انصحك تكشف عليها بالوكاله و تشوف ايش الخلل و تصلحها برع الوكاله كذا تكون عرفت ايش الخلل الاكيد
السلام عليكم رحمة الله يا اخواني.
عندي مشكلة بسيطة في سيارتي الحبوبة سيفيك موديل 2006
اعاني من رجة خفيفة تجي على السرعات 30 وتختفي وتجي الى السرعة 60 وتختفي وتجي على سرعة 80 وتختفي!!!!!!
الرجة تجي من جهة اليمين.
مع العلم بأن التواير جديدات من نوع بيردجستون الاصلية وما كملن 5 شهور.
والسيارة ما ضربت فيها في رصيف او اي شي.
وديتها الميكانيك ورفع السيارة فوق وما لاحظ اي عطل!!!
وقال احتمال يكون إكسل اللي يركب في الجير من جهة اليمين خربان.
وامس بدلت الاكسل كامل من سيارة سكراب ومازالت نفس المشكلة ما تغير شي.
افيدوني يا اخوان السياره ما عاجبتني كذا. :(
انصحك تكشف عليها بالوكاله و تشوف ايش الخلل و تصلحها برع الوكاله كذا تكون عرفت ايش الخلل الاكيد
اخوي انا عندي نفس المشكله وتوني اليوم مطلعها من الوكاله قالولي ان سوينا اعادة برمجه والحمدلله مافيها شي
المهم طلعت من عندهم ونفس المشكله موجوده انا راجعلهم بكره بشوف ايش يصير وردلك انشاء الله
اخوي انا سوية فحص مره ثانيه وضبطت السياره عندي بس الحين الرجه من 20 الى 40 فقط والوكاله يقولون احتمال المشكله
بالقير الله لايوفقهم السياره ماشيه 70 يقولون القير بالله وش رايك
رغم اني ياشباب ماقاوم بالسياره ومشيي دايم مهدي ولا اسرع بس كيف القير على قولتهم مادري الله يعين بس
هل تم حل المشكلةة؟؟؟؟؟
هل احد يعانى من السيفيك 2006؟؟؟
يمكن ترصيص شيك عند البنشر وشوف يحتاج ترصيص
الله يعينكم
عندي نفس المشكلة بس ما فكرت اوديها لعند احد انا شاكك بالجير يا ريت لو عرفتو المشكلة تخبرونا :d
أخى الفاضل ما دام إن الكفرات جديدة والجنوط ما فيها أى مشاكل والترصيص تمام يؤسفنى ان أقولها ان المشكلة 95 % من الجير والرجة إللى تشعر بها تحدث عند تغير ناقل الحركة للسرعات لذلك تظهر عندك فى حالات تبديل النمر فى الجير وانا اعتقد ان الجير الخاص بسيارتك هو من النوع الكهربائى لذا عليك بالذهاب إلى الوكالة لمعرفة المشكلة بأسرع وقت ومعالجتها حتى لا يترتب على ذلك مشاكل أخطر وأكبر .
تقبل تحياتى ...
هلا اخوي_
اشكرك ع مرورك_
وانا اعتقد ان المشكلة راح تكون من خلل في الجير لاني بدلت الاكسل كامل وفحصت السيارة 5 مرات تقريبا وما ظهر اي عطل في اسفل السيارة_
كاراج واحد قالي اتوقع فيه مشكلة في مدخل الاكسل الي طالع من الجير نحن نسمية ( بيرنج )_
يقول احتمال يكون هالمدخل فيه فضى_
وان شاء الله بدخل السيارة في الكاراج وراح يبطلوا الاكسل اليمين وبفحصوا هذا المدخل_
وعسى تتضح المشكله عشان نتخلص من هالرجة المزعجة_
تشكر_
كيف يكون القير سبب الرجة؟
هل انت تلاحظ رجة في الطارة نفسها ولا تحس بها تحت ؟؟
على كل السيفيك 2006 وقليل من موديلات 2007 فيها عيوب مصنعية ولكن ليست بالضرورة مضرة
مثلا عند المطبات وأحيانا لما تلف تسمع صوت طقة حديد جهة الكفرات
ايضا لما تشد على السيارة في القير الثالث وتوصل بها الضغط 6300 تشوفه يرجع 6000 بعدين يكمل للـ 7
على كل اذا شيكت عطنا النتايج ، ولكن جاوب على السؤال هل الرجة في الطارة؟
اذا كان جوابك نعم ، سوو ترصيص كفرات أول بعدين روح سوو ميزان للأذرعة عن اي ورشة فيها ميزان الكتروني علشان تطلع النتيجة 100% سليمة
هلابك عزيزي،،
الرجه عندي مو مثل رجة التواير الاعتيادية ، يعني السيارة ما ترجف بالكامل،،
الرجة تجي من جهة التاير فقط،،
يعني مرات لما اشد السيارة وتجي ع سرعة 30 و 60 تحس التاير اليمين فقط يرج وكأنه بيتبطل،،
أقصد الرجة ما تكون من عمودية ( يعني التاير ما يرج من فوق لتحت ) تكون رجة جانبية ( افقية ) يعني من يمين ليسار.
هذي اهية
وانا سويت ميزانية تواير وكل شي تمام_
تفقبلو تحياتي
:(
أنا معي 2006 وأقاوم فيها كثير والحمد لله ما فيه مشكله في القير
لكني مواضب على تغيير زيت القير.
مواقع النشر (المفضلة)