مارأيكم في مركز رد كاب Red Cap للصيانة ؟

**خلف** · 23-08-2008, 12:20 PM

شباب ..مارأيكم في مركز( رد كاب ) red Cap اللي على شارع بن خلدون ( شارع الملك فهد حالياً ) بالدمام ..اللي بموقع السيفوي القديم ..ماأدري ايش رأيكم فيه من ناحية الميكانيكا والكهرباء لأني ناوي أتعامل معاهم بسيارتي السيفيك يعني يسووا لها صيانة شاملة بدل زحمة الوكالة ..أو أغير عندهم بواجي متى ماطلبت السيارة..أشوف عمالتهم فلبينية ..شكل شغلهم عدل ..مين جربهم وكيف أسعارهم ونظافة شغلهم وجودته وهل يرضون أجيب قطع غيار من الوكالة أو يعندوا ويجيبوا هم القطع ..؟؟

**al3andleb** · 24-08-2008, 10:26 PM

ياغالي بالنسبه للفرع الي في الدمام مادري كيف تعاملهم وخدمتهم

ولكن رد كاب الي في الرياض طريق الضباب انا كنت عندهم اليوم

اول شي رحت للوكاله ابي اغير زيت وفلتر وقالو زحمه وانا بصراحه شفت زحمه وازعاج وكأني بورشه مو بالوكاله ولاتطلع الا بورقه خروج وتقعد تطر هالمهندسين عشان يعطونك ورقه خروج ماعلينا

طلعت من الوكاله وعلى طول رحت لرد كاب لاني قريت في اعلان ان عندهم عرض بـ 200 ريال تغير

1- زيت كاسترول
2- فلتر
3-تشييك على السياره
4-تشييك على الفلاتر
5-وزن اذرعه
6-ترصيص
7- تشييك على العكوس وتغييراماكن الكفرات
( هذي مافهمتها والله )
8- تشييك على الفحمات
وراحه بال وشغل نظيف وتتفرج على سيارتك وتعرف وش يسوون والشغله كلها ساعه وخمسه واربعين تقريبا

هذي امور رد كاب الي بالرياض

بالنسبه للقطع ياغالي لو تحب نجوم السماء مايركبون لك قطعه من برى هم يجيبون القطع ويركبونها عشان الضمان

ولكن فيه شي محيرني

الي هو ان فلتر المكيف يقول الموظف الي في وكاله رد كاب بعد الاتصال بوكاله عبود (هوندا)
قيمته

قيمته

400 ر.س

وبعد خصم رد كاب بيصير
بـــ

بـــ

300 ر.س

ولو اني حاس ان موظف رد كاب صرفها لي لن من كلامه ان الموضوع فيه شي ياهو نصاب ماتصل او يبي اخليهم يجيبونه لي من الوكاله مادري والله
المهم ان فلتر المكيف نظفوه

الانطباع العام بالنسبه لي ممتازين

ولو انهم غاليين شوي:(

ولكن لما اتذكر هم الوكاله وقلقها:(
اقول تهون

والسلام عليكم ورحمه الله وبركاته :d