لدي مشكله ياخون ارجو المساعده

**abady20** · 20-11-2006, 12:11 PM

السلام عليكم:d
عندي سياره هوندا سيفيك
والبارح وانا امشي في الطريق طفت السياره فجئه

ذهبت بها اليوم الى الكهربائي
وقام بالتشييك على الافيوزات وجميعها ممتازه
وقام بالتشييك على مع المكنيكي على جيمع الاعطال التي من الممكن تكون السبب في العطل

دخل الكهربائي داخل السياره وشاف لمبة خضراء اثناء تشغيل السويتش عباره عن صورة مفتاح اخظر ينبض

قال لي الكهربائي المشكله لديك عطل في كمبيوتر السياره المفتاح لايقبله الكمبيوتر حق السياره
وسألني هل السياره بالاقصاد ام كاش فقلت له كاش ;)

يقول لي ممكن من الشركه قفلوا عليك بالاقمار الصناعيه هل هذا معقول

يقلي فيه ورش فيها كمبيوتر وفي الوكاله كمان يعملون برمجه لكمبيوتر السياره ويصير تقبل المفتاح والتشغيل
هل هذا معقول ؟؟؟؟؟؟؟؟؟؟؟؟؟؟

ابي شيئين

الاول اذا حد مرت عليه مثل هالمشكله يفتينا فيها الله يجزاه بالخير

والشي الثاني وين توجد ورش مختصه بالكمبيوتر حق السياره وبرمجته تكون بمكه المكرمه ابي موقعهم واسم الورشه وتلفونهم لو امكن

كفون ياشباب والله هالعطر شيب براسي :(

**922** · 20-11-2006, 12:16 PM

او شى وش رايك بسرعة الرد

السلام عليكم

رح للوكالة

والبرمجة ب 100

وشكلك مجمع اكثر من مفتاح لسيارات مختلفة في ميدالية وحدة

او حاط المفتاح مع اغراض فيها مجالات مغناطيسية مثل جوال او حاط المفتاج فوق التلفزيون
او تعرضت لاثار من قنبلة نووية >>>> بس خلاص

تحياتي
محمد

**abady20** · 20-11-2006, 12:50 PM

:d :d محمد الله يرج ابليسك
بالنسبه للسرعه مايحتاج ;)

بس تعال يعني انت مرت عليك هالمشكله اخوي بالله اشرحلي

معقوله السياره كانت تمشي طبيعي وشوي توقف وهذا السبب

بعدين اذا عندك سيفك تكفى روح ولع السويتش شوف تطلع لك لمبه المفتاح الاخظر الي تاشر تولع وتطفي :d >>>>>بيكرفه في الشمس

**الاخطبوط** · 20-11-2006, 01:30 PM

عجبني الرد السريع

>>> خمسه وخميسه :d

شعارنا اتصل نصل >>>>> غطيت على بيتزا هت يامحمد :d

ماشاء الله عليك عشان لاتقول صكوني عين بعدين نتوهق فيك

الزبده: عندي اكورد وصورة المفتاح الأخضر تختفي بعد ماأحط المفتاح على وضع ON قبل ماأشغل السيارة

وسيارتك جديده ولا كيف وعلى الضمان ولا كيف >>>>> اشرب كوفي من دكتور كيف :d >>> يسمع بالشعر

**abady20** · 20-11-2006, 02:39 PM

هههههههههههه هلا اخوي الاخطبوط تهنى بالقهوه والشعر :d

تقلي المفتاح يختفي بمجرد تولع السويتش انا عندي مايختفي وادق سلف مايشتغل ويولع ويطفي المفتاح الاخظر
والمهندس قال لي هالمفتاح من زمان كذا يطلع لك والا الان وانا والله مدري نسيت هل سابقا كان يطلع ولا لا

بس تمام عليك اخوي الاختبوط دام يختفي عندك معناته فعلا هذي المشكله

طيب حد يعرف ورشه غير الوكاله يسون برمجه للكمبيوتر ؟؟؟
في مكه او جده يفضل في مكه >>>>>يتشرط :o

بعدين ياشباب هذي معلومه اي شخص سياته مشت اكثر من 90 الف كيلوا نصيحه يغير سير التيما في المحرك ضروري بعد كل 90 الف كيلوا وهو اذا خرب مستحيل تشتغل السياره وممكن يخرب عليك وانت في سفر وشغلته جدا صعبه يفكون المكينه وتخيل انك في سفر ومعك العائله والله مشكله

**اتــشـــــ** · 20-11-2006, 10:01 PM

نصيحة لكم ياشباب لاتحطون مفاتيح ثانيه مع مفتاح السيارة
لانه كل مازادت المفاتيح في الميدالية مع الزمن بينعدم عندك السلف بسبب الوزن الزائد علية <<< انا عن نفسي مفتاح الاكورد مخليه لحاله وبدون ميدالية :d
غير كذا عشان تحافظ على الكود حق المفتاح <<< لان المفاتيح الثانية ممكن تأثر على الشفرة الالكترونيه اللي داخل مفتاح سيارتك .

هذا والله اعلم

**Damoosh** · 21-11-2006, 08:18 AM

أعتقد الشباب ما قصروا الله يعطيهم العافيه

**civic الشاكي** · 24-11-2006, 01:10 AM

يعطيكم100000000000000000000000
عافيه على التنبيه

**ليبيا** · 21-07-2009, 08:34 PM

هل يوجد حل لهده المشكله ام لا

**الـمـسـافـر** · 22-07-2009, 12:34 AM

الحل اننا وصلنا 2009 والرجال باع السياره وجاه عيال والموضوع من عام 2006
20-11-2006

**meshoo** · 22-07-2009, 01:36 AM

ياشباب الله يرضى عليكم

الرجاء عدم رفع المواضيع القديمه

في هذا الاسبوع انرفعت مواضيع كثير يعني كل شوي بنقفل موضوع !!

اتمنى انكم تكونون متفهمين للوضع والتأكد من تاريخ الموضوع قبل الرد وعدم الرجوع الى صفحات سابقه

يغلق