قدر الله علي وصدمت !!!!!!!!!!!!!!!

[__spider__]

بسم الله الرحمن الرحيم

كيف الحال انشاء الله تمام
امس امطرت بالليل وقلت خلني ابي اتمشى بهالاجواء وانا ماشي كذا فجأه وقف السيد كان فيه حادث فا وقفت معا الي واقفين وجاء راعي فورد ماشي حول 120 فالله يهديه دخل سيارته بين السيارت الموجوده وصدمني وصدم كذا سياره .
الزبده ..... جاني عفط من الباب الي ورا الى الباب قدام ولقينا الرجال وطلع الخطأ عليه
فما ادري وش اسوي هل اغير البيبان او اعدلهن واعطيهن بويه فا بغيت رايكم
والباب بالوكاله كم سعره

سيارتي اكورد 2007

[المـــــلكـ اكـــــورد]

الحمد لله على سلامتك اهم شي انك سالم والحديد يتعوض

بالنسبة للباب في الوكالة تقريبا سعره 1800 ريال
التشليح تقريبا 900 ريال

<<طبعا الباب فارغ اي بدون القزاز ولا الديكور الداخلي ولا النيكل الخارجي فقط الحديد


تحيتي

[الـمـسـافـر]

الحمد لله على السلامه اولا

ثانيا : اذا العفط بسيط وسطحي يعني ما اعدم الباب عليك انصحك تسمكره وترش بويه محترمه

وباقي الفلوس من التامين خذها انت

[B Useful]

والله انت حبيب يا احمد !!

وش الباب اللي في التشليح بـ 900 !!

الباب الامامي لا يقل عن 2000 بكامل اغراضة والخلفي لا يقل عن 1800 بكامل اغراضة ...

على العموم الله يعينك اخوي وما تشوف شر ،،

انصحك تغيرهن ،، السمكرة اذا محل موب زين بيوضح كل شي ،،

[kakashi-san]

السلام عليكمْ ،،

اول شيء في الحديد ولا في العبيدْ ،،

تبي نصيحتيْ ، ؟!

غير كل شيء وكآآآآآآآلةْ وخل عنك السمكرةْ ،،

أنا سمكرت موتري وتحسفت ،، صاير واضح أني صادم :(

في البداية كان كل شيء اوكي ، بس مع الوقت صآرت الصدمه بآآينه مع النورْ ،،

والله يعينكْ يا أخويْ ،،

[Mr.Goldy]

اخووي غير لا تسمكر والله اذا سمكرة رااح تباان

[المـــــلكـ اكـــــورد]

والله انت حبيب يا احمد !!

وش الباب اللي في التشليح بـ 900 !!

الباب الامامي لا يقل عن 2000 بكامل اغراضة والخلفي لا يقل عن 1800 بكامل اغراضة ...

على العموم الله يعينك اخوي وما تشوف شر ،،

انصحك تغيرهن ،، السمكرة اذا محل موب زين بيوضح كل شي ،،

كلامك صحيح اذا كان الباب كامل لكن انا ذكرت اذا الباب فاضي اي الحديد فقط سعره جديد 1800 وكالة و900 ريال تشليح

[__spider__]

يا شباب الباب ماجاه شي من داخل كل الدعوه عفط من الباب الي ورا الى الي قدام

حتى ماراح من البويه الى شي خفيف والقزاز ماجاه شي انا ابي الباب حديد في الوكاله والتشليح
بعدين كم يصبغونه

انا سيارتي لونه لؤلؤي

[الـمـسـافـر]

طيب وش رايك تحط صوره للابواب

والشباب ما يقصرون معك بالورش الزينه اذا الضربه بسيطه زي ما ذكرت

[__spider__]

هاذي الصوره

تحميل صور[/url]

احس انكم تبون تفقعون وجهي

[و ق د السعودية 030]

الحمد لله على السلامه في الحديد ولا فيك

[أبو عــزوز ..]

أحسن شي إنك كاتب ع القزازهـ ( القصيم )

ثانياً .. ليه كفراتك كاتب عليها بقلم بويهـ .. صايرهـ كأنها كفرات جيب ربع :p


المهم .. الله يعوضك خير .. وأتمنى إن الشباب مايقصرون معك ..

[الـمـسـافـر]

يا رجال احلى رشه باحلى ورشه وبس

خذ فلوس التامين على انك بتغير الابواب

بعدين لمع الابواب مبدأيا ودور ورشه محترمه على مهلك :d

[ابو سعود]

شوف

السمكره مره تجيك ومره تخيب

والله خويي معه التيما 2008 فل كامل

فصلت عليه الفرامل ودخل وسيارتين الله يكفينا الشر

وضبط كل شي يبيله تغيير وسمكر اللي يتسمكر ورجعت مثل الوكاله والعزل مثل ماهو الوزنيه مثل ماهي وكل شي اوك

وانا شفتو صوره الحادث الابوم سمكرها لي ويقولون مع مرور الوقت والله الى يومك وما بانت
اصلا نسيت اني مسوح حادث اذا شفت السياره اقول من ذا :d>>> ما يعرف ينصب


فاقولك اذا انت من الرياض تعال اوديك لورشتي المفضله :d
شغل كويس

بس ترا على فكره

اللونين المستحيل انك تضبطهم بعد الحادث الابيض واللؤلؤي

اتحداك اذا ضبط نفسه مثل الاسود لاحضو اني قلت اسود

ونصيحتي لا تدخلها والكاله

والله قطعك وعلبك اللي بسيارتك بيبدلونها بغيرها تدري قطع مين ؛؛ قطع اخوانك اللي دخلو سياراتهم الوكاله بزعمهم انهم بيغيرونلهم لسواد عيونهم

والله عشان يجيبون الزباين

ما كفاهم سعر السياره ويبون سعر الصيانه ولا شغل يد والله لو الي يشتغلون لبنانيات كان نقول

اما يا هندي والله ما تدري وش يقعد على مرتبتك ولا وش لون يستعملها

اما السمكري تواعد معه اذا كان خويك

والله ان طولت 4 ساعات حقت راس شيشه وساعتين انتر نت

واضح اني اخذت راحتي بالحتسي

[__spider__]

الله يجزاكم خير

ماشاء الله عليك يا ابو عزوز شفت القصيم والتقليم لا بعد لو تروح للالبوم بوه صوره تصلحلك

والله هاذا الي شكله يبي يصير يالمسافر

((ولا شغل يد والله لو الي يشتغلون لبنانيات كان نقول ))
وش تستفيد من هالبنانيات ولا علشانهن يلمسن ... السياره طبعا

[momo]

اخرالمصايب ان شاء الله

[الـقـنـاص]

أولا ً ... الحمد لله على سلامتك يالذيب سلامه دايمه ان شاء الله .

ثانيا ً ... إذا أنت بتستخدم السيارة على المدى البعيد رأيي انك تشوف الوكاله أفضل لك وترتاح نفسيا ً .

ثالثا ًً ... إذا تبي ورشه محترمه عندنا في القصيم ( ورشة الحسون / عنيزه ) شغلهم تمام ومافيه كلام بس غاااااالين شوي

لأنهم يقارنون شغلهم بشغل الوكالة في أي سيارة .

أنا وديت لهم لهم سيارتي قبل شهرين ( كامري ) كان فيها طعجه خفيفه رفرف يمين قدام قالوا لي سمكره ورش بويه فرن 4000 ريال

طبعا ً قلت لهم لا ورحت لورشه ثانيه .

أخيرا ً ... أنت استخر ربك وشف وش ترتاح له .