بسم الله الرحمن الرحيم
هادي محادثة بسيطة بالهجة الحجازية
ان شاء الله تعجبكم
@@@@@@@@@@@@@@@@@
عباس ابو صدقة/ألووو يواد ياكرويته
حسن كرويته/هلا ابو صدقة كيفك ياهوو
عباس ابو صدقة/ انا بخير انتا كيفك وكيف العيال وام العيال
حسن كرويته/ انا الحمد لله ماشي الحال بس العيال جابولي القلق همو وامهم الوليه الي ماتتكتم
يكشبحالها بالعه مسجل ماتسكت وتتكتم ابدا
عباس ابو صدقة/روح صفقهم يابويا ايش رائيك
حسن كرويته/يابن الحلال الوليه دي الي هيا اختك زي المرض قاعدتلي
عباس ابو صدقة/والله صادق مشي حالك...على العموم انا رايح القهوة بالتحديد في الدكة حقتنا الي عند الكر تجي معايا يقولو في اليوم جلسة طرب والعيال محضرين واحد يغني لطلال الله يرحمه
حسن كرويته/يجي ادب يابو صدقة..والله المنجا عندي يبغالها ترويق
عباس ابو صدقة/هههههه مايبغالها غير باعشن ياصاحبي
حسن كرويته/ خلاص بعد نص ساعه امرك ولا ايش رائيك يابو صدقه
عباس ابوصدقة/لا يابويا كل واحد يروح بسيارته احسن
حسن كرويته/طيب خلاص يابو صدقه نص ساعه وانا رايح
عباس ابو صدقة/طيب لا تتأخر انا عارفك انتا واحد تحب تتاخر وبارد
حسن كرويته/لا تخاف بس فيه مشكلة يابو صدقة انا مفلس والولية اختك حالفه يمين ماتعطيني ولا قرش
عباس ابو صدقة/ولا يهمك يابو كرويته اليوم انا منقرش
حسن كرويته/طيب لا تتأخر...تراها واصله معايا...والله عليك ياعمدة ابو صدقة
عباس ابو صدقة/ أنا ولا أنتا الي يتأخر
حسن كرويته/خلاص انا دحين راح احرك
عباس ابو صدقة/ طيب نلتقي هناك...يالله مع السلامه
حسن كرويته/مع السلامه
طوط طوط طوط طوط
قطع الخط
@@@@@@@@@@@@@@@
ان شاء الله عجبتكم المحادثة
يالله ردووو هلمووو على الرد
:d
رد مع اقتباس
مواقع النشر (المفضلة)