل الله ورحمته..

اللهم صيباً نافعا

**فقير الحظ** · 24-10-2008, 04:30 PM

^^^^^^^^^

يون الامطار..؟

**abu khaled** · 24-10-2008, 04:50 PM

^^^^
الأمطار في القصيم

الله يرزقنا

**just ACCORD** · 24-10-2008, 04:54 PM

^^^
اي صحيح وين !!

امس نقطت كم نقطه وبعدين خلاص بس امس الجو يوم الخميس مره رهيب الظهر غيوم وحركات وناصه :d

**The Godfather** · 24-10-2008, 05:27 PM

^^^^^
عندنا بالكويت صار له يومين .. الصبح يكون غييييم و يمطر شويه .. و اول ما تحمى الشمس على الساعه 8 .. يختفي الغيم و يرجع يطلع على وقت المغرب ( اللحين السما كلها غيم )

صور صباحيه من سماء الكويت ( جميع الصور التقطت صباح اليوم )

**amer09** · 24-10-2008, 07:46 PM

السلام عليكم

كيف الحال ياشباب
حبيت اقولكم اني غيرت اسمي من

سكر ماالح
الى
amer09

**The Godfather** · 24-10-2008, 08:43 PM

خبر عااااجل :
الفيفا يعلق جميع نشاطات الكره الكويتيه الخارجيه بعد انتهاء المهله المعطاة لتعديل قانون الانتخاب للاتحاد الكويتي لصبح من 14 عضو حسب القانون الكويتي لـ 5 اعضاء حسب قانون الفيفا الدولي

------------------------
مبروك للانديه سعوديه التأهل في خليجي 24 للانديه .. بعد تعليق نشاطات الكويت حيث يعتبر بمثابة انسحاب لنادي القادسيه الكويتي و نادي الكويت الكويتي و نادي العربي الكويتي
(( لي غاب القط .. العب يا فار ))
------------------------
مبروك للهلال اليمني و الهلال السوداني بعد سحب نادي الكويت الكويتي و نادي العربي الكويتي

--------------------------

مبروك "" لك "" ياللي ما رضيت تخلي المنصب و سويت البلاوي و خليت الفيفا يعلق نشاط الكويت

اللحين شنو اللي يفكك من الشعب الكويتي

--------------------------
و هذا و يعتر هذا الايقاف الثاني من الفيفا الدولي لنشاطات الكويت بعد الايقاف الاول الذي حصل في اكتوبر الماضي ... في سنة 2007 ..
و كما هو معروف بأن الايقاف الثالث سوف يكون بالشطب النهائي لجميع نشاطات الكويت الخارجيه الكرويه
"" الله يستر علينا ""

---------------------------
قرار الايقاف يشمل جميع المشاركات الدوليه الخارجيه الكويتيه ... ممثله بالنوادي و المنتخب و الحكام ايضا
جميع اللاعبين الخارجيين اللي يلعبون في نوادي الكويت راح يرجعون لبلادهم
جميع الحكام الكويتيين المشاركين بالخارج راح يرجعون الكويت و يتم ايقاف مشاركتهم
----------------------------

خليجي 19 راح يكون بدون الكويت ....

اللعب راح يكون بين عمان و الاماارات و السعوديه و البحرين و قطر فقط !!

-------------------------

:(:(:(:(:(:(:(

**@اكورد وبس@** · 24-10-2008, 08:48 PM

السلام عليكم

كيف حالكم مع الاجواء الحلوووه

**abu khaled** · 24-10-2008, 11:51 PM

**اكوردي 2004** · 24-10-2008, 11:59 PM

ا
للهم لك الحمد..
اللهم صيباً نافعا..
اللهم حوالينا ولا علينا..

ياااالبيه ياالهلي:d

أسأل الله أن يجعلها أمطار خير وبركة.. وأن يغيث بقية بلادنا..
ولله الحمد لاتزال الأمطار حتى هذه اللحظة
-القصيم- بريدة

**فقير الحظ** · 25-10-2008, 12:08 AM

^^^^^^^^^^

متأكد هذي الصور السنه هذي >> اخاف يطلع مقلب مثل ممو ترا تعقدت هههههههههه

والله الشرقيه مافيها الا الرطوبه اعوذ بالله

**أبو الريش** · 25-10-2008, 01:16 AM

ما شاء الله
هذا من فضل ربي

**Jack** · 25-10-2008, 08:37 AM

ما شاء الله

**أبو الريش** · 25-10-2008, 07:23 PM

اخــبارهم الشـباب ؟؟؟!!

**Jack** · 25-10-2008, 10:06 PM

تمام والحمد لله
اليوم جت عندنا أمطار خفيفه اللهم زد وبارك

الموضوع: سوالفxسواليف.اسدح سالفتك هنيتا..

أدوات الموضوع

عرض

المواضيع المتشابهه

والله ودي اصيح

اسدح صور هوندا اكورد هنآآآآ لو سمحت

مواقع النشر (المفضلة)

مواقع النشر (المفضلة)

ضوابط المشاركة