استفسار لمالكي السيفيك

**bassol-act** · 10-09-2008, 10:36 AM

السلام عليكم ورحمة الله وبركاته
مبارك عليكم الشهر .

بدون ما اطول المضوع باختصار انا عندي سيفيك 2007 نص فل والحمدلله ماشية عندي تمام التمام ولا في اي مشاكل تذكر ولكن من قبل 4 شهر تقريبا ظهرت عندي مشكلة وهي اني لما اشغل المكيف يشتغل طبيعي ويبرد اوكي ولكن تعرفون ان الكومبريسور يفصل ويوصل اللي صار ان الكوبيرسور لما يشبك السيارة يصير فيها رجفة والار بي ام ينزل شوي وبعدين يرجع طبيعي وهذه الحالة مع كل فصلة وشبك الكوبيرسور السيارة ترجف وبعدين ترجع طبيعي رحت للوكالة من قبل شهر وقال طبيعي ما في اي مشكلة

وانا متاكد ان السيارة ما كان فيها هالمشكلة المهم قالي لو تحب اخلي السيارة يومين افحصلك ياها ولكن ما اقدر استغني عن السيارة حاليا فقلت ارجعلك بعدين فحبيت اسالكم لو احد مرة عليه هالمشكلة او قدر يسويها وشكرا

**o-k-r** · 10-09-2008, 06:27 PM

اخوي شيكت انت على البواجي

او لمبة الانجن شغالة عندك

لأني انا لما اشتغلت لمبة المكينه احس كانها سيارة بتطفأ اذا يفصل المكيف واذا بغى يرجع

وذا في اي شي راجع في نفس الموضوع

**أبو الريش** · 10-09-2008, 07:22 PM

والله اظن انها عاديه

لكن بستفسر لك في الوكالة للأن لي يومين دايم عندهم

**bassol-act** · 10-09-2008, 08:48 PM

شكرا على ردودكم ولكن لمبة الانجن مو شغالة وكل شي تمام بس هذه المشكلة يلي تصير معي

**It's Me** · 11-09-2008, 05:16 AM

والله حبيبي عندي نفس الشي احيانا تطلعلي واحيانا لأ

وانا اذا دخلتها 40 الف راح استفسر ان شاء الله وارد

علعموم هيا بدايتها وبعدين تتعود على الرجفة بس اذا تقدر تشيك شيك

**assassin_vip** · 11-09-2008, 02:47 PM

والله انك جبتها على الجرح انا سيارتي 2008 وبرضه نصف فل واعاني من المشكلة هذي احياناُ تجي واحياناً لا من وقت صيانة ال 5000 وكل ما ادخل السيارة صيانة واكلمهم على المشكلة هذي يقولو سيبها يومين و كانك يا ابو زيد ما غزيت كل عادة يقول مافيها شي وطبيعي وانا متأكد انها ما كانت كذا اول
والله للأسف معتمدين على الكمبيوتر على حسب كلامهم والله مو كل شي يطلعه الكمبيوتر لازم شوية خبره في المواضيع هذي وازيدك من الشعر بيت في موضوع اكبر من الرجة هذي انا اعاني منها في ريحة تخش عليا لما احرق بسيارة فل بور يعني كأنها سيارة اجار لما تدعس فيها تخش ريحة عندي وكلمتهم ويسحبوني كل مرة وفي اخر شي اكتشفت من واحد صاحبي بصدفة قابلته هناك وطلع يشتغل في هوندا انهم عارفين المشكلة هذي ومهم ملاقين لها حل وراسلين للشركة الأم على المشكلة هذي ولكن الظاهر ردد يا لليل ما اطولك

**bassol-act** · 11-09-2008, 07:35 PM

^^^ كلامك 100% نفس يلي يصير عندي بس بالنسبة للريحة بما ادعس فول تلاقي ريحة عفن او شي مو حلو دش وخصوصا لو مشغل مكيف او فاتح هواية بس لاحظت هذه المشكلة بكل السيفكات تقريبا عشان هيك انا سكت عليها بس مشكلة رجة المكيف والله تقهر تلاقي نفس قاعد على الاشارة وكل شوي تحس انك قاعد بجلسة مساج تييك رجة :d
والله افكر اروح كهربائي اخليه يوصل الكومبريسور على طول ما يفصل عشان لا ترج شرايكم

وشكرا لتفاعلكم

**انريكي** · 11-09-2008, 11:45 PM

انا صارت معي فتره لكن اختفت بعد ما غير البنزين من 91 الى 95

جرب تحط بنزين 95 وان شاءالله تروح مشكلة الرجه وياكم

**kku_0827** · 12-09-2008, 05:48 AM

الله يكون في عونك امين انا مافيه اي شي انا فل كامل اول حسيت برجفه قويه مره بس طلع من كرسي المكينه والحين ماشيه افيه اي شي الحمد لله

**assassin_vip** · 12-09-2008, 03:07 PM

بنزين سيارتي 95 وفيه رجه بس الرجة تجي وقت فصلت المكيف فقط ...
وانتبه يا اخوي تشبك الكمبروسر دايركت ترا بينحرق عليك :(

**ابوزكي** · 24-09-2008, 12:31 PM

انا صادتني هالمشكله بصراحه وهذا انا متأذي منها ..
ورحت الوكاله عشان ايسووها على الضمان وزين يحمد ربه المهندس مامديت ايدي عليه ..
ياخي قهرني .. اقوله ترتجف السيارة لما يشتغل الكمبرسر وهو ايقول ليي طبيعي ..
وانا اول ماشريتها ما كانت جذي اصلا ..
وبصراحه هالوكاله دي تقهر .. وحاولت اقوله ارفع لي على ريس المكيف ..
قال ليي هذي في السيارات القديمه .. بس الجديده مافيها لأنها امبرمجه وفيها كمبيوتر ..
وكلها تقنيه يعني ماتقدر اتحوس في أي شي ..
زين سيارتي بعدهي ماتطلع من الضمان وهالجذي كيف اذا طلعت ؟؟
الله يستر مانى عارف ويش اسوي ليها .. بس بصراحه الحين طفشاااااااااااااان من هالشي ..:(

**bassol-act** · 24-09-2008, 08:49 PM

^^^ نفس الكلام بالضبط ارجو ان نجد حل

**ابو سراج** · 25-09-2008, 02:41 AM

ياخي

سي طبيعي انو تحس السيارة كانها بطفي

لان الكمبروسور اشتغل والكمبروسور ثقيل على السيارة

تقبل مروري

**Daniel alves** · 25-09-2008, 05:18 PM

الله يعينك أخوي

بس بصراحة أول مرة أسمع بها وأنا اللي عندي ما عمرها سوت كذا ولله الحمد

تقبل مروري وتحياتي

**MR.M** · 26-09-2008, 04:11 AM

والله ياشباب حتى انا نفس الشي السياره ترجف ورحت الوكاله قالي طبيعي

**unknown boy** · 27-09-2008, 03:59 AM

يا ألله ؟!!

واللهي حتى انا اشتكي من نفس المشكلة ...

وأول ما ظهرت عندي ... أخدت السيارة ورحت للشركة ...

قلّي خير ... جيبها لمن تكمل العشرة آلاف ...

و يوم 28/8/1429 دخلتها الصيانه لـ 10 آلاف كيلو نبّهتو عليها

قال طيب دا شي عادي ... و أنا أدخّلك هيا عالكمبيوتر

ولا كأنو سار شي ...

بس انا الحمدلله ماتسير عندي رجة ... بس انو عداد الهوا ينزل لقبل الواحد ويرجع

وبعدينا في عندي مشكلة من يوم ما أستلمت السيارة إلى الآن ...

وكل ما أوديها للصيانة ... يقول : طبيعي ... حندخلها عالكمبيوتر !!!

و مشكلتي هيا الـ ..

طق ... ططق ... طق ...

عارفين دا إيه ؟!!!

دا صوت القير الأوتمتيك !!

والله لمن أغير النمرة أحس انو يدي كلها تترج ... والصوت يسمعو كناس حارتنا من بعيد

**ابوزكي** · 13-10-2008, 10:32 PM

هذي طبيعيه وفي كل السيفيكات الجديده وموجوده عندي انا بعد ..
جربت ركبت كم سيفيك كلهم فيهم واسمعهم لما يعشقو على قدام يطلع ..
وبالذات لما اتكون السيارة على الباركن او الريوس واتحطها في D يطلع ..