خير إن شاء الله وش فيك انت وياه
ليه مو عاجبكم النظام يا حضرات يا بهوات يا افنديه
تبون مخالفة السرعة 10 ريال وقطع إشارة 50 ريال وبعض الاشارات عليها نخفيض 20% لا قولوا صح بعد قولو نبي مخالفه بدون دفع فلوس تصدقون عاد ما باقي إلا هي
انت وياه إذا مارفعوا قيمة المخالفة ما يردكم شي ذاك اليوم رايح مع واحد من العيال ويوم شفت الرادار قلت له هد السرعه قال يا رجال ماعليك كلها 150 ريال
تبي تعرف وش نتيجة قطع الإشارة يا بابا خل باقي المخالفات تقعد على جنب ياللي يقول التأمين وما ادري وش بعد :
بعظكم يعرف سالفة الجمس بتاعي ابد كان يوم يرشرش مطر وأحلى جو وكانت الاشاره خضرا وعبرتها وانا امشي تقريباً 80 ما دريت إلا بهالكامري قاطع الاشارة واصدمه على البيبان بما إن الجمس قوي البدي حقة النتيجة كالتالي:
1- حولت الكامري إلى كومه من الحديد يعني بالعربي ( تشليح )
2- انا راحت الوجهيه والرفرف الايمن.
تكلف سيارتي 37ألف ريال (فقط قيمة القطع) وشغل يد حدود 6إلى 8 الاف رحت للتأمين وقعدو يماطلون فيني شهرين وشوي وبعدها رفعت قضيةضدهم واخذت دراهمي يعني بعد ما جلست بدون سياره شهرين ولو إني عطيتهم وجه ولا من الناس المساكين كان اكلو حقي وزرفوني
قال تأمين ,,,, تأمين طل تأمين في المشمش
والله ودي أن المخالفات من ألف ريال وطالع عشان يتأدبون الشعب المنسم
روح شوف البشر اللي تسوق مثل الأوادم برى وأقربهم الامارات وتعرف ليه رفعو المخالفات
اركدو الله يصلحكم الواحد يسوق الاكورد على باله بي ام ولا اودي داعس ميتين ومسوي بطل وكله حفيره (تصغير حفره:d) ولا زحفة بسيطة ويروح شربه ويتنتف تنتيف
ولا تصيرون قيتش تقولون مع ارتفاع الاسعار واللبن رفعو المخالفات
ترى ما يقولها عاقل خلو عنكم الهستره
ادري اني طولت عليكم لكن اعذروني من كثر شوقي لكم كتبت حتى تعبت;)
رد مع اقتباس
مواقع النشر (المفضلة)