صبحكم الله بالخير أو مساكم الله بالخير ياأحلى منتدى
وشلونكم عساكم طيبين...وآسف على القطاعة بس لاتخافون تراي اتابعكم من بعيد لبعيد<<< من زينك عاد :(
مالكم بالطويلة...
أنا ياطويلين العمر والسلامة عندي سيفيك 2008 (نص فل) <<< طيب بشر الوالدة :d
الزبدة انه فيها كم مشكلة وأتمنى اني القالها حل واضح لأني والله مالي خلق أمر الوكالة لأني ساكن خلف الوكالة تقريبآ ويوميآ أمر عليهم ويضيق صدري من الزحمة اللي اشوفها وخاصة برمضان<<< ماأدري وش عنده أبو هاشم هو يوزع دراهم والا وش السالفة!!!
علماً بأن موتري ماشي تقريبآ 10000 آلاف كيلو متر في الساعة <<< ياااااااااااااااالله ياأني قديم وغبار تذكرت اختبار الفيزياء!!! :
1- فيه صوت وأنا داعس على الفرامل وأنا واقف كأني توي مغسل الموتر<<< ان شاء الله فهمتو
2- فيه صوت مزعج جدا يطلع عند أي مطب أو عيون قطط مثل صوت مفاتيح ومكانه في الدركسون الظاهر داخل البوري <<< بس أهم شي اني متأكد انه الصوت يطلع من الدركسون لايجي واحد ويقولي هذا أكيد صوت المفاتيح اللي بالسيارة والا شي لاني متأكد ان السيارة مافيها مفاتيح<<< الحمد الله والشكر وش فيه ذا ينفخ
3- أهم مشكلة ابيلها حل ألا وهي أحس الكفرات مرررررررره قاسية اذا دعست على عيون القطط السيارة شوي وتنقلب علما اني بالبداية حاط الكفرات على 30 والحين حاطها تقريبآ على 25ولانفعت الطريقة <<< والله العظيم اذا بغيت ادعس على عيون القطط انه تجين الصيحة :(
وآسف جداً على هذرتي الواجدة ياشباب لأني والله جالس في الدوام وأنواع الطفش والنوم قلت يالله خلينا نسولف شوي!!!
شاكر ومقدر لكم :o
رد مع اقتباس
مواقع النشر (المفضلة)