الموضوع: سوالفxسواليف.اسدح سالفتك هنيتا..

شبآب عطوني رقم آو تحويلآت قطع الغيار الي في فرع خريص . ؟

شركة عبدالله هاشم المحدوده فرع خريص ت:4454646

سلام عليكم
شباب انا من يوم شريت السيارة وعندي مشكلة بالمسجل فياليت اللي يعرف محل مضبوط بالرياض ويفضل يكون بشرق الرياض

^
مالك الا الحوشــاني . .

أقول أنت ويآه , وش صار على الجنوط إلي أبيهآ؟.


يلآ دبروهآ لي , بلآ وظآيف بلآ خرآبيط, هي وحده من الثنتين يآتدبرون الجنوط ولآ نآمو أصرف لكم

< بينشآت من الموقع مافيهآ كلآم:d

شوفو بس الصورة يآهي عذاب ومقطعه قلوب الظبآن :o




هيك الطله ولآ بلآ

^^^^^^^^^^

انا اشهد انها عذاااااااااااب

الجنوط هذولي عندي إذا مليت منها أعطيك إياها يا طلال كم طلال عندنا بس يوم واحد بس :d

دعابة دعابة
:d

يا ليتها عندي صراحة حلوة يكفي أنها من الوكالة

وبالنسبة للؤظائف الله يرزق الجميع و أولهم أنا :(

ن ع ر السعودية 0005 ـ أحرجتآني :o
accord790 أي والله وقسم أنها تطرب :d

ن ع ر السعودية 0005
بسألك , الحين دخلت على موقع يبيع الجنوط هذه والحس مخي من حآجتين

أول لحسة مخ : فيه سعرين للجنط للوآحد بس , الأول رخيص والثآني أغلى شوي , وش الفرق ؟
ثآني لحسة مخ : الي بالموقع يبيع أصليه ؟ ووش صنآعتهآ .؟

شوف الصورة تحت عشآن توضح لك الفكره

صح نسيت , الله يوفقك ويوفق الجميع بوظآئف

بالنسبة لوظائف بنده اليوم انا رايح خلاص فل وظائف الشباب الصيفية ... روحوا مكتب العمل يقولون

ثاني شي الجنوط اتوقع اتوقع (مو أكيد ) أن وحدة منهم كروم والثانية مدري وشو المهم مو كروم

فيه لحسه مخ , أفيدونا ياشبيبه

أدري حسيت بمعآنآتي :d تفـضـل يآخلفـهـم , أظغـط هنـا

لحس مخي الرابط الي حطيته يآ أكوردآوي :d , مافيه الا جنط شفاف ومعاه كم قطعه مدري وش هي بالظبط

طيب شسمه لو ابي أطلبهآ , وش أضمن موقع أطلب منه وبكم تطلع لي الاجمآلي

يلا روحو ناموا احد يسهر على جنوط :d

انا اللي مسهرني الاتصالات حسبي الله عليهم زرفوني مافعلو خدمة البلاك بيري فعلو خدمة الانترنت

شكل نظامهم فيه نوم وقام يخبط

الفرق بين الجنطين ... الرخيص ستوك بدون اي اضافات ... والغالي مطلي بالكروم ... وكلهن جديدات

أفادك كوكو2008 يا طلال وأنا أشوف أنك تخليها على جنوط الوكالة أفضل من أنك تخسر روحك لأنها راح تطلع غالية وغير سعر شحنها إلى السعودية وهم يأخذون على الوزن وراح تكلف عليك كثر وهذا رائيي .

ياليل ازعجنا هذا هو وجنوطه ..:d

اليوم صار لي موقف على طريق مكه ..

الى الان وانا احمد ربي :(

ماشي 160 واكبس لراعي فورد قدام .. وهو اللي يدعس وانا ادعس الا اطلع عليه

وهو الا مايخليني اطلع ..

واجي ويفتح لي مسار بسيط لسيارة والصبات على يساري مابيني وبينا الا شبر او شبرين

وبين وبين الفورد مثلها شبر او شبرين ..

شوي الا دوووب ويحك وتصفق المرايات حقتي بحقته وتتصفط ..

حذف علي ابن الذينا

يوم تعديته الا صوت طق طق طق على الجنب ..

ياهوهـ لا يكون راح الجنب حقي

واصفط يمين ويصفط وراي ..

ياخوي شفيك الا ماتخليني اطلع !!!

قال لا والله بس فحماتي تعبانه وماابي اهدي واتوهق ..

قلا لا تهدي عطني مسار .. بس والمسار الايمن ماعندك احد ليش تحذف علي ..

والله مافيه ومدري ايش شوي اروح للجنب حقي اناظر فيه

صار وجهي :d

زيق راعي الفورد متعلق مع فتحت الباب اللي قدام بين الباب والرفرفر

واقعد اسحب فيه اسحب فيه بالقوة وبالسياسة طلع :d

الموهيم قسم حمدت ربي جنبي ماجاهـ شي بس مشوخ لمعتها وراحت ..

فقط الاطراف حقت الابواب تقشرت البوية على قد اصبعي ..

واناظر جنب راعي الفور الا الزيق بس طايح ..

والباب الخلفي فيه طقات

الحست قلت هذي مني والا من قبل صادم ابو اشباب وعلى باله انا اللي صدمته

منا منا قال الموتر مو لي لخوي لو لي كان مشيتك ..

قلت تمشيني والا ماتمشيني الغلط عليك :d

قمط قال دقيقه ادق على اخوي .. ويرسل كولمي على كم واحد ..

قلت امسيك جوالي دق وخلني امشي وراي كم شغله ..

والدعوة ماتستاهل ومسامحك ..

ويدق ويحصل اخوه نايم ..

قلت هذا رقمي اذا قال شي دق علي ..

قال زين .. وامشي ..

وعليها الى الان مادق ..
:d

^
الحمدلله على السلامه ..

ولو انه حشرك على الصبه وانت تمشي 160 كان ماعاد فيه مجودي الحين ..

التهور ماينفع هالايام كاثرين الخبع .. خصوصا راعين الفوردات .. :d
..
والحمدلله عالسلام . .

الله يسلمك خبعه

من جد حقون الفورد زبايل ..

ولي مواقف كثيره معهم ..

بس الحمدالله عدت على خير ..