محد حط آرو Aero و لا حد حط تايم اوت .... و لا حد حط كندر ابو اصابع و لا كندر سبرايز ..
اذا تبون اسوي لكم قااااااائمة .... لاني مدمن كاكاو ( شكولاطه)
طيب عندي لكم سالفه تشغلكم كم يوم بغيابي اللي يبدي من اليوم و ينتهي ب 12 من الشهر ( الميلادي )
السالفه تقول :
كلنا طلاب و او كنا طلاب صحيح ؟ <<< ينتظر جواب مع راسه
ايام الامتحانات ... الطلاب يعملون كل ما بوسعهم علشان ما يدرسون
يعني ... انا لما اوصل لامتحانات فاينل ... لازم ازيد 2 - 4 كيلو .... و خلال اسبوع او اثنين
يعني انشغل بالاكل ....
و انشغل بحاجه ثانيه .... اسمها الكمبيوتر :d
تخيلو يا شباب .... رتبت الكمبيوتر و صنفت ملفاته بساعه .... و انا احاول ارتبها من شهر 8 اللي فات و لا قادر
صرت اعرف اشياء خياليه ببعض البرامج .....
من الفظاوه .... اخذت صوره و قلبتها وردي <<<< كب العفش :d الزراديه بتقص راسي اللحين :d
بالمقابل .... ولد خالي .. يمر بنفس الازمه
اكتشفت انه تعلم شلون يفتح قفول الباب و القفول العاديه بسيم صغير ( ناوي اتعلمها منه قريب )
ولد خالي الثاني .... يدرس هندسه ميكانيكيه .... فك مكينة سيارتهم القديمه اللي موقفينها قدام البيت من سنين .. و نظفها و رجع ركبها .. و اشتغلت معاه السياره .... بعد ما كان خالي يقوله : ( شوف لك حل مع السياره اللي قدام البيت من سنين .. يا انك تبيعها و لا تصلحها)
و سبحان الله ... ما صلحها الا بوقت الامتحانات
و طبعا ... ولد عمي متصل علي فرحان ... يقول انه خلص لعبة call of duty 4 على البليستيشن 3.... مع العلم انه شراها من اسبوع
يعني محد له خلق يدرس ...
طبعا لسنا مهملين .... فنحن ندرس .. و لكن بالوقت الضايع ..... يعني تلاقي ما تحلى الدراسه الا قبل الامتحان بـ 12 او 18 ساعه
السالفه اللي تطرح نفسها :
ماذا كنت تفعل بوقت الامتحانات ... سواء انك تدرس اللحين و لا انك درست و خلصت
ملاحظه بسيطه لاحظتها :
ليش المسجد اللي بالحاره .. ما يصير متروس طلبه الا وقت الامتحانات
يعني- استغفر الله - ما قدر يلقى وقت بالايام العاديه علشان يجي يصلي ؟ و لا انه فاضي بوقت الامتحانات .. و علشان ما يدرس يجي يصلي ؟
لما تسألهم غريبه جايين تصلون معانا .. وينكم من زمان ... يجيك الرد : " نخاف الله ما يوفقنا بالامتحانات .. و نجي نصلي الصلاة بوقتها و جماعه علشان يوفقنا "
دامك تخاف ان الله ما يوفقك بالامتحانات .... ليش ما تخاف الله ما يوفقك بحياتك ؟
(و مييييييييييييييييييييير فتحت باب سوالف عليكم )
بس بغيت اسألكم .... شنو يعني" مير " ؟ .... بصراحه احببت وقع هذه الكلمة على الجمل اللي اكتبها
و خصوصا اذا صارت جذي :
" ومييييييييييييييير امغط وجهه " .... و " و ميييييييييييييييييييييير احبك "
مدري ليش احس انها تساوي كلمة " برشا " بالمغربي
" و برشا نكسرو عظمة وجهو " <<<<< احاول اكتب مغربي بس ما ضبطت كثير
و انا برشا برشا بحبكم
رد مع اقتباس
مواقع النشر (المفضلة)