مشكلة عويصة في مكيف الهوندا

**الأفعوان** · 14-07-2008, 08:17 PM

السلام شباب البعض اتكلم عن مكيف الهوندا والشوف النضر كله على الفلتر بس طيب ما احد سئل نفسه ليش لمن تطلع السيارة من الوكالة يكون المكيف ثلج وعند اول تبديلة للفريون ايلخ طيب اسمعو الي صار
انا سيارتي سيفك اسود 2006 اول ماطلعتها من الوكالة في عز الظهر انزل عليه من البرد يعني اخليه على 1 ولو في اقل خليته المهم خلص الصيف وجا الشته وخلص ورجع الصيف
اشغل المكيف احس برودته مو مثل الأول قلت يجوز ناقص فريون المهم رحت وزته وصار العن من اول يعني بارد بس مو مكيف سيارة 2006 بنسبه اليه تحت الأول حار اسمع كلام يقولون الموديلات الجديدة ما تزيدها فريون مايصلح لازم تطلع الفريون كله وتعبي جديد طبعا سويت كذا ما استفت تحت الاول ولا شي المهم ذاك اليوم مار على كهربائي ويا خويي ولا اشوف إلا سيفك مثلي فاتح كبوته تعرفوني ملقوف:d رحت اطلع إلا الاخ علته مثلي في المكيف والي صابني صابه
ووداها الوكالة وشيل فريون وحط فريون ولا في فايدة
وبعدين قالو اكيد الكمريسر وبدلوه الرجال فرحان وتاليها مافي فايدة ماضبط طيب والحل اذا الوكالة ماتعرف المهم الكهربائي باكستاني اسمه عمران خخخخ اقليه وانت مع وجهك الوكالة ماتعرف انت بتعرف قالي انا معلوم ايش مشكل قلت وانا اسخر معلوم راوينا قام قبع حساس موجود في مواصير المكيف وقال الى صاحب السيارة روح جيب جديد
قلت انا من لاقافتي لو طلع غالي وشراه وماضبط الا يقلي انا يعطي ضمان سيم سيم وكالة مايضبط رجع
المهم الحساس يقول عمران هاذا الحساس لمن اتبدل الفريون بعضهم يخرب ويوقم يفصل ما اتشوفو لمن توقف بالسيارة المكيف يلخ يحتر مع العلم المفروض اتخف البرودة بس واحيانا لمن تسرع واجد مثلي انا 220 المكيف لخ قلت لا راح الكمبريسر اشوي ورجع برد المهم الحساس يفصل ابكيه لمن اتوقف يفصل ولمن تسرع سرعات عالية يفصل المهم بدله ابو الشباب وإلا الموتر ثلج وانا سويت مثله والحين في الضهر ماشاء الله طولت عليكم صح بس اتحملوني عشان اتعم الفايدة وسلام:o

**أكورداوي** · 14-07-2008, 09:37 PM

أولا .,

ألف مبروك عودة السياره لوضعها الطبيعي .. وبصراحه المكيف الأيام هذي أهم من المراتب حقت السياره :d خصوصا لما يكون الجو مثل جو اليوم في الدمام

الشي الثاني .. ماشاء الله عليه هالكهربائي شكله فاهم .. وأنا أشوف من المصلحه انك تعرف الشباب بمحله عشان تعم الفايده

الشكر لك يالغالي على طرح التجربه للشباب ;)

**CR-V** · 14-07-2008, 10:38 PM

مشكور على الموضوع ومشكور أكثر على الحل لهذه المشكلة التي يعاني منها الكثيرون.
لكن ليتك تعيد كتابته بالفصحى وتجعل عنوان الموضوع معبراً عن أنه حل (أنا دخلت وأنا أحسبها مشكلة)
-------
ملاحظة: عدلت "نوع العنوان" ليدل على الموضوع أكثر

**o-k-r** · 14-07-2008, 11:53 PM

انا سيارتي معا الجلد صرت قبل ماأركبها اشغل المكيف 15 دقيقة بعدين اركب السيارة هذا قبل

اما اللحين تم تركيب قماش على المراتب الامامية والخلفية للسيارة والحمد الله اذا ركت على طول المكيف Auto
وبعدها على الدرجة 3 على اي وقت المكيف صراحة حلو

ومعا الدوس الكمبريسر ينفصل عندي وذا رجع ضغط المكينة طبيعي يرجع شتغل المكيف ويكون بارد

وانا سيارتي الحمدالله بس انظف فلتر المكيف ويكون زي ماكان اول وكل شي عندي في سيارتي تمام التمام