العيوب المصنعية للسيفيك لموديلات 2006 وفوق

**Black Arrow** · 27-03-2009, 03:18 AM

السلام عليكم ورحمة الله وبركاته،،،

صراحة وقت طرح هالموضوع يعتبر متأخر جداً ولكن ان احنا نطرحه خير من ان احنا نظل مخدوعين من قبل الوكالة

صراحة ما ادري بأيش ابتدي ، كل شوي اكتشف مشكلة ، المشاكل اللي واجهتها ما غيرت انطباعي عن السيارة اللي بالنسبة لي تعتبر ممتازة جداً

انا عن نفسي ما ادري ايش هي الاعطال المصنعية ، فكرة الموضوع هذا ان احنا نطرح كل مشكلة واجهتنا ونشوف الآتي:

- كم شخص واجه هذه المشكلة؟
- هل المشكلة في نفس الموديل؟
- كم شخص راح للوكالة وقالوا له انها عيب مصنعي؟
- العيوب المصنعية المعلنة من الوكالة

انا راح ابتدي بالمشاكل اللي طلعت لي:

السيارة هوندا سيفيك 2006 قير اوتوماتيك فئة EXI

1- عزم السيارة نازل وصوت المكينة عالي كانها مكينة ديزل وكل شوي تطفي.

كنت ماشي بالسيارة شوي الا اشوف دخنة طالعة من الكبوت واتضح التالي:

السيارة انقطع وشداد السير انقطع ، رحت للوكالة وغيروه لي على الضمان ، طبعا اكتشتف الحين انه اكثر من واحد واجه هالمشكلة وهذا دليل انها عيب مصنعي ، هالكلام صار لي والسيارة كانت ماشية اكثر من 30,000 كلم ، واجهتني المشكلة مرة ثانية وهالمرة كانت ماشية اكثر من 70,000كلم بس هالمرة اضطريت ادفع قيمة القطع.

السيارة الحين ماشية اكثر من 170,000كلم وما شاء الله ما واجهت هالمشكلة واتمنى انها ما تجيني مرة ثانية.

2- في الملفات وخاصة لجاك مطب او حفرة تسمع طقة جهة اليسار والصوت اعلى جهة اليمين ، الصوت كانه قطعتين حديد يتضاربون وقت اللف.

انا شفت هالمشكلة واحد حاطها في منتدى اجنبي وبودي اشوف كم واحد منكم واجهته هالمشكلة. تحليلي هالمشكلة انه احتمال يكون المقص او المساعد فيه علة ، انا غيرت المساعد جهة اليسار بعد ما طلع الصوت عالي من جد فيه ووديته ورشة الجنوب بالرياض وقالي لازم تغير المساعد ، كلفني المساعد الجديد اكثر من 1000 ريال اذا ما كنت غلطان لاني غيرته قبل سنة تقريبا

3- غيرت كفرات السيارة مرتين ، في المرة الاولى شريت كفرات فالكون نوعية يابانية دعستها حلوة وفي الطريق حلوة واحسها ناعمة في المطبات ، عيبها انها ما ضلت سنة على سواقتي وشوارع الرياض :d ، المشكلة الي واجهتها كان رجة في الطارة ، البنشري يقولي الكفرات مرصصين روح سو لها ميزان ، وراعي الميزان يقولي السيارة موزونة روح رصص الكفرات ، انا طنشت الاثنين وضليت في خط الرياض الاحساء ماشي بهالكفرات لما حللتهم و غيرتهم الى ميشلان ولو ان سعر الكفر دبل سعر الفالكون ، الحين السيارة اوكيه بس احس برجة اسفل البدي كان السيارة بس من تحت ترتج ، الطارة رجتها خفيييييييييييييييييييييييفة مرة علشان كذا ما عرفت المشكلة من الكفرات او العكوس او المساعدات :( ، ما يصير تطلع هالمشكلة بس لاني غيرت كفرات الوكالة :(

4- مشكلة بالقير ولو اني ما اقدر اسميها مشكلة لاني احس انها بسبب سواقتي الهبلة :d، انا راعي مقاوم خلني اكون صريح ، ومسك خطوط ودعس ، وشوارع الرياض تغري الواحد انه يخلي السيارة تحفر في الأول :d

الحين السيارة لكنت في شارع ومتجه نزولا ، تقوم تنزل نمرة للقير الثالث اذا ما كنت تدعس بنزين ، الوكالة قالوا لي هذا شي زين علشان تخفيف للسرعة على قولتهم سيفتي ، المشكلة انه بعض الاحيان اشوفها تنزل للثالث وتضل مدة 5-6 ثواني ما تعشق رابع وخامس ، بودي اذا شخص عنده نفس مشكلتي يعلمني ، الحين طبعا شبه اختفت لاني توني مغير زيت القير ، فيمكن انه من سواقتي الحلوة :pاحرق زيت القير بسرعة.

5- في صيانة الـ 100,000كلم ، الوكالة غيروا لي طرمبة البنزين والعوامة ، الحين السيارة لكان البنزين باقي 5 شرطات يعني تقريب الربع وانا امشي والف يمين في منعطف وادعس............السيارة ما تسوي شي ، ينزل الريس والصوت يصير كان السيارة طفت بس بعد 3-4 ثواني ترجع تمشي السيارة . انا سألت شخص عن هالعلة وقالي يمكن الوكالة ما ركبو لك العوامة صح ، هذا احتمال وارد وراح اشيك عليها ان شاء الله في القريب >>> مشيت على هالمشكة اكثر من 70,000 كلم يعني شكلي بشيك عليها في الـ 200,000 كلم :p.

هذا اللي واجهته لغاية الآن واتمنى من الشباب اللي واجهتهم نفس المشكلة ، انهم يذكرونها هنا علشان نعرف نحجر للوكالة ونقنعهم انها غلطتهم انهم ما نبهونا على هالاخطاء هذي>> متعوب عليها

**حموود المدير** · 27-03-2009, 06:15 AM

أولا يعطيك العافيه أخوي على طرحك للموضوع

والموضوع جا في وقته عشان افض فض اللي في قلبي >>>> ضايق صدره

طبعا سيارتي نفس موديل سيارتك ونفس المواصفات

بالنسبه لصوت اللي تقول عنه ديزل هذي يا طويل العمر غيرت فيها البيرنق لطرمبه الباور وغيرت فيها طرمبه الماي >>> طبعا على حسابي

وغيرت بعد الشداد والسير للاحتياط >>>> وصلخه في السعرر

بالنسبه للطقه سليمه ما في صوت

طبعا بالنسه للسياره شريتها طيس ( جنوط الوكاله 15 ) وبعد فتره شريته جنوط الوكاله 16 وغيرت كفراتها الى toyo مقاس الوكاله والحمد لله ماشيه بس زيك في رجه خفيفه مادري ترصيص ولا ميزان لاني ما وزنت ولا رصصت

وعندي نفس الشي اذا جات نزله وداعس بريك ترجع السياره نمره

أتمنى أني افدتك ولو بالقليل وانشاء الله الشباب يتفاعلون بالموضوع

ويعطيني ويعطيك الله العافيه

**راعي الcivic** · 27-03-2009, 03:23 PM

السلام عليكم
سياارتي م2007 وراااح عندي كرسي المكيينه الي من عند الرااكب وعندي كتير من الشبااب رااح عندهم 20072006 واعتقد انها عيب مصنعي
مشكوووراخي على الموضووع وتقبل مرووري

**Musouka** · 27-03-2009, 04:59 PM

والله أن سيارتي صار لها عندي من شهر 7 العام 2006 للحين وما فيها عيوب كبيرة ولله الحمد (أو يمكن فيها وأنا ما أدري، ههه).

لكن عيب هوندا الكبير هو أن البوية ضعيفة، وشخصياً وبعد 4 شهور من شراء السيارة اكتشفت أن الطبقة الشفافة اللي فوق الصدام الأمامي بدت تتقشر، طبعاً رحت للوكالة بس قالوا هذا ماله علاقة بالضمان وأنه وارد بسبب عوامل التعرية وخلافه مع أني ما كنت أسرع وكنت مهتم بالسيارة وقالوا يدك على 500 ريال عشان نرش الصدام، طنشت فيهم ورحت رشيته بره بـ250 ريال.

كذلك، بعد مضي 5 شهور تقريباً على الشراء، تم إغلاق الهاي واي عشان الصيانة وتم تحويل السير إلى المسار المحلي (القديم والمكسر طبعاً)، فصادف أني يوم رايح الدوام وكانت الدنيا مطر وإلا اتفاجأ بحفرة عملاقة وسط المسار الأيسر لم استطع تفاديها فوقعت السيارة فيها من جهة الراكب وصوت الضربة كان قوي جداً مما أدى إلى انعدام الإيطار الأمامي الأيمن، بس زين أن الجنط تحمل، بس من ذاك اليوم صرت أحصل صوت طقة من نفس الجهة إذا جيت على مطبة بسرعة أو كسرت الدركسون كله، رحت الوكالة وقلت لهم بس ما عرفوا إيش السبب وما زالت الطقة مستمرة.

في صوت قاهرني يروح فترة ويرجع فترة ويطلع من المكيف خاصة عند تشغيل السيارة أو الوقوف بعد السير عندما يكون المكيف شغال كأنه صوت هواء يمر من فتحة ضيقة، كلمت الوكالة 3 مرات متفرقة عنه بس ما عرفوا له.

اذكر مرة أبوهاشم نشر إعلان في الجرايد استدعاء لبعض موديلات السيفيك الجديدة لتصليح خطأ في قطعة تختص بالوقود على ما أذكر لكن سيارتي لم تكن منهم.

عموماً السيارة لا تزال ممتازة بالنسبة لي ولا توجد عيوب كبيرة فيها، وقريب أكمل الـ120 ألف ولا زالت بصحة ممتازة

**Ryan** · 28-03-2009, 12:21 AM

ههههههههه جبتوها عالجرح

انا بعد عندي سيفيك 2007 خربت عندي كراسي المكينه اللي عند الراكب والسواق

وغيرتهم ب900 ريال سعر القطعة غير التركيب

كان في السياره شوية رجه رحت لكذا ورشة قالو لي غير بواجي غيرتها ولا زاااالت نفس الرجه

آآآآآخر الفلم وديتها عند معلم سوري بس فنااااااااااااااااااان (((طبعاً فالدمام ))))

ومااااقصر قالي عيبها والأن السيارة زي الحلاوة ولله الحمد

سافرت فيها إلى جدهـ ورجعت مرييييييحه جداً فالخط بعكس الكورلا ال2005 اللي كانت معاي

تحياتي /

Ryan

**Black Arrow** · 28-03-2009, 12:41 AM

شاكر لكم مروركم جميعا

وعقبال ما نطلع جميع الخرابات المصنعية

لكن عيب هوندا الكبير هو أن البوية ضعيفة،

احتمال انهم مخزنينها تحت الشمس علشان كذا تأثرت البوية

الحين في اثنين موديلات 2007 عندهم مشكلة كراسي المكينة ، يعني احتمال كبييييير انها تكون عيب مصنعي ومتواجد في سيارات اخرى

في عندي مشكلة ما ذكرتها في ردي السابق

6- اذا كنت داعس الدعسة كاملة والسيارة عشقت ثالث ، لما يوصل الضغط 6400 يرجع الضغط فجأة للـ 6000 وتحس بالعزم ينزل ولكن اول ما يوصل 6000 تكمل بعدين للـ 7000 ، واكثر من واحد موديل 2006 قالي عنده نفس المشكلة . في دبي استأجرت لي سيفيك 2008 وما كانت فيها هالمشكلة لاني جربت ادعس بها ولا صادفتني ابداً.

**It's Me** · 28-03-2009, 02:03 AM

الحمد لله مشاكلي لا تستدعي اني اذكرها يعني كلها بسيطة بس اعاني من اصوات الديكور صراحة بس من الي مسويه في السيارة:d
وموديلها 2007
والمشكلة الأخيرة الي قلتها اعتقد انها عادية اذا ما كنت غلطان انو الضغط ينزل وحتى في الأكورد فيها الشي هذا اذا ما كنت غلطان برضو:d

تقبل مروري

**المـــــلكـ اكـــــورد** · 28-03-2009, 02:44 AM

عفوا على المداخلة

كراسي المكينه تحتوي على ربلات فمن الطبيعي جدا انها تتلف بعد مده معينه من الاستعمال وتعتبر من القطع الاستهلاكية

صحيح ان هوندا بشكل عام وبعد تجربتي لها اكتشفت ان الكراسي لاتدوم لفترات طويله <<ربما سياسة تسويقية

ايضا من اسباب تلف كراسي المكينه وكراسي القير (المقاومات والمطبات القويه...)

اخيرا السيفيك سياره ممتازه جدا وعيوبها نادره تكاد لاتذكر لكن اللي مايعجبني فيها صغر محركها

تحياتي

**ابو سراج** · 28-03-2009, 05:40 PM

السلام عليكم

اخواني صوت طقة القير دليل على ايش

وعندي صوت دقدقة لا لفيت الدركسون

تقبلوا مروري المتواضع

**bassol-act** · 28-03-2009, 07:33 PM

انا امتلك سيفيك موديل 2007 EXI اوتو

والجير مجنني عندي المشكلة اللي ذكرها اخوي Black Arrow
وعندي مشاكل تكاد لا تعد مشاكل ولكن مو مرتاح معاها احس انو تبديلات الجير مو مستقرة يعني مو مرتاحة وما تحس نفسك ثاعد تسوق وانتا مرتاح تحس بكل التبديلات مرات تنتع وتهتز السيارة لو كنت ماشي على سرعات صغيرة واللحظة يلي قبل ما يبدل فيها القير شلت عن البنزين تحس انها تنعت وصارت تهز علما انا سيارتي ماشية 27 الف وعامل كل انواع الصيانات داخل الوكالة من ال1 لل 25 الف وشكرا

**o-k-r** · 28-03-2009, 08:11 PM

مساكم الله بالخير جميعا

انا ولله الحمد معاي سيفيك 2007 فل كامل

وعلى حسب قيادتي للسيارة

في صيانة 100ألف غيرت كراسي المكينة كلها+كراسي القير

وصحيح انهم ماصار فيهم شي بس الأحتياط

وغيرت الطرمبة+العوامة

وكانت سيارتي عادي لاتصرف بانزين ولاشي

والعيوب المصنعية ولله الحمد لايوجد عندي اي مشكلة في السيارة

وانا اخر انسان يفكر يسوي صيانة للسيارة في الوكالة^_^

ومشكور يامرتضى على طرح الموضوع

**Black Arrow** · 28-03-2009, 08:42 PM

كراسي المكينه تحتوي على ربلات فمن الطبيعي جدا انها تتلف بعد مده معينه

الكراسي مو المفروض انها تنتهي في وقت قصير

انا ماشاء الله للحين ما غيرت الكراسي وهنا شباب عندهم 2007 وغيروها !!

طقة القير دليل على ايش

صوت عادي ، قفل القير

انو تبديلات الجير مو مستقرة

غير زيت القير وشوف كيف تطلع

، احتمال نوعية الزيت اللي يحطونها عندكم بالكويت غير ، وش اللي يحطونها لك؟ احنا هنا يحطون زيت القير من هوندا وانا صراحة ما جربت غيره ، في احتمال اغير بس لشفت نوعية ممتازة

**Black Arrow** · 28-03-2009, 08:46 PM

على كل ترى القير حق الياباني قوي ما شاء الله ، وانا صراحة ناوي اذا ودع القي >>الله لا يقولها :d << اني اركب قير عادي ، ابي اشوف مستوى جديد

عثمان

زين ان السيارة ماشية اوكيه وياك للحين

ما شاء الله

**ابو سراج** · 28-03-2009, 09:50 PM

انا ما قصدي على الطقة اللي تطلع لا كبست فرامل والسيارة على p

انا اتكلم عن الطقة اللي تطلع اذا شيت تحط السيارة من nالىd
او العكس

**كلاس وولد ناس** · 28-03-2009, 11:30 PM

أنا عندي سيفيك 2003>>>بس وش دخلك بالموضوع يقولك 2006 وفوق:d
بصراحة معاي زي الحلاوة ماشية 106ألف
والله يعينكم على مشاكلكم

**ولد الديره** · 29-03-2009, 12:47 AM

بالنسبه اليي السفك خيبت ضني في حاجه واحده فقط

انها ما تنفع الى خط . لما اسرع فوق 100 او 120 صوت الهواء يزعج الواحد و بالنسبه اليي يخووفني فما بالك لما تسرع 180 او 200

لاني احسه يدخل الى السياره من كل مكان على عكس التويوتا حتى لو كنت راكب (يارس) ما بتحس بالصوت

وانا اتاكدت من المشكله عند ناس غيري طلع العيب من التصنيع

والمفروض سياره بهدى السعر ( 73000 ) وهدا الموديل ( 2008 ) المفروض يكون ادائها افضل من كدا

وآخر شي ابغا اقول لاحد يفكر اني ذكرة التويوتا يعني انا افضلها على الهوندا لكن حبت اعطي مقارنه بسيطه

**civic 008** · 29-03-2009, 02:51 AM

??????

**Black Arrow** · 29-03-2009, 09:11 PM

لو كنت راكب (يارس) ما بتحس بالصوت

معلومة جديدة توني اسمع بها ، ما شفت احد من قبل اشتكى من السيفيك انها تنسم هواء على سرعات منخفضة زي كذا

??????

^^^^
؟؟؟؟؟؟؟؟؟

**Black Arrow** · 30-03-2009, 08:17 PM

ماشاء الله للحين ما غيرت الكراسي

شباب اذكروا الله ، اليوم شغلت السيارة الصبح واسمع رجه واكتشفت ان الكرسي الامامي اليمين يحتاج تغيير

شريت الكرسي بـ 515 وشغل اليد في ورشة الجنوب 100 ريال

**C I V I C 2006** · 30-03-2009, 09:26 PM

هلا والله مرتضى....

انا خرب عندي شداد السير يمكن على 30 ألف وغيرته على الضمان...

صوت الطقة في الكفر الايمن هذا جتني ورحت الوكالة وقلت غير لي كرسي مكينة يمين...وعلى طول غيروه بدون ما يشيكون ..!

يعني عندهم علم انه في خلل مصنعي بس ساكتين..والحين رجع الصوت بعد ما مشيت على كرسي المكينة الجديد 10 اللآف فقط..!

شكلي برجع لهم مرة ثانية...لأن السيارة باقي على الضمان

وفيه شيء ملاحظة عندي من اول ما طلعت السيارة من الوكالة...لون الصدامات الامامي والخلفي غير مطابق للون البدي 100%

هل فيه احد عنده المشكلة هذي...لأني خايف تكون سيارتي جاها حادث وصلحوها وباعوها...وحنا ياغفلين لكم الله

الله يعطيك العافية بلاك اررو

**Musouka** · 30-03-2009, 11:06 PM

طيب سؤال، ماهو الشيء الذي يدل على أن كراسي المكينة تحتاج تغيير؟

المشاركة الأصلية كتبت بواسطة Black Arrow

احتمال انهم مخزنينها تحت الشمس علشان كذا تأثرت البوية.

أبد، أن سيارتي طلبتها من المعرض شهر 6 العام 2006 ووصلتني شهر 7، وحسب استكر المعلومات السيارة مصنعة شهر 6 العام 2006، يعني دايركت من المصنع - السفينة - المعرض، حتى أنا لما لمستها كانت ساخنة وطرية كأنها للتو طالعة من الفرن (أكيد لأن الدنيا كانت صيف) :d

**ابوزكي** · 11-04-2009, 11:15 AM

الحمدلله رب العالمين ..
ماعندي أي مشاكل والسيارة سيفيك 2006 فل ابشن ..
غيرت توايرها بس لأن التنزيله عدمتهم لي من ورى كانو فارشين لأن ..
وقماشات أماميه فقط مرتين .. ( مره كل سنه )
ربل مساحات ..
يعني اشياء استهلاكيه ..

**السيفيك2006 (أبوياسر20)** · 18-04-2009, 12:37 PM

السلام عليكم
السيارة سيفيك2006
بصراحة أنا من النوع اللي يكرف كرف
والحي اللي أنا فيه كل يوم تطلع لك حفرة جديدة
وبسبب الحفر صارت لي مشكلة الشداد مرتين
قبل 3 أسابيع واليوم
وكلفني مع شغل اليد أكثر من 500 ريال
بس بشكل عام
مع كل هذا الكرف وأنا شاري السيارة
مستعملة في 2008
وكرفتها سنة كاملة ما كلفتني شي
إلا الشغللات الدورية
وبعد سنة من الكرف المتواصل
بدت السيارة تطلب قطع وهذا شي طبيعي
بس يا إخواني شسوي بالنسبة للشداد
ما أدري وشو السبب
من المطبات والحفر
وإلا وشو بالضبط أرجوا المساعدة؟؟؟؟؟
(وللعلم تراني من أهل الدمام وأدرس بالحساء)
يعني أروح وأرجع بالسيارة بنفس اليوم 3 مرات في الإسبوع

**Kemo0o** · 24-04-2009, 12:03 AM

- اذا كنت داعس الدعسة كاملة والسيارة عشقت ثالث ، لما يوصل الضغط 6400 يرجع الضغط فجأة للـ 6000 وتحس بالعزم ينزل ولكن اول ما يوصل 6000 تكمل بعدين للـ 7000 ، واكثر من واحد موديل 2006 قالي عنده نفس المشكلة

سيم سيم ... نفس المشكلة عندي ولا حصلت لها حل

**د / عبدالرحمن** · 12-05-2009, 05:51 PM

السلام عليكم

يا جماعة انا عندي موضوع ما ادري هوا عيب في السيارة ولا المشكلة من دعستي للبنزين معايا سيفيك 2008 ماشية تقريبا 26 الف
لمن ادعس بالسيارة واكون مثلا مثبت دعستي على 100 ( بدون مثبت ) واجي ازود السرعة احس السيارة ترج + لمن اكون داعس على سرعة خفيفة وارفع رجلي عن الدعسة برضو احسها ترج معايا + دعسة البنزين عقدتني احس انها ثقيلة ومني عارف ادعسها من فوق ولا من تحت ولا من فين والله مني عارف

اخر شي ابغى اقولو مشكلة لمن يشبك الكمبروسر حق المكيف وانا واقف احس ضغط المكينة ينزل الى 500 والسيارة قريب تطفي وبعدين ترجع طبيعية .

اكون شاكر ومقدر وممتن عظيم الامتنان لكم لو استطعتو مساعدتي وشكراً