هلا والله بالزقرت ...
مجوودي بالنسبة للمحل في اكثر من نقطة لازم تنتبه لها قبل تخش التجاره مدرعم ....
طبعا كلنا نعرف ان ثلثين الرزق بالتجار ...
اول شئ الاستخاره ثم الاستشاره من اصحاب الخبره ...
ثانياً انك تحدد نشاط المحل .. يعني مو تفتح لك محل تبع كلوو شغل مصاريه " طباخ وجزار وطبيب بشري وبيطيري وحلاق ومغسله وادوات كهربائية ,...... إلخ ..
ثالثاً الفئة المستهدفه لبضاعتك ... هل هي للشباب " محلات زينه والا ملابس رجاليه والا ملابس رياضيه والا حلاق "
او فئة النساء "محلات اكسسوارات والا ملابس نسائية "
رابعاً المكان وهذي اهم نقطة حتى لو كانت عندك فكره ممتازه وقوية مااح تضبط بدون ماتحدد المكان المناسب ... شف اللي مهو موجود حولك زيه وخلك متميز .... وشف الشارع اللي حركته كثيرة .. وفي متقبل لبضاعتك فيها ...
خامساً رآس مال معقول ... وحاول ماتدخل شراكة مع احد .. كثرت الطباخين تخرب الطبخه .. صعب جدا تتفقون على شئ معين ... وعلى قولتهم الفلوس تخرب النفوس ... مهما كانت علاقتك بالشريك قوية .. اخوان من لحم ودم تذابحو على وصخ دنيا
سادساً توقع وحط في بالك انك بتخسر في البدايه .. مهو من اول يوم تقول بدخل ذهب ..!! ماتجي بالعقل اصلاً
وخلك مجتهد ومقابل حلالك .... مهو تفتح المحل وتصكه على كيفك .... لازم تداري دراهمك ...
سابعاً سو لنفسك خطة تجارية ... بسيطة يعني ماتسوي كل شئ دفعه وحده .. حبة حبة ... وشف احتياج الناس وجبه لمحلك ...
هذا اللي حضرني يالغالي حالياً ... واخر شئ احب اقوله ... اي شئ فيه حريم مارح يخسر .. هن يادفع البلاء يقشن الاخضر واليابس .. يعني لو تفتح محل اكسسوارات نسائية وتجيب حركات جديدة جوك لهن دبيك " كالخيل عندما تطلق كراعينها للسباق "
وموفق خير يالغالي والله يرزقك ويرزقنا الرزق الحلال الزلال