كم مديل سيارتك
السلام وعليكم ورحمة الله وبركاته
مسائكم /صباحكم خير انا لا اجيد المقدماااات ولا التعبير عن ما بداخلي بالفصحى فاستأذنكم ان اكتب لكم موضوعي بالعااااامية :ـ
شباب كلكم تذكرووون السيوووول والامطار اللي نزلت على اغلب المناطق كانت تقريبا ببداية شهر 11 المهم سيارتي كنت موقفها برا عند البيت وتجي الامطاااار بالليل والارزاااق والوناااسه المهم بعد الكلام هذا كله من بكرة الصبح طلعت ابشوووف الامطااار وش سوووت بالارض لما فتحت السيارة وتفاجأ ان الماااء داااخل فيها ومليااانه من داااخل الى حد الدعاسات وانتوا بكرااامه المهم قلت اروح لأي مغسلة ينظفووون المااء المهم تركت السيارة عندهم ورجعت لهم واخذت السيارة لما رجعت للبيت قبل البيت ب100 متر تقريبا طفت السيارة وش السالفة يا ولد والله مدري المهم حطيت القير بـ N وامشيها الين وصلت قريب عند البيت وتاخذ السيارة عند البيت يمكن خمس او ست ايام قلت الحين بجرب اشغل اشووف . وتطلع لي نفس الطريقة المهم قلت ياابو حميد مالك الا الوكالة واجيب سطحه وعلى الوكالة سيده وقالوا لي الكمبيوتر خربااان قلت وش السواة قالي لازم تغيير قلت طيب لو اجيب لك من التشليح عاادي قال لا لازم جديد قلت يالله ركب الجديد راااح للمستودع ورجع لي قال خلص الكمبيوترمافيه والسواه قال اطلب لك من دبي قلت اطلب الشكوى لله المهم واشوف لي واااحد جاااي بعد نفس مشكلتي بالظبط واسولف معه شوي قالي ابي رقمك واعطيه رقمي وبعد اربع ايااام يتصل فيني السعودي اللي اخذ رقمي يسالني خلصت ما خلصت قلت لا والله وانت قال انا خلصت ابشرك قلت جاااب كمبيوتر قال لا جبت انا من التشليح وبرمجه لي اللي بالوكالة وانا انصدم شلون من التشليح وركبه وانا يقووول لي لا ؟؟!!
المهم من بكرة وانا عنده واهاوشه قال ما قلت لك مايصلح من التشليح قلت تبي اتوطا ببطنك الحين قال رح جبه وانا اسويه لك المهم واطلع وارووح للتشليح واجيبه بـ2000 واركبه عنده بــ 300 برمجه بس . وكالة القصيم طبعا والموظف اللي حصل معه الكلام هو مدير الصيانه هندي
بعدها باسبوووع طلع في الجراييد ان فيه تعويضات للمتضررين من السيول من الحكووومة قلت خلني اقدم مع هالناس اللي بتقدم واجي واقدم ولا يدقوون علي الا الاسبوع اللي راااح قالوا انت محمد قلت نعم قالوا حنا لجنة المتضررين من السيوول وانت مقدم صح قلت ايه قالوا تعال بالامارة واركب الاكووورد للامارة واجي واحصل اللجنه قالوا عندك شي يثبت قلت معي فواتير من التشليح ومن الوكالة قالوا وينها وارووح والف البيت لف ما حصلتها حصلت فاتورة التشليح بس وارجع لهم معي فاتورة التشليح قالوا هذي ما تنفع يا محمد نبي ورقه من الوكالة مع توضيح العطل قلت زين واروح للوكالة واحصل الهندي مدير الصيانه
والله يا اخلااااااقه زفت :p قلت ابي تقرير ويطالع فيني قلت ياهوووووه ابي تقرير قال انت جيت هنا قبل 3 او 4 شهور قلت ايه يعني عرفني ابو الشباب قال اسف الفواتير كلها ترووح لجدة كل اسبوعين قلت ياولد شف لي طريقة من هنا والا هنا قال ما اقدر قلت وين المدير قال هذاك مكتبه المهم وارووح للمدير قال بسيطة متى استلمت السيارة بالظبط قلت بتاريخ كذا قال خلاص تعال بكرة وتاخذه قلت اووكي .
شباب وش رايكم بحركات الهندي اللي هو مدير الصيانه يعني انا شخصيا سواها معي اكثر من اربع او خمس مراات وكل مرة يمسكووني عنه . والشباب اللي من القصيم اكيد يعرفوونه نبي ارائهم عنه .
حبيت احطكم في الصورة لا اكثر ولا اقل تقبلوا تحياتي
كم مديل سيارتك
كش في وجه وشوف كيف بيكون معاك
قصدك اسم الهندي اختر
هالهندي والله ياهو مسوي أزمة بالوكالة المشكلة مافيه غيره يشتغل
من يوم تشوف عيونه تغسل ايدك :d
.
.
.
.
.
.
.
حرامي القلوب :ـ 2006
المخلود بحبك :ـ المرة الثانية بنزل العقال واجلده
tfah :ـ ما اعرف اسمه والله
classic design :ـ صدقت والله
مشكورين على المرور جميعا
الزبده وصلت للتعويض ولا لا>>>>>>>>>>>>متحمس
والله الله يعينكم لاصار مافيه الا هو اكيد حافظكم هههههههه
انا ادرس بالقصيم وقبل شهر صار لي موقف معه وهو باااارد وبدون احساس وانا الفه كف دبل كيك من القـــهر ولو ما ابعدوني عنه كان رافعه بالونش ومسوي مشنقه بالصيانه ومره قلت ابي اخذ فوق تحت من عند الدوار الزراعي واجيه بالطبلون كله واشيله هو ووكالته ..... بس اللي اقوله ياقلبي كلك ندم .... وياعين هلي دموع
ومن بعدها اذا شفته اعطيه اشكل وما اتفاهم الا مع المدير ....
سنعوه ياهل القصيم :d
يالربع عندكم فيه :d
^^^^^^^^^^
خربببببببببببببببببببببها :d
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
اااخ لو يطيح في يدي والله لا اشرشحه يا شيخ بس المشكلة كل اللي يطيحون بيدي محترمين :d
يااشيخ عندناا واحد بصيانة خريص هندي يجيب المرض والسكر .. والله انه يرفع الضغط .. ذااك اليووم رحت ابسوي صيانة 5000 كلم .. المهم واقوله عن طقه بالشنطة وهالطقة بجميع موديلات 2008 و 2009 .. قلتله صلحه لي على الضمآآن .. قال هذا طقه في كلوا سيارة .. قلت ادري انه بكلوا سيارة .. قال لازم عيب تصنيع .. قلت وهذا وشو ؟! وانا ويآآهـ رفع صووت .. قلت مدير انتاا وين .. جااء المدير وانا ويااهـ والمدير قدر وضعي وصلحهـ على الضمآن .. ومن زود الاحترام فيه .. يقول اي شئ تعآل بمكتبي .. ماقصر والله :d
ولا اوصيكم عليه ذاا الهندي .. :d
السلام عليكم ادري خاش عرض بس انا ابغى اشتري هوندا موديل 2004
تنصحوني فيها ولا لا ويعطيكم العافيه
الهندي اللي في خريص هذا مادري ايش قصته هو وشنبه
على طول مقفله معاه واخلاق معدومه ماعمري شفته يبتسم الا مره وحده وشكلها ابتسامه بالغلط كمان
يا خوي لو جات على الهندي ذا ترا هينة
انت لو تدري وش يسوا ؟ كان شاب شعرك
في صافولا او وحدة من الشركات الكبيرة
واحد هندي ماسك التوظيف .. لما يجي له واحد من جماعتة يحطه بوظيفه لها سلم وظيييييفيييييييي طوووووويل
و لما يدخل له سعودي .. يحطة بوضيفة سلمها الوظيفي ما يتعدى ولا يوصل لمدير حتي
هندي مره وحده
لاحووووووووووووووول
انا لما جيت اطلع سيارتي جلست مع الوكاله 4 ايام كل يوم يقولون بكره بكره بكره
ومندوب المبعات هندي اسمه ظهور الله يفقع وجهه
يوم جاء يوم السبت المساء اتصلت عليه قلتله السياره جات قالي لا بكره
قفلت السماعه بوجهه
وعلى طول رحت الوكاله بلعن خير الهندي او ما دخلت المعرض شافني قالي ياشيخ سياره بكره يجي والمشكله يكلمني وهوو منحاش
خخخخخخخخخخخخ
رحت مديره قلتله القصه كيت قالي منو المندوب قالت ظهور قال لاحوووول دايم يحرجنا مع العملاء دقيقه اتأكد السياره موجوده او لاء
قلتله طيب
تخيلوا ههههههههههههه
السياره موجوده من يوم الخميس
والغبي الهندي مو داري
يوم بلغني ان السياره فيه بغيت اجيب العيد في الهندي الغبي
ولكن الشكوى لله هداني المدير
ولعنت الشيطان
ورحت استلمت سيارتي
والغبي كأنه ما سوا ولا شي
:d
لو في البحرين يرفعه من راسه
ويقول اليه
جيب التقرير احسن لك لا انتفك نتفه نتفه
مواقع النشر (المفضلة)