السلام عليكم
انا عضو جديد معاكم وحبيت اخذ استشارتكم بخصوص سيارتي السيفيك 2001 , اللي لفت 25 ميكانيكي ومتخصص بالهوندا ومحد عرف سبب المشكلة .
ابتدت القصة لما ضرب الهيد واحترق الكاسكيت, المهم صلحت السيارة وركبت كاسكيت جديد وخرطت الهد , وكل شي صار تمام بعدين بالنسبة للحرارة , بس للاسف الار بي ام صار يلعب وانا ماشي وخاصة لما افضي الجير او وانا قاعد اغير |. يعني ينزل تقريبا للصفر ويرد يطلع للواحد ونص ثلاث او اربع مرات بعدين السيارة تسكر وانا ماشي فيها , وخاصة عالسرعات العالية تكبر المشكلة . والغريب بالامر ان الطريق اذا كان فيه حفر او مكسر شوي يلعب الار بي ام بزيادة حسب الطريق .

هاي يلي سويته :
- ميزانية صبابات
- ميزانية وتنظيف بخاخات
- تنظيف الفيول سستم اللي بالتنكر ورا تحت الكرسي
- ميزانية للريس
- تشييك عالسينسرات

يعني السيارة صارت مكلفتني 2000 ريال ومو محصل حل , مع العلم انه السيارة ما كان فيها هالمشكلة قبل فك الهد .

واللي عنده اي فكرة او معلومة يفيدني تكفون