الموضوع: موضوع ملخبط وداخل في بعضه وغريب

في البداية كيفكم يا شباب ان شاء الله تكونو بخير ...
مني عارف كيف ابداء موضوعي بس حنبرش والي يطلع يطلع انا والعياذ بالله من كلمة انا اشتريت هوندا سيفك 2008 الي تحت الفل على طول بس لما قاعد اقلب في المنتديات والمواقع حق هوندا الأمريكية لقيت مواصفاتهم تختلف شي بسيط في اشياء احلى من الي عندنا وفي اشيا من مواصفاتنا احلى من الي عندهم المهم لقيت عندهم مسجل شاشة على قد فتحة المسجل الي في الطبلون وفيه مواصفات كثيرة غير الراديو والسي دي فيه تحديد مواقع وطبعاً مهو شغال عندنا هنا على حد علمي الى اذا كانت فيه برمجة او طريقة معينة للبرمجة المهم فا سافرت يوم من الأيام الى اندونيسيا ولقيت عندهم مقاسات للمكاين زي الي عندنا 1800 +2000 CC وطبعاً الأخير مهو عندنا حبيت اني اتميز عن الشباب الي هنا الي مركبيين كت كامل فقلت ابغا اجرب النسافات وطلبتها والحمد لله بركبها قريب ان شاء الله بعد ما ارشها فقلت اكلم الموضوع واركب المسجل ابو شاشة ما لقيته في اندونيسيا فقلبت في المواقع لقيته في موقع honda.com ورخيص (310$) يعني (1162.50 ربال سعودي ) وطبعاً الموقع في امريكا فكان في واحد من الشباب طالع الى نييورك فوصيته على المسجل وقلي ابشر تم ولما راح عشان يشتريه تفاجأء بسعر مبلغ ما يخطر على البال قيمته ( 5000$ خمسة الاف دولار من غير اي شي واذا ابغا اركبه عندهم وبرمجة وبكل شي يكلف (8000$ ) ثمانية الآف دولار وعلى كلام خويي انه كان يقولها بستهتتار لما عرف انه من السعودية لأنه المسجل راكب على سيارة civic SI ويقول هذي ما تشتغل عندكم ومدري ايش والله لخبطني وصراحة قلبت السوق لقيت فيه نفس المقاس بس المسجل هذا دخل مزاجي ومني عارف كيف اجيبه