سوالفxسواليف.اسدح سالفتك هنيتا..

**اتحادي** · 13-01-2011, 06:34 PM

والله مصيبه من سوريا و الاردن

هذه الفرق كانت استراحه للمنتخب

بس العالم بتتطور في الرياضه

و احنا بنرجع و السبب اكيد انه المدرب :d :p

**أكورداوي** · 14-01-2011, 07:48 PM

باب الحاره فاز علينا ومشيناها ..

أما طيور الجنه يفوزون !! قوييييه :d

صوره ترفع الضغط

يعني الي طاق مشوار من الشرقيه ولا من الرياض ولا من قلعة وادرين ويوم وصل مالقى تذكره وش يسوي ؟

وليش نصف الملعب فاضي ومافيه تذاكر ؟

حمد .. موزه

عليكم مراجعة حساباتكم قبل 2022 :d

**abu khaled** · 14-01-2011, 10:07 PM

اما خلصت ... اجل كراسينا محجوزه هاه :d

اهم شيء لعبت فورملا مدري سيارات تصادم :d

**Y.k.A** · 14-01-2011, 10:30 PM

دولة غير مؤووووووهلة لاستضافة كاس العالم حت لو عطوها تنظيم كاس العالم 3022 :p

لا جماهير لا تنظيم لا اسعار كويسة للشقق لا ..... اححح وجعتني يد من كثرها

**أكورداوي** · 14-01-2011, 10:56 PM

أبوخالد ,, أنا اشتريت التذاكر قبلها بيومين عن طريق الموقع على النت وحتى شقيت ام الصفوف الي تشوفها بالصوره عشان اطبع التذكره الأصليه وتشوف العالم تناظر فيني منقهررره ودها تسرقها مني .. أما الفورملا فكنت ناوي بس تذكرت ان توني جاي من الرياض فقلت خلاص انطحن الحب الي براسي في الدايري :p
أقول أسأل خويكم عن محلها بالضبط عشان نروح لها انا وياك ;)

Y.K.A

اذا كنت حاضر المباراه فأكيد شفت الخلل الي صار .. جمهور السعوديه يدخلون من بوابات الاردن ويمرون على جمهور الاردن لدرجة ان نصف السعوديين حلفوا ان يجلسون معهم ويشجعون الاردن يوم شافوا النشميات :d وفي المقابل بعض جمهور الاردن دخلوا من بوابات الجمهور السعودي ودخلوا بينهم وراحت عليهم غلطه لأنك تعرف الشاب السعودي مهذب ولا يستهبل أبدا خصوصا لاصارت نشميه مو نشمي :d

بس على كل حال .. يوم اتذكر ملاعبنا .. رجال الامن عندنا .. شاشة الملعب .. التصوير .. الكراسي .. أقول يستاهلون أهل قطر وان شاء الله انهم قدها وقدود

**مايكل بن محماس المالكي** · 15-01-2011, 12:26 AM

يا شباب لا تتحطمون واجد عاد المنتخب يبيله تغيير خطه او خطتين بالكثير من الخطط المدروسه ويرجع أقوى من أسبانيا :d

**King** · 15-01-2011, 02:18 AM

واحد من الشباب قابلته وشفته متحطم وحالته صعبه. :d

المهم قلت له وش فيك وش إلي مضيق صدرك, قالي المباراة فاشله واللاعبين جالسين يتمشون بالملعب بينما الفريق الآخر يهزمه, انا وقتها فقعت
ضضضضحك << لحد يلومه

واحس المباراة الجايه راح ننجلد من اليابان مدري وش!, راح يلعبون فينا كاراتيه.

**فقير الحظ** · 15-01-2011, 03:07 AM

السلام عليكم

اخبار الشبيبه

شباب من الي يعرف هالابتوب كم سعره بالسعوديه

وش الفرق بين i7 و i6 ??

**meshoo** · 15-01-2011, 03:31 AM

المشاركة الأصلية كتبت بواسطة فقير الحظ

السلام عليكم

اخبار الشبيبه

شباب من الي يعرف هالابتوب كم سعره بالسعوديه

وش الفرق بين i7 و i6 ??

وعليكم السلام

الحمد لله تمام

مافي i6 يالؤي :d

جيب لي رقم موديله وابشر اشوفه لك

**King** · 15-01-2011, 03:35 AM

هلا هلا بالغلا, وينك وين ايامك, فقدناك صراحه.

لدرجة اني إلى الآن سهران عشانك << ايه هين :d

(ثواني اشوف سعره بالنت)

وإذا تبي رأيي لا تاخذ شيء من هناك خصوصا ً لاب توب لأن فيه اشياء كثيرة راح تنقصك!. (اشرح لك بعدين)

**AL_ADMIRAL** · 15-01-2011, 03:35 AM

فقير الحظ
أول مره أسمع بـ i6
O_o
هو في i3 . i5 , i7
وطبعا كل مازاد الرقم كان المعالج أفضل وله تصنيف معين
يعني مثلا يقلك i7 يصلح لتعديل مقاطع الفديو , و للألعاب ...
و i3 زين أنه يكلم مكالمة فديو بسكايب ههههه
طبعا هذي تأليف من عندي بس ممكن تكون قريبه للحقيقه
شوف أنت موقع أنتل أن شاء الله تلاقي التفاصيل
ولا صح مايحتاج , أذكر جرير كانت تعمل صفحه عن توضيح كيفية أختيار المعالج المناسب
شوفلك أقرب مجلة جرير أن شاء الله حطين هالـ آيات (^_^)

**King** · 15-01-2011, 03:46 AM

الموديلات إلي ذكرتها مش موجوده انتم متطورين اكثر مننا :d

هذه صفحة مكتبة جرير وفيها جميع موديلات لابتوبات سوني

http://www.jarirbookstore.com/catalog/sony.asp

**meshoo** · 15-01-2011, 04:00 AM

المشاركة الأصلية كتبت بواسطة King

الموديلات إلي ذكرتها مش موجوده انتم متطورين اكثر مننا :d

هذه صفحة مكتبة جرير وفيها جميع موديلات لابتوبات سوني

http://www.jarirbookstore.com/catalog/sony.asp

خل جرير الوكيل بكبره مو جايب هالجهاز لان اول مره اشوف سوني 15.6 بس ممكن انه موديل جديد

ع العموم في كذا محل يطلبها من برا ويطبع عليها كيبورد عربي بالليزر ويبيع وماشي حالها بدون مشاكل وزيها زي الي عند الوكيل

بالنسبه لفلسفة المعالجات الصراحه اشوف مامنها فائده اذا بيكون عليها نظام ويندوز بشكل عام

انا عندي i5 وصراحه ماحس انه ذاك الشي الخطير !!

شوف لك ماك برو اصرف لك

**فقير الحظ** · 15-01-2011, 04:00 AM

هلا والله كنق الله يسلمك ان شاء الله

توني راجع من محل كبير مثل اكسترا فيه كل شي الكتروني الزبده

عاد شفت هالابتوب فيه 8 معالجات واخوي كان شاري مثله عجبني صراحه وسعره مره معقول ب 1150 دولار وضمان دولي سنه

اما اللابتوبات العاديه i3 على 500 دولار او 600

لقيت شاشات ثري دي شي عجيب ماقد شفتها بالسعوديه

واسعارها رخيصه مره

الي يبي اشتريله يحولي فلوس بس هههههههههه

واطلق شي هنا المطاعم والله كرهت مطاعم السعوديه

يعني تخيل تدخل على موقع دومينوز بيتزا تظبط لك بيتزا وتدفع بالنت ويجيك البيت ب 20 دقيقه

هذي تنفع للي ماله خلق يتحرك هههههههه

الزبده مابي ارجع:d

**King** · 15-01-2011, 04:41 AM

اقول فقيروه روق المنجا :d

ولاتقهرنا ترى احنا عايشين بنعمة ماتقدر بثمن!! :p

وبخصوص اللاب توب إذا كان اخوك يمدحه وانت عاجبك خذه وتوكل على الله, لأنك تبي تتحسف بعد ماترجع على انك ماشريت اللاب. :d

عموما ً إذا حصل لك تشوف ماركة غير سوني انا اوفقك الرأي, شوف مثلا Dell او Toshiba فيهم مواصفات حلوه وبيني وبينك اشوف السوني حساس جدا ً, لأني جربته وحسيت انه مدري شلون. << حرية رأي !

**اكوردياني** · 15-01-2011, 06:55 AM

عآآآآآآآآآآآآجل ...
سلطان بن فهد ينفي خبر الإقالة جملة وتفصيلا ويقول لكم من بربر عليكم بهذا الكلام الفاضي .. الكلام هذا غير صحيح اطلاقا .. هذا الكلام مرفوض ثم مرمور ثم مرفوض احنا عندنا خطط علمية مدروسه مـتأنيه حتى عام 2022 .. عليكم بضبط النفس والنقد الاسلامي والتحلي بالأخلاق السعودية أنا الآن ارسلت نواف للبرازيل ما ادري وصل او مابعد ما وصل ارسلته هناك ليتطلع على البرامج والخطط هناك وسنقوم بعمل اكاديميات في الرياض وجده والدمام .. انتو ما تقدرون العمل بتاتا .. احنا نعمل لكم يامسلمين .. عطني خالد المطرفي (:

**مايكل بن محماس المالكي** · 15-01-2011, 12:48 PM

أكوردياني هههههههههههههههههههههههههه والله صحيح ناس ما تقدر التعب والجهد المبذول من ابو خطط مدروسه

المهم يا فقير الحظ الجهاز حقك قبل سنه ونص شاريه انا بـ 4500 ريال وقبل تقريبا ست شهور نزلت ولقيته بـ 4000 ريال الحين ما ادري بس اعتقد وصل 3500.

**AHN** · 15-01-2011, 02:00 PM

فقيروا ..,

وشسمه بوه محل اهناك اسمه best buy

داايم يطلع لك عروض كل جمعه .

اغتنم الفرصه :d

**AL_ADMIRAL** · 15-01-2011, 02:25 PM

المشاركة الأصلية كتبت بواسطة AHN

فقيروا ..,

وشسمه بوه محل اهناك اسمه best buy

داايم يطلع لك عروض كل جمعه .

اغتنم الفرصه :d

الله ياخذه هالمحل
ممكن صح عنده عروض بس خدمته في النت زفت
مكنسلي جهاز Nexus S قبل ثلاث أسابيع ومعلق المبلغ شهر
وخدمة العملاء جدا رديئه , شي يردو عليك بعد أكثر من 30 ساعه ×_×

وواحد بعد من أخويائي طلب الجهاز 4 مرات وكلهم أتنكنسلو ×_×
ولي مو مصدق يشوف تعليقات الزباين في قوقل
Seller reviews

المحل تبي تشتري منه روحله برجولك
غير كذا لاتفكر تاخذ منه شي على النت <<< عشان لايرتفع عندك الضغط والسكر ههههه

**Mr.Goldy** · 15-01-2011, 02:05 PM

محل وشو طيب ...؟

**أكورداوي** · 15-01-2011, 06:12 PM

عاجل :

إقالة الامير سلطان بن فهد من منصبه بناء على طلبه وتعيين الأمير نواف بن فيصل رئيسا للأتحاد .

في اعتقادي :

أول قرار راح يصدره الأمير نواف هو ترشيح الأمير سلطان لمنصب نائب الرئيس :d

**abu khaled** · 15-01-2011, 06:16 PM

^^^
توي بنزل الرابط وسبقتن :d

http://alweeam.com/2011/01/15/عاجل-إقالة-الأمير-سلطان-بن-فهد-رسميا//

بأمر ملكي
إعفاء الأمير سلطان بن فهد من منصبه ونواف بن فيصل بديلاً له

الرياض - الوئام :
صدر اليوم أمر ملكي يقضي بإعفاء الأمير سلطان بن فهد بن عبدالعزيز الرئيس العام لرعاية الشباب من منصبه. وتعيين الأمير نواف بن فيصل بن فهد بن عبدالعزيز رئيساً عاما لرعاية الشباب بمرتبة وزير.
فيما يلي نص البيان:
بسم الله الرحمن الرحيم
الرقم أ / 1
التاريخ 11 / 2 / 1432هـ
بعون الله تعالى
نحن عبدالله بن عبدالعزيز آل سعود
ملك المملكة العربية السعودية
بعد الاطلاع على المادة الثامنة والخمسين من النظام الأساسي للحكم الصادر بالأمر الملكي رقم أ/90 بتاريخ 27/8/1412هـ.
وبعد الاطلاع على نظام الوزراء ونواب الوزراء وموظفي المرتبة الممتازة الصادر بالمرسوم الملكي رقم م/10 بتاريخ 18/3/1391هـ .
وبعد الاطلاع على الأمر الملكي رقم أ/14 بتاريخ 3/3/1414هـ .
أمرنا بما هو آت :
أولاً : يعفى الأمير سلطان بن فهد بن عبدالعزيز الرئيس العام لرعاية الشباب من منصبه بناءً على طلبه .
ثانياً : يعين الأمير نواف بن فيصل بن فهد بن عبدالعزيز رئيساً عاما لرعاية الشباب بمرتبة وزير.
ثالثا : يبلغ أمرنا هذا للجهات المختصة لاعتماده وتنفيذه .
عبدالله بن عبدالعزيز
وكانت مصادر الوئام أشارت إلى أن توجيهات عاجلة صدرت للأمير سلطان بن فهد بمغادرة الدوحة والعودة للرياض إنتظارا لبعض لقرار قوي وحاسم سيصدر في الساعات المقبلة ,بشأن تغييرات كبيرة ستطال عدد من المسؤولين في اتحاد الكرة .

أهم شيء بناء على طلبه

**AHN** · 15-01-2011, 06:38 PM

عبوتي

هذا سلمك الله ., محل يبيع أجهزه ., بامريكا .,

الادمار < ماقريت اسمك صح .

والله سلمك الله قد شرينا منه جهاز (ملاحه) و غيرناه 4 مراات .,
من شركه لشركه ثانيه ., ولا بعد يدفعون الفرق هم .,!

بالاخير .,
ابارك للشعب النصراوي ., خروج المتعصب سلطان بن فهد