الجنوط وما أدراك ما الجنوط

**راعي سفك** · 23-09-2006, 08:11 AM

السلام عليكم ورحمة الله وبركاته

أخواني أعضاء نادي محبين هوندا

أبغى أخذ رأيكم في الجنوووووط

سمعت من بعض الناس أن الجنوط غير الوكاله

تحدث صوت أو رجه بعد الــ90

فهل هذا صحيح أم لا

((أبغى واحد مجرب))

**جنرال الهوندا** · 23-09-2006, 01:29 PM

هلا حبيبي ..

أنا مجرب التجـاري و بصراحة ماشيه معي تمـام .. طبعـاً لها معي اسبوع واحد .. لكنها تمـام ..

**ابو ناصر** · 23-09-2006, 01:36 PM

جنرال الهوندا كم سعر التجاري بالغرابي

دمت بود

**النيف** · 09-10-2006, 02:46 AM

نصيحة مني والله اني مركب تجاري ومرفع الضغط عندي

مقاس الجنط 16 والعرض 7 ترج في ال 100 واقل من مئة ما ترج ولا حتى اكثر من المئه

الحين انا جالس افكر اركب سبيرات الوكالة واصرف التجاري .

بس اقولها لك مره و مليووون لا تركب التجاري

وبالتوفيق

**أبو درب** · 09-10-2006, 04:19 PM

كمو سعرها

**accord-se** · 09-10-2006, 11:20 PM

السالفه مو بس جنط تجاري و اصلي

في شي اسمه ميزان (ترصيص الكفرات) لازم يخضع الجنط بعد تركيب الكفرات عليه إلى عمليه ميزان وهذي فيها الشغله الي تفرق معك في الرجه

واكيد كل ماكان محل الميزان راقي بيكون شغله نضيف

**الماستر حنوم** · 10-10-2006, 03:07 AM

اخوي انا جنطي تجاري
ومشيت عليه 200 ولا رجه ولا شي
زي ما قال اخوي الترصيص هو المهم;)

**الماستر حنوم** · 10-10-2006, 03:08 AM

اخوي انا جنطي تجاري
ومشيت عليه 200 ولا رجه ولا شي
زي ما قال اخوي الترصيص هو المهم;)

**A C C O R D** · 10-10-2006, 04:59 PM

والله يا اخوي نفس الشباب الجنط تبعي تجاري من الغرابي ووالله ولا اروع ...,

بس اذا ركب الجنط على الكفر قل لراعي المحل يسويلك ترصيص (((ألماني)))

بحيث يصير الترصيص من داخل ولا يحطلك القطعه الحديديه اللي تجي على الجنط من برا
وفي نوع من انواع الترصيص اسمه ترصيص (((أرضي))) اذا ركب الجنوط على السياره يرفع السياره ويوزن الكفرات وهي على السياره ومظبوطه هذي بعد...

وبالنسبه لي مشيت 180 على الجنط التجاري ولا رجه ولا هم يحزنون...,

**حياتي كلها اكورد** · 12-10-2006, 08:17 PM

انا مركب جنوط تجاري و مشت معي 60.000 كم ولا رجه ولا خرابيط واسال مجرب

وغير كذا مشيت عليها بسرعه 225 على خط الشرقيه و ماشالله

**أكورد 2006** · 18-10-2006, 10:41 AM

ان كنت تسأل عن السعر أن سألت قبل كم يوم عن جنوط 2006

بالغرابي سعرها 1050 ريال هذا أقل واحد فيهم

وكذالك يعبي لك هواء نيتروجين مجانا

والترصيص عندهم بالكمبيوتر على شاشة مو على طريقة الارقام مجانا بعد

صتاعة التجاري وحدة ولا احد لعب عليك ويقول تايون تفرق عن صيني أنتبه !

أما من ناحية الرجة أشتر وانت مرتاح إن شاء الله ما عليك شي

بس فيه سؤال يا شباب

أنا قريت عندكم قبل ان نوع الجنوط حق الوكالة ثنين فيه نوع يلمع ونوع ما يلمع

صدق ذا الكلام والا شلون

ووش الافضل منهم

سؤال أخير كم عرض وحجم كفرات الوكالة للجنوط الأصلية من الوكالة

تكفون ابي الاجابة الصحيحة مع التأكد لاني بركبها وما ادري وش الحجم قتها

**السمسار** · 19-10-2006, 07:53 AM

ياللي تسأل عن الجنوط وتقول يلمع ومايلمع ..

أبعلمك وش الفرق ..

الجنوط اللي العالم تركبه الحين [ الجنوط المشابهة للوكالة ]

طبعاً كيف تعرف ..

يكون الجنط أمامية ناعم .. يعني اللي بالواجهة ناعم ..

أما اللي على جنبات <<< يعني [ أطراف ] الكروم اللي متصل مركز الجنط

يكون خشن ..

يعني حتى تفهم أكثر تخيل معي

/ \ <<< تخيل ان هذي الوصلات المتصلة بمركز الجنط ..
o

تكون الوصلات في الظاهر والواجهة ناعم وعلى جنب خشن ..

أما لو كانت ناعم كله ترى موب زينة ..

وترى يفرق السعر ..

سعر الخشن بـ 1100 بالحدود ..

أهم شئ حتى تفرق وتعرفه صح ..

شف لك أكورد فل بالوكالة او أي مكان ..

وحتى تعرف انه فل وماركب الجنوط ..

مكتوب مع ورى عند قوة المكينة صغيرة تحت الشنطة حرف L

للسياحية والسبيشل وحرف E للفل ..

ثم عاد قارن بينها وبين اللي بتشتري ..

اما حجم الكفرات حقت الوكالة 205\55\16

بس الافضل حتى تكون ارسى الموتر تركب مقاس

215\60\16 << أعرض وأرسى وأحلى شكل ..

ركب كفرات [ دنلوب ]

بالتوفيق ،،

**Damoosh** · 19-10-2006, 07:07 PM

بالعكس أنا مركب جنط مقاس 18 ووصلت فيه 180 واشي زي الحلاوه

**HONDA OWNER** · 31-10-2006, 02:39 AM

المشاركة الأصلية كتبت بواسطة أكورد 2006

ان كنت تسأل عن السعر أن سألت قبل كم يوم عن جنوط 2006

بالغرابي سعرها 1050 ريال هذا أقل واحد فيهم

وكذالك يعبي لك هواء نيتروجين مجانا

والترصيص عندهم بالكمبيوتر على شاشة مو على طريقة الارقام مجانا بعد

صتاعة التجاري وحدة ولا احد لعب عليك ويقول تايون تفرق عن صيني أنتبه !

الحـل الأمثل

تحيآتي ...