موضوووووووووع في غاية الأهميه بالنسبه للسيفك

**سيفك2008** · 23-02-2009, 01:29 PM

السلام عليكم ورحمة الله وبركاته
راح أبتدي بالموضوع على طول أنا سيارتي هوندا سيفك موديل 2008 ماخذها وكاله جديده ومن أخذتها ماشالله محافظ عليه لأبعد حد وكل يوم اذا جيت أطلع أحميها ربع ساعه أو أكثر وفي نهاية المطاف أشوف زيت المكينه ينقص طبعا من مشيت 5000 الالاف والزيت نقص عندي والوكاله قالوا لي مستحيل كأنهم مومصدقين غيروا الزيت وقالوا لي اذا نقص الله يعينك توديها الدمام لأني أنا من محافظة سكان الأحساء وشيكها عند الكفاح ولحين من مشت 9000 الالاف شفت الزيت نقص من وسألي ألحين من شنو تتوقعون الزيت نقص لأن الوكاله يقولون يمكن أنا من أخذت السياره وكلا تفحيط أو سرعه ونا والله العظيم لامسكت على السياره خطوط ولا شيئ حدي المدرسه ورجع وكل مشيتي ماتتجاوز 80 وأتمنى تفاعلكم معاي وأي معلومه تقدرون تفيدوني عليها يكون أفضل ومشكورين

**المباشر** · 23-02-2009, 02:44 PM

والله يالغالي حتى انا عندي نفس المشكلة .. بعد الـ 4000 ينقص مقدار نص علبه او علبه حسب السرعة والخط

هو في حل انك تغير زيت الماكينة الى نوع ثاني أثقل لأن زيت هوندا خفيف شوي ويحترق بسرعة

ممكن تجرب موبيل 20w50

وللمعلومية حتى في كتيب المالك مكتوب انه طبيعي ينقص الزيت ..

وحتى راعين التويوتا والنيسان عندهم مثل هالمشكلة وكانت النصائح بتغيير زيت تويوتا مثلآ لسيارات تويوتا الى زيت آخر

ابحث بقوقل وراح تشوف الشكاوي

**ابو سراج** · 23-02-2009, 02:54 PM

انا اغير كل 5000 الف

ولا ينقص الزيت ولا شي

مع العلم اني اغير كاسترول 10w30

**سيفك2008** · 23-02-2009, 04:08 PM

أها يعطيكم العافيه ودمتم على العافيه والقوى وشكرا على تفاعلكم معاي يعني أفهم من كلامكم مأراجع الوكاله

**أبو الريش** · 23-02-2009, 05:43 PM

والله انا اغير زيت الموتر كـل 2000 ( زيت هوندا )
و ما شاء الله الموتر
و انا مؤيد لـ كلام المباشر

**المباشر** · 24-02-2009, 03:14 AM

أبو الريش حرام عليك كل 2000 - شوي والزيت توه جديد

أهم شي تشييك الزيت بعد 3500 لأن بعدها يبدأ بالنقص عند البعض ..

وسيفيك 2008 - غير الزيت كل 5000 الآف وشيك عليه كل يومين او اكثر قبل ماتطلع بالموتر

وترى التحمية لمده ساعة كثيرة جدآ ومبالغ فيها ، في الشتاء 10 دقايق والموتر يصل لحرارته الطبيعية وفي الصيف 5 دقايق بس .

**سيفك2008** · 25-02-2009, 12:47 AM

مممممممممم والله اليوم رحت الوكاله وقالوا لي
وعلى كلامهم يقول لازم تشغل السياره وبعدين تطفيها وتشيك على الزيت هل كلامهم صحيح ولا كالعاده يبون ينصبون
طريقة تشيكك للزيت غلط في غلط أحترت وقلت لهم أنا واحد من ربعي قالي لاتشيك السياره الى وهي باااااااااارده يعني قبل ماتشغلها شيك ((((يعني قبل مأطلع الصباح أشيك على الزيت))

**المباشر** · 25-02-2009, 01:48 AM

1- شيك السيارة قبل التشغيل .. وشوف الزيت وين واصل

2- شغل السيارة وبعد ماتطفيها خلها 3 دقايق وبعدها شيك على الزيت والنتيجة راح تكون نفسها ( قبل وبعد )

والصحيح تشيك الزيت بعد التشغيل

**سيفك2008** · 25-02-2009, 06:52 PM

مشكووووووووور ويعطيك ألف عافيه (المباشر) ولاننسئ أعضاء المنتدى اللي تفاعلوا بالموضوع يعطيهم ألف عافيه والحمدلله على حسب خبرتكم وطريقتكم شيكت عالسياره وطلعت سليمه مافيها أي شسئ

**hazem2227** · 25-02-2009, 08:26 PM

المشاركة الأصلية كتبت بواسطة سيفك2008

مشكووووووووور ويعطيك ألف عافيه (المباشر) ولاننسئ أعضاء المنتدى اللي تفاعلوا بالموضوع يعطيهم ألف عافيه والحمدلله على حسب خبرتكم وطريقتكم شيكت عالسياره وطلعت سليمه مافيها أي شسئ

مبروك يا ريس إن السيارة طلعت تمام الله يعطيك خيرها ويكفيك شرها .
تقبل مرورى

**فاضل عياد** · 25-05-2009, 08:15 PM

ان ما عندي هاي الشغلة
وان موتري ابدل الزيت كل 10000 بل وكالة ولة صاير شي فيعا بل عكس كل ما كان الزيت قديم احسن للمكينة
وموتري راح الوكالة مرتين ويبيلة سنة كاملة عشان يروح الثالثة ون كل يوم جمعة اسوي صيان كاملة للسيارة اجيك الزيت والماي مال المبرد وزيت الفرامل وزيت الباور ستيركن والزيت القير ولة اي اثر من نقصان الزيت